Éxodo 30:23 - DIOSPA QHELQACHISQ

²³ Sumaj k'achituta q'apaj qhorakunata tantay: Sojta kilo sumaj mirrata, kinsa kilo canelata, kinsa kilo jina sumaj k'achituta q'apashaj cañata,

DIOSPA QHELQACHISQAN DEUTEROCANONICAL

²³ Sumaj k'achituta q'apaj qhorakunata tantay: Sojta kilo sumaj mirrata, kinsa kilo canelata, kinsa kilo jina sumaj k'achituta q'apashaj cañata,

Éxodo 30:23 ပူးပေါင်းရင်းမြစ်များ

1 Reyes 1:39

Sacerdote Sadoctaj Dioswan Tinkukuna Toldomanta uj wajrapi aceiteta apamuspa, Salomonpa umanman jawiykorqa. Sadoc putututa waqachejtintaj, chaypi tantasqa israelitakuna qhaparerqanku: Kuraj kamachej Salomón jallalla, jallalla, nispa.

1 Crónicas 9:29

Wakintaj churasqa karqanku chuwakunata, qerukunata, Templopi imachus kajta qhawanankupaj. Jinallataj jak'uta, vinota, aceiteta, inciensota, sumaj q'apashaj jawinata ima qhawanallankupajtaj.

1 Crónicas 9:30

Sacerdotekunamanta wakintaj sumaj q'apashaj jawinata ruwaj kanku.

Salmos 45:8

8 (9) P'achaykeqa canelaman, mirraman, aloeman ima q'aparishan. Marfilwan k'achanchasqa kamachina wasipi kamachiykikuna arpata tocarispa, kusichisunku.

Éxodo 25:6

k'anchachinapaj aceiteta, jawina aceitepaj inciensopajwan ima sumajta q'apashaj imakunata.

Éxodo 30:22

Tata Dios ujtawan Moisesta nillarqataj:

Éxodo 30:24

sojta kilo acaciata, kinsa litro khuskanniyoj olivo aceitetawan. Kay tukuyta Dioswan Tinkukuna Toldopi tupunaman jina tupuspa tantanki.

Éxodo 31:11

Jinallataj Diospaj t'aqanapaj jawina aceiteta ruwallanqankutaj, Dioswan Tinkukuna Toldopaj sumaj k'achituta q'apashaj inciensota ima. Paykuna chay tukuy imata ruwanqanku, imaynatachus kamachishayki chayman jina, nispa.

Éxodo 35:28

Apamullarqankutaj k'achituta q'apashaj jawinakunata, lamparata k'anchachinapaj aceiteta, Diospaj t'aqanapaj aceiteta, k'achituta q'apaj inciensotawan.

Éxodo 37:29

Chaymantataj Besalelqa Diospaj t'aqanapaj jawina aceiteta ruwarqa. Jinallataj k'achituta q'apaj inciensotapis ruwallarqataj, imaynatachus sumaj q'apashaj jawinata ruwajkuna ruwanku, ajinata.

Proverbios 7:17

Chay phullutataj mirramanta, aloemanta, canelamanta ruwasqa ima munay q'apaj jawinawan ch'ajchorqani.

TAKIYKUNA 1:13

Munasqayqa noqapaj mirrayoj ch'uspa jina, ñuñuykunaj chawpinpi kashan.

TAKIYKUNA 1:3

Sumajta q'apashaj jawinaykeqa k'achituta q'aparin. Sutiykeqa sumajta q'apashaj jawina jich'asqa jina. Chayrayku sipaskuna mayta munakusunku.

TAKIYKUNA 4:14

nardo t'ika, azafrán t'ika, sumajta q'aparishaj caña, canelapiwan, tukuy imaymana incienso sach'a ima. Kallantaj mirra, áloe sach'a, tukuy sumajta q'aparishaj jawinakunapiwan.

Isaías 43:24

Manallataj noqapaj sumajta q'apaj jawinakunata ranterqankichu, nillataj uywa ñak'asqaj wirantapis tukuy sonqo apamuwarqankichu. Manachayqa jucha q'epiykiwan llasaykuchiwarqanki, chay jina millay juchata ruwasqaykiwantaj sayk'uchiwarqanki.

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Ezequiel 27:19

Chantá Dan nisqamanta, Javán nisqamanta ima qanwan rukanankupaj Uzalmanta sumachaj ruwasqa fierrokunata, canelata, misk'ita q'apaj cañatawan apamoj kanku.

Ezequiel 27:22

Sabamanta kajkuna, Ragamamanta kajkunapiwan, qanwan ranqheyanankupaj k'achitu q'apashaj jawinakunata, qorita, lliphipirishaj tukuy imaymana k'acha rumikunatawan apamoj kanku.

Números 4:16

Sacerdote Aaronpa churin Eleazar qhawanqa lamparakunapaj aceite ama pisinanmanta. Jinallataj sumaj q'apashaj inciensomanta, ch'aki mikhuy jaywanamanta, Diospaj t'aqanapaj jawina aceitemanta qhawallanqataj. Chantá Dioswan Tinkukuna Toldomanta chaypi tukuy ima kajmanta, chantá Diospaj t'aqasqa imakunatawan qhawallanqataj, nispa.

1 Samuel 10:1

Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa: