Éxodo 3:20 - DIOSPA QHELQACHISQ

²⁰ Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Qheshwa Biblia DC

²⁰ Chayrayku noqaqa atiyniyta rikuchisaj, tukuy egipciosta nanachisaj, ashkha jasut'iykunata señalesta ima rikuchisaj, chaymantaraj saqesonqachaj llojsinaykichejta.

DIOSPA QHELQACHISQAN DEUTEROCANONICAL

²⁰ Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 3:20 ပူးပေါင်းရင်းမြစ်များ

Génesis 15:14

Qhepanejmanrí noqa wata runaman tukuchej suyumanta llajtayojkunata ñak'arichisaj, mirayniykitaj chaymanta manchay qhapaj llojsimonqanku.

Nehemías 9:10

Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

Salmos 105:27

Paykunanejta Diosqa ch'innejpi señalkunata ruwarqa, Campa jallp'anpi t'ukuna imakunata ruwarqa.

Salmos 105:38

Egipto llajtayojkunataj israelitakunata ripushajta rikuspa, kusikorqanku, imaraykuchus sinch'i mancharisqa kasharqanku.

Salmos 106:22

Diosqa Campa suyunpi t'ukuna imakunatachus ruwasqanmanta qonqaporqanku, jinallataj Puka Mama Qochapi t'ukunata ruwaspa israelitakunata chimpachisqanmanta.

Éxodo 11:1

Chantá Tata Dios Moisesta nerqa: Uj llakiytawanraj faraonman, Egipto llajtayojkunaman ima kachaykamusaj. Chay ñak'ariy pasaytaraj kacharipusonqachej. Kikin faraonpuni kaymanta wijch'usonqachej.

Éxodo 12:39

Israelitakuna Egiptomanta usqhay usqhayta puririsqankurayku, ñanpi mikhunankupaj qoqawita mana wayk'ukuyta atisqankuchu. Chayrayku Egiptomanta mana levadurayoj masata apakamusqankumanta t'antata ruwakorqanku.

Éxodo 13:3

Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 13:9

Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Éxodo 15:11

Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

Éxodo 15:6

Tata Diosníy, paña makiykeqa kallpasapa, may atiyniyojtaj. Paña makiyki awqata phiriykorqa.

Éxodo 4:21

Chaymanta Tata Diosqa Moisesta nillarqataj: Egiptoman kutispa, faraonpa ñawpaqenpi kamachisusqayman jina t'ukuna ruwanaykita ruwankipuni. Noqatajrí faraonpa sonqonta rumiyachisaj, paytaj israelitakunata mana kachariyta munanqachu.

Éxodo 6:1

Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 9:15

Sichus noqa qanta, jinataj tukuy Egipto llajtayojkunata sinch'ita ñak'arichispa, may jina atiyniyoj kasqayta rikuchiykiman karqa chayqa, kay pachamanta chinkachisqaña kawaj karqa.

Isaías 19:22

Tata Dios Egipto llajtayojkunata ñawpajta k'iriykonqa, chantá paykunata qhaliyachillanqataj. Paykunaqa Tata Diosman kutirikonqanku, paytaj mañakusqankuta uyarispa, qhaliyachenqa.

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Ezequiel 20:33

Noqa Tukuyta Kamachej Tata Dios tiluspa, nini: Jatun atiyniywan, k'araj phiñakuyniywan jasut'ispa, qankunata kamachisqaykichej.

Miqueas 7:15

May t'ukuna imakunata paykunaman rikuchiy, imaynatachus Egiptomanta paykunata orqhomushaspa rikucherqanki, ajinata.

Hechos 7:36

Moisés israelitakunata kacharichispa, may t'ukuna imakunata, runaj mana jayk'aj rikusqanta ima Egiptopi ruwarqa. Chantá Puka Mama Qochanejta, ch'innejta ima tawa chunka wata junt'ata pusarqa.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Deuteronomio 6:22

Chaypacha Tata Diosqa Egiptopi faraonpa contranta, chantá ayllunpa contranta ima runaj mana jayk'aj rikusqanta, may t'ukuna imakunata ima rikushajtiyku ruwarqa.

Jueces 6:8

Tata Dios kachamorqa Diosmanta uj willajta, paytaj israelitakunata nerqa: Ajinata nin Israelpa Tata Diosnin: Noqa qankunata Egiptomanta orqhomorqaykichej, chaypi wata runakuna kashajtiykichej.

Jueces 8:16

Chaypacha Gedeonqa khishkata, cardotawan ch'innejmanta apamuspa, chaykunawan Sucotmanta kurajkunataqa seq'oykorqa.