Éxodo 32:12 - DIOSPA QHELQACHISQ

¹² Egipto llajtayojkunaqa ninkumanchari: Diosqa israelitakunata mana allin sonqowan kaymanta orqhon, ch'innejpi wañuchispa kay pachamanta chinkachinanpaj, nispa. Chayrayku sonqoykita tiyaykuchikuspa, aylluykita ama jasut'iychu, ari.

Qheshwa Biblia DC

¹² Manachu chayta yachaspa egipciosqa ninkuman: Diosqa israelitasta orqhon ch'in pampaspi wañuchinanrayku, kay jallp'a patamanta q'alata chinkachinanrayku?, nispa. Thasnullay ari chay k'ajaj phiñakuyniykitaqa, ama ari phiñakuychu, yuyarikuy ari Israel runasniykimanta.

DIOSPA QHELQACHISQAN DEUTEROCANONICAL

¹² Egipto llajtayojkunaqa ninkumanchari: Diosqa israelitakunata mana allin sonqowan kaymanta orqhon, ch'innejpi wañuchispa kay pachamanta chinkachinanpaj, nispa. Chayrayku sonqoykita tiyaykuchikuspa, aylluykita ama jasut'iychu, ari.

Éxodo 32:12 ပူးပေါင်းရင်းမြစ်များ

Génesis 6:6

Chayrayku Tata Dios runata ruwasqanmanta maytapuni llakikorqa. Sonqonpi sinch'ita llakikuspataj, nerqa:

1 Reyes 8:51

Chayta ruwanki, imaraykuchus paykunaqa aylluyki kanku, chayaqeykitaj. Paykunataqa Egiptomanta, fierro unuyachina hornomanta jina orqhomorqanki.

Esdras 10:14

Aswan allin kanman noqaykoj kurajniykukuna cuentaykumanta qhepakunankoqa. Chantá tukuy pikunachus llajtankupi tiyakunku, waj llajtayoj warmikunawantaj casararqanku, chaykunaqa señalasqa p'unchaypaj, wajyachisqaman jina jamuchunku kamachejninkunawan juezninkunawan khuska. Chay jinamanta Diospa k'araj phiñakuynin tiyaykukonqa, nispa.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Salmos 74:18

Yuyarikuy, Tata Dios, awqaykej phiñachisusqanmanta, wampu runakunataj sutiykita manakajpi rikhurichisqankumanta ima.

Salmos 78:38

Diostajrí khuyakuyniyoj kaspa, mana allin ruwasqankuta pampachaj, paykunata mana tukuchispalla. Tata Dios ashkha kutita phiñakuyninta ñit'iykukorqa, manataj phiñakuyninwan atipachikorqachu.

Salmos 85:3

3 (4) Phiñakuyniykita ñit'iykukorqanki, k'araj phiñakuyniykitataj tiyaykuchikorqanki.

Salmos 90:13

Tata Dios, noqaykuman kutirimpuy. Mashkha unaytataj suyachikuwasqaykuri? Kay kamachiykikunamanta khuyarikuy ari.

Éxodo 32:14

Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Éxodo 33:13

Sichus cheqatapuni khuyarikuspa qhawarinawaykita tarini chayqa, imatachus ruwayta munasqaykita niway ari, noqa qanta munakusunaypaj, jinataj qan noqapi atinikunaykipaj. Amataj qonqaychu kay runakunaqa qanpata wawaykikuna kasqankuta, nispa.

Isaías 64:7

Noqayku ukhupi mana pipis kanchu sutiykita oqharispa Diosninpaj rejsikapusojqa, nitaj pipis qanpi atinikoj kanchu. Chayrayku qan uyaykita noqaykumanta pakanki, jinataj millay ruwasqaykuman urmaykojta saqellanki.

Isaías 64:8

Chaywanpis, Tata Dios, qanmin tatayku kanki. Noqaykoqa llink'i t'uru jinalla kayku, qantaj manka llut'aj jina kanki. Chayrayku noqaykoqa tukuyniyku makiykej ruwasqan kayku.

Jeremías 28:16

Chayrayku Tata Dios nisunki: Noqaqa kay pachamanta chinkachisqayki. Qanqa kay watapi wañunki, imaraykuchus sut'inchasqaykiwan runakunata enqhaykunki contrayta oqharikunankupaj, nispa.

Ezequiel 20:14

Chaywanpis, imatachus yuyasqayta mana ruwarqanichu noqamanta runakuna ama millayta parlanankupaj, pikunachus Egiptomanta israelitakunata orqhomushajta rikuwarqanku, chaykuna.

Ezequiel 20:22

Chaywanpis makiyta paykunaj contranpi mana oqharerqanichu, ama waj suyukuna noqamanta millayta parlanankupaj, mayqenkunaj rikunantachus israelitakunata Egiptomanta orqhorqani, chaykuna.

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Joel 2:17

Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

Amós 7:3

Chantá Tata Dios khuyakuspa, nerqa: Chaytaqa mana ruwasajchu, nispa.

Amós 7:6

Chayrayku Tata Dios imatachus yuyasqanta manaña ruwayta munarqachu: Manallataj chaypis kanqachu, nispa.

Jonás 3:9

Ichapis Dios imatachus nisqanta manaña ruwanmanchu, k'araj phiñakuynintaj tiyaykunman, jinamanta mana wañunanchejpaj, nispa.

Zacarías 8:14

Tukuy Atiyniyoj Tata Dios kaytapis nillantaj: Ñawpa tataykichejkuna phiñachiwajtinku, noqa nej kani paykunata jasut'inayta, jinataj paykunata jasut'erqani.

Números 14:19

Chayrayku Tata Diosníy, khuyakuyniyki mana tukukuyniyoj kasqanrayku, mañarikuyki kay runakunaj millay ruwasqankuta pampachanaykita. Qanqa, Egiptomantapacha kaykama juchankuta pampachaspa karqanki, nispa.

Números 16:21

Kay runakunaj chawpinkumanta t'aqakuychej, imajtinchus kunanpacha paykunata tukuyninta wañuchisaj, nispa.

Deuteronomio 13:17

17 (18) Qankunaqa imachus chinkachisqa kananpaj t'aqasqa kashan, chaymanta ama imatapis jap'ikapunkichejchu. Chaykunata mana jap'ikapojtiykichej, Tata Diospa sinch'i phiñakuynin tiyaykonqa, qankunatataj khuyasonqachej, tataykichejman tiluspa nisqanman jinataj ashkhata mirachisonqachej.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

Deuteronomio 9:28

Jina kanman chayqa, may llajtamantachus orqhomuwarqayku, chay llajtayojkuna nenqanku: Tata Diosqa, mayqen jallp'atachus qonan karqa, chayman pusaykuyta mana atisqachu. Chejnikuspa, ch'innejpi wañuchinanpaj paykunata kaymanta orqhorqa, nispa.

Josué 7:26

Chaymantataj patanman ashkha rumita tawqaykorqanku, chaytaj kunankama kashan. Chayrayku chay cheqata Acor Valle nispa suticharqanku. Tata Diostajrí Israelpa contranpi manaña phiñasqachu karqa.

Josué 7:9

Cananeokuna, chantá kaynejpi tukuy tiyakoj runakuna atipachikusqaykuta yachanqanku, tantaykuykuspataj, tukuyniykuta tukuchiwasqayku. Sichus ajina kanman chayqa, imataj kanqa chay jina may uyarisqa sutiykiwanri? nispa.

1 Samuel 12:22

Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.