Éxodo 30:1 - DIOSPA QHELQACHISQ

¹ Jinallataj inciensota q'oshñichinapaj, acacia maderamanta uj altarta ruwallankitaj.

Qheshwa Biblia DC

¹ Chaymantaqa ruwallankitaj uj altarta acacia maderamanta, chaypi incienso ruphachisqa kanampaj.

DIOSPA QHELQACHISQAN DEUTEROCANONICAL

¹ Jinallataj inciensota q'oshñichinapaj, acacia maderamanta uj altarta ruwallankitaj.

Éxodo 30:1 ပူးပေါင်းရင်းမြစ်များ

1 Reyes 6:20

Diosllapaj T'aqasqa Cheqaqa sayayninman, anchonman, sayt'unmanpis jisq'on metroyoj karqa. Chaypa ñawpaqenpitaj Salomonqa pinomanta uj altarta ruwarqa, chaytataj sumaj qoriwan lluch'iykorqa.

1 Reyes 6:22

Tukuynin Templota patamanta urakama qoriwan lluch'iykorqa. Ajinallatataj ruwarqa Diosllapaj T'aqasqa Cheqaj ñawpaqenpi kaj altartapis.

1 Reyes 7:48

Chantá Salomonqa tukuy imata ruwachillarqataj Tata Diospa Templonpaj: Qorimanta uj altarta, qorimanta uj mesatawan chayman churanankupaj Tata Diospaj t'aqasqa t'antakunata.

1 Crónicas 28:18

Incienso q'oshñichina altarta ruwanapajpis sumaj qorita ashkhata qorqa. Chantá qorita qollarqataj querubinkunaj carretanta ruwanankupaj. Chay querubinkunaqa Tata Diospa arcanta lijrankuwan qhataykusharqanku.

1 Crónicas 6:49

49 (34) Aaronwan, churinkunawan imarí altar patapi uywata ñak'aspa q'olachej karqanku. Jinataj inciensota q'oshñichina altar patapipis inciensota q'oshñichej karqanku. Jinallataj Diospa kamachin Moisés kamachisqanman jina, Templopi Diosllapaj T'aqasqa nisqa cheqapi imachus ruwanata ruwanankupaj, chantá israelitakunaj juchankurayku uywa ñak'asqata Diosman jaywanankupaj churasqa karqanku.

2 Crónicas 26:16

Chaywanpis may atiyniyojña kaspa, Uziasqa sonqonpi runaykachayta qallarerqa, chayraykutaj mana allinchu rerqa, Tata Diospa contranpi oqharikusqanrayku. Payqa Tata Diospa Templonman yaykuspa, inciensota altarpi q'oshñicherqa.

Éxodo 30:10

Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

Éxodo 30:2

Altarpa tawantin ladonqa chhikachajkama kanqa, sapa ladontaj tawa chunka phishqayoj centimetroyoj kanqa, sayayninmantajrí jisq'on chunka centimetroyoj kanqa. Sapa esquinapi wajra jina ruwasqaqa altarwan ujlla kanqa.

Éxodo 31:8

Chantá mesata tukuy imantinta, sumaj qorimanta candelerota tukuy imantinta, inciensota q'oshñichina altarta ima ruwanqanku.

Éxodo 35:15

Chantá inciensota q'oshñichinapaj altarta ruwallanqankutaj, chay altarta wantunapaj k'aspikunata, jawispa t'aqanapaj aceiteta, k'achituta q'apaj inciensota, Dioswan Tinkukuna Toldoman yaykuna punkupi cortinata ima.

Éxodo 39:38

Apamullarqankutaj, qorimanta ruwasqa altarta, jawina aceiteta, k'achituta q'apashaj inciensota, Dioswan Tinkukuna Toldo punkuman churana cortinatawan.

Éxodo 40:5

Jinallataj incienso q'oshñichina qorimanta altarta arcaj ñawpaqenman churanki. Chantá Dioswan Tinkukuna Toldo punkupi cortinata warkhunki.

Ezequiel 41:22

Maderamanta ruwasqa altarqa sapa ladoman iskay metroyoj karqa. Uramanta patamantaj uj metro khuskanniyoj karqa. Esquinankuna, pampan, jinataj ladonpis maderamanta karqa. Chay runataj niwarqa: Kay mesaqa Tata Diospa ñawpaqenpi kashan, nispa.

Levítico 4:18

Chaymantataj Dioswan Tinkukuna Toldopi, Tata Diospa ñawpaqenpi kashaj inciensota q'oshñichina altarpa wajrankunata uj chhika yawarwan jawenqa. Puchoj yawartataj Dioswan Tinkukuna Toldoman yaykuna punkupi q'olachina altarpa uranman jich'anqa.

Levítico 4:7

Chantá sacerdoteqa Tata Diospa ñawpaqenpi, Dioswan Tinkukuna Toldopi inciensota q'oshñichina altarpa wajrankunatapis yawarwan jawillanqataj. Puchoj yawartataj q'olachina altarpa uranman jich'aykonqa, mayqenchus Dioswan Tinkukuna Toldo punkunejpi kashan, chay altarpa uranman.

Números 3:31

Paykuna qhawananku karqa: Arcata, mesata, candelerota, chantá altarkunata ima. Jinallataj Diosta yupaychanapaj imakunachus karqa chaykunata, velota jinataj tukuy imachus karqa chaykunatawan qhawanallankutaj karqa.

Números 4:11

Chaymantaqa qorimanta ruwasqa altartañataj anqa bayetawan qhataykonqanku. Chaymantataj tejón qaramanta ruwasqa qhatanawan mayt'uykonqanku. Chantá wantuspa, apanapaj k'aspita pasachenqanku.

Hebreos 9:4

Chaypitaj qorimanta incienso q'oshñichina karqa, jinallataj Diospa trato ruwasqan cajonpis, mayqenchus qoriwan lluch'isqa karqa, chay. Chay cajonpa ukhunpitaj qorimanta uj juch'uy manka karqa maná nisqa t'antayoj. Chaypi Aaronpa varan kallarqataj, mayqenchus q'omeryaspa t'ikasqa, chay. Kallarqataj p'alta rumikunapi qhelqasqa kamachisqakuna.

Apocalipsis 8:3

Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.