Éxodo 32:1 - DIOSPA QHELQACHISQ

¹ Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

Qheshwa Biblia DC

¹ Israelitastaj chaykama, Moisés Sinaí orqomanta mana usqhayta uraykamojtin, tantakuytawan Aaronman qayllaykuspa nerqanku: Kunanqa dioskunata ruwapuwayku ari ñaupaqeykuta rinankupaj. Imaraykuchus Egipto jallp'amanta orqhomuwarqayku chay Moisesqa imanakunchus mana rikhurimunchu.

DIOSPA QHELQACHISQAN DEUTEROCANONICAL

¹ Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

Éxodo 32:1 ပူးပေါင်းရင်းမြစ်များ

Génesis 19:14

Chantá Lot, pikunachus ususinkunawan casarakunanku karqa, chay waynakunaman willaj rerqa: Usqhayta kaymanta ayqenachej, imajtinchus Tata Dios kay llajtata chinkarparichenqa kasqa, nispa. Tolqankunatajrí Lotpa nisqanta mana kasorqankuchu, paykunawan pujllakushasqanta yuyasqankurayku.

Génesis 21:26

Abimelectajrí nerqa: Kunankama chayta mana yacharqanichu. Qanpis chaymantaqa mana imatapis niwarqankichu. Pichus chayta ruwasqanta mana yachanichu, nispa.

Génesis 39:8

Joserí manapuni munarqachu, nerqataj: Patronneyqa niwan noqa tukuy imanmanta cuentayoj kanayta. Noqa kaypi kashajteyqa, mana imamantapis llakikunanchu tiyan.

Génesis 44:15

Josetaj paykunata nerqa: Imatataj kayta ruwawankichejri? Manachu yachankichej noqa watuyta yachaj kasqayta? nispa.

Génesis 44:4

Jinapis llajtamanta manaraj karuta rishajtinku, José mayordomonta yachaykucherqa: Chay runakunata qhatiykuy, taripaspataj ninki: Imaraykutaj patronniyman allin kajmanta sajra kajwan kutichinkichejri? Ima nispataj patronniypa ujyanan

Salmos 106:19

Horeb orqopi qorimanta uj torillota ruwakorqanku, chay jina millay lantimantaj qonqorikorqanku.

Éxodo 13:21

Chantá ñanta rikuchinanpaj Tata Dios paykunaj ñawpaqenkuta rerqa, p'unchayqa chhoqo phuyupi, tutantaj ninapi, ajinamanta israelitakuna tuta p'unchay purinankupaj.

Éxodo 14:11

Moisestapis nillarqankutaj: Manachu Egiptopi aya p'ampana karqa? Kay ch'inpi wañunaykupajchu pusamuwarqayku? Imatataj kayta ruwawaykuri? Imapajtaj Egiptomanta orqhomuwarqaykuri?

Éxodo 16:3

Nerqanku: Allin kanman karqa Egiptopi Tata Diospa makinpi wañunayku. Jaqaypeqa ashkha aychayoj mankaj ñawpaqenpi tiyarikoj kayku, t'antatapis sajsakunaykukama mikhoj kayku. Qankunarí kay jina ch'inman pusamuwayku, yarqhaymanta wañuchinawaykupaj, nispa.

Éxodo 20:23

Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

Éxodo 24:12

Chaymanta Tata Dios Moisesta nerqa: Maypichus noqa kashani, kay orqoman wicharimuy, chantá chaypi suyaway. Noqataj p'alta rumipi kamachisqakuna qhelqasqayta israelitakuna yachanankupaj qosqayki, nispa.

Éxodo 24:18

Moisestaj phuyu ukhuman yaykuspa, orqoman wicharerqa. Chaypitaj payqa tawa chunka p'unchayta, tawa chunka tutatawan qhepakorqa.

Éxodo 32:11

Moisestajrí chayta uyarispa, Tata Diosninmanta mañakorqa: Tata Dios, imaraykutaj aylluykej contranpi chay jina k'arajtapuni phiñakuwajri? Qanmin paykunata sinch'i atiyniykiwan tukuy imaymana t'ukunata ruwaspa, Egiptomanta orqhomorqanki.

Éxodo 32:22

Aarontajrí kuticherqa: Ama phiñakuychu, tatáy. Qan allinta yachanki, kay runakuna mana allin kajta ruwanaman sonqo aysasqa kasqankuta.

Éxodo 32:23

Paykuna niwarqanku: Pusanawaykupaj dioskunata ruwapuwayku, imaraykuchus Egiptomanta orqhomuwarqayku, chay Moisesqa imanakunchus, mana yachaykuchu, nispa.

Éxodo 32:7

Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Éxodo 33:3

Qankunaqa riychej, maypichus lechewan, abeja misk'iwan yaku jina purishan, chay jallp'aman. Noqarí mana qankunawanchu risaj, ama qankunata chawpi ñanpi chinkarparichinaypaj, imajtinchus qankunaqa ancha rumi sonqo kankichej, nispa.

Ezequiel 20:8

Paykunatajrí contraypi oqharikorqanku, manataj uyariwayta munarqankuchu. Millay lantinkumanta ni pipis t'aqakorqachu, nitaj Egiptomanta apamusqanku lantikunatapis saqerqankuchu. Chayrayku noqa yuyarqani k'araj phiñakuyniyta patankuman kachaykuspa, kikin Egiptollapiraj paykunata ñak'arichiyta, phiñakuyniyta thasnukunaypaj.

Oseas 12:13

13 (14) Tata Dios Israel ayllunta Egiptomanta uj sut'inchajnejta orqhomorqa, chay sut'inchajnejtataj paykunata waqaycharqa.

Miqueas 6:4

Noqa Egiptomanta orqhomorqayki, wata runa kasqaykimantataj kacharicherqayki. Chantá Moisesta, Aaronta, Mariatawan ima pusamusunaykichejpaj kachamorqani.

Números 14:22

Paykuna Egiptopi, jinataj ch'innejpi t'ukuna imakunata ruwasqayta, chantá jatun kayniypa lliphipiyninta rikorqanku. Chaywanpis ashkha kutitaña iskayrayaspa kamachisqayta mana kasuwayta munarqankuchu.

San Mateo 24:43

Kaytawan yachaychej: Sichus wasiyoj ima phanitachus suwa jamunanta yachanman chayqa, mana puñuspa suyaykunman, manataj suwachikunmanchu.

San Mateo 24:48

Chaywanpis mayordomo sajra sonqoyoj kaspa, ichapis ninman: Patronneyqa manaraj chayamonqachu, nispa.

Hechos 17:29

Chayrayku Diospa mirayninchus kanchej chayqa, mana yuyasunmanchu Diosqa qorimanta, qolqe metalmanta, chayrí rumimanta ruwasqa lantiman rijch'akusqanta. Chaykunaqa runaj yuyasqanman jinalla ruwasqa kanku.

Hechos 19:26

Chaywanpis qankuna rikushankichej, uyarishankichejtaj, imaynatachus Pablo tukuyman yuyayta qosqanta: Runaj makinwan ruwasqaqa mana dioskunachu kanku, nispa. Paytaj ashkha runaj sonqonta tijrachishan, mana Éfeso llajtallapichu, manachayqa tukuy Asiantinpi.

Hechos 7:40

Chayrayku Aaronta nerqanku: Dioskunata ruwapuwayku pusanawanchejpaj, imajtinchus Egiptomanta orqhomuwarqanchej, chay Moisés imanakunchus, mana yachanchejchu, nispa.

Deuteronomio 31:8

Tata Dios pay kikinpuni ñawpaqeykita renqa, qanwantaj kanqa. Payqa mana saqerpayasonqachu, nitaj qonqarparisonqachu. Ama manchachikuychu, nitaj kharkatitiychu, nispa.

Deuteronomio 9:1

Israelitakuna, uyariychej: Kunan Jordán mayuta chimpankichej, qankunamanta aswan atiyniyoj ashkha runata jallp'ankumanta qharqonaykichejpaj, chantá sumaj perqawan muyuykuchisqa llajtankukunatapis jap'inaykichejpaj ima.

Deuteronomio 9:9

Noqa chay orqoman iskay p'alta rumipi qhelqasqa kamachisqakunata Tata Diosmanta jap'ej wicharerqani, qankunawan Tata Dios tratota ruwarqa, chaykunata. Chaypitaj mana mikhuspa, nitaj imatapis ujyaspa, tawa chunka p'unchayta, tawa chunka tutatawan qhepakorqani.

Josué 7:13

Sayariy, israelitakunata tantachispataj, llimphuchachimuy, Diospa ñawpaqenpi llimphupaj qhawasqa kanaykichejpaj. Chantá niy, q'aya ñawpaqeyman chimpamunankupaj wakichikunankuta, imaraykuchus noqa Tata Dios, Israelpa Diosnin ajinata nini: Qankunaqa imakunatachus phirinaykichej karqa, chaykunata mana phirerqankichejchu. Manachus tukuyninta phirinkichej chayqa, manapuni awqaykichejta atipayta atinkichejchu.

2 Pedro 3:4

Paykuna nenqanku: Cristo kutimunanta nerqa. Maytaj kutimusqanri? Ñawpa tataykupis wañupunkuña, kunankamataj tukuy ima, qallariypi jina imaynachus karqa, jinallapuni kakushan, nispa.