Éxodo 3:22 - DIOSPA QHELQACHISQ

²² Sapa uj warmi, Egipto llajtayoj warmi masinmanta, chayrí paywan tiyakun waj llajtayoj warmimanta ima mañanqa qolqe metalmanta, qorimanta ruwasqa imakunata, sumaj p'achakunatawan ima. Chantá chaykunata churiykichejkunaman, jinallataj ususiykichejkunamanpis churankichej. Ajinamanta qankuna Egipto llajtayojkunata mana imayojta saqenkichej, nispa. Tata Dios ajinata Moisesta kamacherqa.

Qheshwa Biblia DC

²² Sapa uj warmi mañanqa qayllampi kaj warmismanta, chayri piwanchus tiyakun chaymanta, imaschus qolqemanta, qorimanta, ruwasqasta, p'achasta ima. Chaykunata qhari wawasniykichejman qonkichej, jinallataj warmi wawasniykichejmampis, paykuna churakunankupaj. Ajinamanta Egiptota ch'usajta saqenkichej tukuy kapuyninkumanta.

DIOSPA QHELQACHISQAN DEUTEROCANONICAL

²² Sapa uj warmi, Egipto llajtayoj warmi masinmanta, chayrí paywan tiyakun waj llajtayoj warmimanta ima mañanqa qolqe metalmanta, qorimanta ruwasqa imakunata, sumaj p'achakunatawan ima. Chantá chaykunata churiykichejkunaman, jinallataj ususiykichejkunamanpis churankichej. Ajinamanta qankuna Egipto llajtayojkunata mana imayojta saqenkichej, nispa. Tata Dios ajinata Moisesta kamacherqa.

Éxodo 3:22 ပူးပေါင်းရင်းမြစ်များ

Génesis 15:14

Qhepanejmanrí noqa wata runaman tukuchej suyumanta llajtayojkunata ñak'arichisaj, mirayniykitaj chaymanta manchay qhapaj llojsimonqanku.

Génesis 24:53

Chaymantataj qorimanta, qolqe metalmanta tukuy imata, p'achata ima q'epimanta orqhospa, Rebecaman jaywarqa. Jinallataj turanman, mamanman ima sumaj imakunata qollarqataj.

Salmos 105:37

Chaymantataj Tata Dios ayllunta qoriwan, qolqewan q'epirisqata Egiptomanta orqhorqa, ayllun ukhupitaj mana ujllapis onqosqa karqachu.

Éxodo 11:2

Kunantaj israelitakunata niy sapa qhari, sapa warmi, Egipto llajtayoj wasi masinmanta mañakunankuta, imachus qolqe metalmanta, qorimanta ruwasqa kashan, chay tukuyta, nispa.

Proverbios 13:22

Allinta ruwaj runaqa allchhinkunaman chayaqeta saqenqa. Juchasapaj kapuynintarí cheqan runa jap'enqa.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Ezequiel 39:10

Chayrayku israelitakuna manaña campoman nitaj monteman llant'ata pallamoj renqankuchu. Manachayqa chay armakunata enqhaykonqanku. Paykunamanta ñawpajpi imatachus qhechurarasqanku, chayta chay runakunamanta paykunañataj qhechuranqanku. Ñawpajpi pikunachus israelitakunamanta kapuyninkuta suwasqanku, chaykunamanta paykunañataj suwanqanku. Noqa Tukuyta Kamachej Tata Dios chayta nini.