Éxodo 32:10 - DIOSPA QHELQACHISQ

¹⁰ Kunanqa ama jark'awaychu. Noqa paykunapaj sinch'i phiñasqa kasqayrayku, wañuchispa paykunata tukuchisaj. Qanmantataj waj jatun aylluta sayarichisaj, nispa.

Qheshwa Biblia DC

¹⁰ Kunanqa saqellaway, paykunapi phiñakuyniyta thasnukusaj, paykunata tukuchisaj, qanmantarí uj jatun nacionta ruwasaj.

DIOSPA QHELQACHISQAN DEUTEROCANONICAL

¹⁰ Kunanqa ama jark'awaychu. Noqa paykunapaj sinch'i phiñasqa kasqayrayku, wañuchispa paykunata tukuchisaj. Qanmantataj waj jatun aylluta sayarichisaj, nispa.

Éxodo 32:10 ပူးပေါင်းရင်းမြစ်များ

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Salmos 106:23

Chayrayku Dios nerqa: Paykunata tukuchisaj, nispa. Ajllakusqan Moisés paykunarayku mañapojtintajrí, Tata Diospa phiñakuynin tiyaykorqa. Ajinata ruwaspa, Moisesqa israelitakunata Tata Dios chinkarparichinanmanta jark'arqa.

Éxodo 22:24

24 (23) Chantá phiñakuyneyqa qankunaj contraykichejta k'ajarenqa, espadawantaj wañuchisqaykichej. Qankunaj warmiykichejtaj warmisapa rikhurenqanku, wawaykichejkunapis mana tatayoj rikhurenqanku.

Éxodo 32:11

Moisestajrí chayta uyarispa, Tata Diosninmanta mañakorqa: Tata Dios, imaraykutaj aylluykej contranpi chay jina k'arajtapuni phiñakuwajri? Qanmin paykunata sinch'i atiyniykiwan tukuy imaymana t'ukunata ruwaspa, Egiptomanta orqhomorqanki.

Éxodo 32:19

Chantá Moisés jaraman qayllaykuspa, waka uña lantita rikorqa, israelitakunatataj tusushajta tariparqa. Chantá manchay k'arajta phiñarikuspa, makinpi jap'isharqa, chay p'alta rumikunata orqo k'uchupi choqaspa p'akirparerqa.

Éxodo 33:3

Qankunaqa riychej, maypichus lechewan, abeja misk'iwan yaku jina purishan, chay jallp'aman. Noqarí mana qankunawanchu risaj, ama qankunata chawpi ñanpi chinkarparichinaypaj, imajtinchus qankunaqa ancha rumi sonqo kankichej, nispa.

Jeremías 11:14

Ajinaqa Jeremías, ama kay runakunarayku imatapis mañawaychu, ama majakuwaychu nitaj qhaparimuwaychu, imaraykuchus ñak'ariypi rikukuspa qhaparikamuwajtinkupis, mana uyarisajchu.

Jeremías 14:11

Chantá Tata Dios nillawarqataj: Kay runakunata yanapanayta ama mañakuwaychu.

Jeremías 15:1

Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Jeremías 7:16

Tata Dios nillawarqataj: Qan, Jeremías, ama kay runakunarayku mañakuwaychu, nitaj majakuwaychu. Amapuni paykunapaj mañapuychu. Amallataj kutin kutinta paykunarayku mañawaychu, imaraykuchus mana uyarisqaykichu.

Ezequiel 20:13

Chaywanpis israelitakunaqa ch'innejpi contrayta oqharikorqanku. Mana kamachisqayman jinachu purerqanku, nisqaytapis qhesacharqanku, mayqentachus kasuspa, kawsayta tarinkuman karqa, chayta. Samarikuna p'unchayniyta manallataj kasuta ruwarqankuchu. Chayrayku nerqani: Ch'innejpi paykunata phiñakuyniypi chinkarparichisaj, nispa.

Números 14:12

Noqa millay onqoyta kachaykuspa paykunata wañuchispa tukuchisaj, ama chay jallp'aman yaykunankupaj. Chaymantataj qanmanta uj jatun aylluta jatarichisaj paykunamanta aswan atiyniyojta, nispa.

Números 16:21

Kay runakunaj chawpinkumanta t'aqakuychej, imajtinchus kunanpacha paykunata tukuyninta wañuchisaj, nispa.

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Deuteronomio 9:14

Kunanqa ama jark'akuwaychu kay runakunata wañuchispa, sutinkuta kay pachamanta chinkachinayta. Qanpa mirayniykimantarí ashkha runayoj jatun suyuta ruwasaj, israelitakunamanta aswan ashkhata, aswan kallpayojtataj, nispa.

Deuteronomio 9:19

Tata Dios contraykichejta phiñakuspa, qankunata ujllapi chinkachiyta munasqanta rikuspa, noqa maytapuni mancharikorqani. Chaywanpis Tata Diosqa uj kutitawan mañakusqayta uyariwarqa.

Santiago 5:16

Chayrayku, ujkuna ujkuna juchaykichejta rimarinakuychej, jinallataj ujkuna ujkunapaj Diosmanta mañapuychej, Tata Dios qhaliyachisunaykichejpaj. Cheqan runa tukuy sonqo Diosmanta mañakojtin, Dios uyarenqapuni.