Éxodo 32:17 - DIOSPA QHELQACHISQ

¹⁷ Chantá Josueqa israelitakunaj ch'ajwasqankuta uyarispa, Moisesta nerqa: Maqanakuspapis ch'ajwashankuman jina jaramanta uyarikamushan, nispa.

Qheshwa Biblia DC

¹⁷ Josuetaj, israelitaspa maytapuni ch'ajwaspa qhaparisqankuta uyarispa, Moisesman nerqa: Jarapeqa maqanakuspapis ch'ajwashankuman jina uyarikun, nispa.

DIOSPA QHELQACHISQAN DEUTEROCANONICAL

¹⁷ Chantá Josueqa israelitakunaj ch'ajwasqankuta uyarispa, Moisesta nerqa: Maqanakuspapis ch'ajwashankuman jina jaramanta uyarikamushan, nispa.

Éxodo 32:17 ပူးပေါင်းရင်းမြစ်များ

1 Crónicas 7:27

Elisamaj churintaj Nun karqa, paypa churintaj Josué.

Job 39:25

Caballoqa qhaparirispa, trompetaj waqasqanman kutichin, karumantapacha maqanakuta muskhirin, capitankunaj kamachisqankutapis uyarin, soldadokunaj qhaparisqankuta ima.

Salmos 47:1

1 (2) Kay pachapi tukuy tiyakojkuna, t'ajllakuychej. Kusiywan qhaparispa, Diosta jatunchaychej.

Éxodo 17:9

Chantá Moisés Josueta nerqa: Qharikunamanta wakinta ajllaspa, amalecitakunawan maqanakoj riy. Noqataj q'aya orqo patapi kashasaj, Diospa qowasqan varata pataman oqharispa, nispa.

Éxodo 24:13

Chantá Moisesqa yanapajnin Josuewan khuska Diospa orqonman wicharerqa.

Éxodo 32:16

P'alta rumikunataqa Dios kikinmin ruwasqa, jinallataj chaykunapi kamachisqakunaqa Diospa qhelqasqanpuni karqa.

Éxodo 32:18

Moisestajrí kuticherqa: Mana maqanakupi atipaspa kusiywan qhaparisqankutachu, nitaj atipachikuspa waqaspa qhaparisqankutachu uyarishani. Manachayqa takishasqankuta noqa uyarishani, nispa.

Éxodo 32:6

Q'ayantenqa tutamanta jatariytawan, israelitakuna uywa ñak'asqa q'olachinata, k'acha kawsakuy jaywanatawan ima waka uña lantiman jaywarqanku. Chaymantataj tiyaykurikuspa, mikhorqanku, ujyarqanku ima. Chantá kusiririkuspa tukuy imaymana khuchiriyota ruwanaman qokorqanku.

Jeremías 51:14

Tukuy Atiyniyoj Tata Dios sutinrayku tilun: Llajtaykita awqaykikunawan phinki phinkikunawan jina junt'aykuchisaj, paykunataj qanta atipaykususqankurayku, kusiymanta takirikonqanku, nispa.

Amós 1:14

Chayrayku noqaqa Rabá llajtaj perqanman ninata jap'iykuchisaj, chay ninataj kamachinanku wasita ruphaykonqa, sinch'i maqanaku kashajtin, muyoj wayra kashajtintaj.

Amós 2:2

Chayrayku noqaqa Moab suyuman ninata jap'iykuchisaj, chay ninataj Queriot llajtapi kamachinanku wasita ruphaykonqa. Sinch'i maqanaku kanqa, cornetakunatataj waqachenqanku, jinataj moabitakuna wañuchisqa kanqanku.

Josué 6:10

Josuetaj soldadokunata ch'inllamanta muyurinankuta kamacherqa: Maypachachus: Qhapariychej, nejtillay, sinch'ita qhaparinkichej, nispa.

Josué 6:16

Chantá qanchis kutita muyurisqankutawan, sacerdotekuna pututunkuta sinch'ita waqachejtinku, Josué israelitakunata nerqa: Qhapariychej, imaraykuchus Tata Dios kay llajtata makiykichejman jaywaykusunkichejña.

Josué 6:20

Chantá sacerdotekunaqa pututunkuta waqacherqanku, soldadokunataj jatunmanta qhaparerqanku. Israelitakunapis pututu waqasqanta uyariytawan, kunkankoj atisqanta qhapariyta qallarerqanku. Chantá ujllata llajtaj perqan loqhekuspa urmaykorqa. Chaymantataj sapa soldado cheqanta llajtaman phinkiykorqapacha, ajinamantataj Jericó llajtata jap'erqanku.

Josué 6:5

Maypachachus qankuna carnero wajramanta putututa unayta waqajta uyarinkichej chayqa, tukuy kallpawan qhapariychej, llajtaj perqankunataj ujllata thuñirparikonqanku. Chaymantataj sapa ujniykichej maypichus kashasqaykichejmanta cheqanta llajtaman phinkiykuychej, nispa.

Jueces 15:14

Judamanta kajkunaqa Sansonta Lehiman chayachimojtinkutaj, filisteokuna kusiywan qhaparqachaspa, payta taripaj llojserqanku. Chantá Tata Diosqa Espiritunwan watej Sansonta kallpacharqa. Sansontaj makinpi chay watasqa lino waskhata p'itirarqa, phunu q'aytupis kanman jinata.

1 Samuel 17:20

Chay q'ayantintaj Davidqa tutamanta jatarikorqa, ovejankunata wajman mink'arikuspataj rerqa, tatan Yesé mikhunata wakichisqanta apaspa. Maqanaku jaraman chayashajtintaj, soldadokuna manchayta qhaparispa maqanakunankupaj wakichikusharqanku.

1 Samuel 17:52

Chantá Judá jatun ayllumanta, jinataj Israel suyumanta kajkunapis qhaparispa, Gat llajtaman yaykunakama chantá Ecronman yaykuna chaynejkama filisteokunata qhatiykorqanku. Sagarayinmantapacha Gatman, chantá Ecronman rina ñan patapi filisteokunaj ayanku wijch'u wijch'ulla kasharqanku.