Éxodo 3:18 - DIOSPA QHELQACHISQ

¹⁸ Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Qheshwa Biblia DC

¹⁸ Jinata nejtiykitaj kasusonqanku; chaymantataj paykunawan khuska rinki Egipto reyman, chayaspataj ninkichej: Señor, hebreospa Diosnin taripawayku; chayrayku kunan risqayku kinsa día puriyta ch'in pampanejta, uj rikuchikuta Señor Diosniykuman jaywamunaykupaj, nispa.

DIOSPA QHELQACHISQAN DEUTEROCANONICAL

¹⁸ Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Éxodo 3:18 ပူးပေါင်းရင်းမြစ်များ

Génesis 12:1

Uj kuti Tata Diosqa Abramta nerqa: Llajtaykita, aylluykita, chantá tataykej wasintawan saqespa, noqa rikuchisqayki, chay jallp'aman ripuy.

Génesis 14:13

Chantá uj runa maqanakumanta ayqemuspa, imachus pasasqanta hebreo nisqa Abramman willarqa. Chaypacha Abramqa Mamrej encina sach'arara qayllanpi tiyakusharqa. Mamreqa amorreo llajtayoj karqa, jinataj Escolpata, Anerpatawan wawqenku, paykunataj Abramman sayasqa karqanku.

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 48:3

Chantá Jacobqa Joseta nerqa: Tukuy Atiyniyoj Diosqa Canaanpi, Luz llajtapi rikhuriwaspa, saminchawarqa.

2 Crónicas 30:12

Jinallatataj Tata Diosqa Judamanta kajkunaj sonqontapis kuyucherqa, kuraj kamachejpa, jinataj kamachejkunaj nisqankuman jina ruwanankupaj. Ajinata tukuyninku Tata Dios kamachisqanman jina ruwarqanku.

Salmos 110:3

Maqanakoj llojsinayki p'unchayta soldadoykikunaqa sonqomanta munaspa, qanwan khuska maqanakonqanku qanpaj t'aqakusqayki orqopi. Inti llojsimuyta kallpaykeqa chhullawan jina mosojyachisqa kanqa.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 17:5

Chantá Tata Diosqa Moisesta nerqa: Israelitakunamanta ñawpaykuy, pusaytaj paykunamanta wakin kurajkunata. Nilo mayuta wajtarqanki, chay varaykitapis apallankitaj.

Éxodo 19:1

Israelitakuna Egiptomanta llojsimusqankumanta kinsa kaj killa qallariypi Sinaí ch'innejman chayarqanku.

Éxodo 25:22

Chaypi qanman rikhurisqayki, chantá Khuyakuyta Tarina nisqamanta, arca patapi kashanku, chay querubinkunaj chawpinmanta qanwan parlasaj. Willasqaykitaj israelitakunaman imatachus kamachisqayta.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Éxodo 3:16

Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

Éxodo 30:36

Wakinta sumaj ñut'ituta kutanki. Chantá Dioswan Tinkukuna Toldopi, Diospa trato ruwasqan arcaj ñawpaqenman chayta churanki, maypichus noqa, qanwan tinkukusaj, chayman. Chay inciensotaqa Tata Diospaj t'aqasqata jina qhawankichej.

Éxodo 30:6

Kay altartaqa Diospa trato ruwasqan arcata, chantá kirpanantawan pakashan, chay veloj ñawpaqenman churanki. Chaypimin noqa qanwan tinkukusaj.

Éxodo 4:1

Chantá Moisés Tata Diosman kuticherqa: Israelitakuna mana nisqayta jap'ikonqankuchu, nitaj kasuwanqankuchu. Aswanpis niwanqanku: Tata Diosqa mana qanman rikhurisunkichu, nispa.

Éxodo 4:23

Ña niykiña, yupaychanawanpaj churiyta kacharinaykita, qantajrí mana rinanta munashankichu. Chayrayku noqaqa kuraj kaj qhari wawaykita wañuchisaj, nispa.

Éxodo 4:24

Moiseswan, ayllunwan ima ñanta rishajtinku, puñunankupaj jarakunanku wasipi Tata Dios rikhurispa, Moisesta wañuchiyta munarqa.

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Éxodo 5:1

Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

Éxodo 5:3

Chantá Moisés, Aaronwan ima nerqanku: Diosniykoqa noqayku hebreokunaman rikhuriwarqayku. Chayrayku ch'innejman kinsa p'unchay puriyta rinayku tiyan, chaypitaj uywa ñak'asqata q'olachispa, Tata Diosman jaywamusqayku. Manachus Tata Diosman jaywaykuman chayqa, ichapis pay onqoywan, chayrí espadawan wañuchiwaykuman, nispa.

Éxodo 7:16

Chantá paywan tinkukuspa, ninki: Israelitakunaj Tata Diosnin kay jinata nisunaypaj kachamuwan: Aylluyta kacharipuy, ch'innejman rispa yupaychanawankupaj, nispa. Qantajrí kunankama mana kasukunkichu.

Éxodo 8:1

1 (7.26) Chantá Tata Dios Moisesta nerqa: Faraonman rispa, nimuy: Tata Dios ajinata nisunki: Aylluyta kachariy, ch'innejman rispa, yupaychamunawankupaj.

Éxodo 8:20

20 (16) Tata Diosqa Moisesta nillarqataj: Q'aya paqarin faraonqa tutamanta mayuman renqa. Qanpis tutamanta jatarispa, riy paywan parlaj. Chantá ajinata ninki: Tata Dios ajinata nisunki: Aylluyta kachariy, ch'innejman rispa yupaychamunawankupaj.

Éxodo 8:23

23 (19) Ajinata noqaqa aylluyta, aylluykimanta t'aqasaj. Chay señaltaj q'ayapacha kanqa, nispa.

Éxodo 9:1

Chantá Tata Dios Moisesta nillarqataj: Rispa, faraonta nimuy: Israelitakunaj Tata Diosninku ajinata nisunki: Aylluyta kacharipuy, rispa yupaychamunawankupaj.

Éxodo 9:13

Chaymanta Tata Dios Moisesta nillarqataj: Q'aya paqarin tutamanta jatarispa, faraonta nimuy: Israelitakunaj Tata Diosnin nisunki: Kachariy israelitakunata, ch'innejman rispa yupaychamunawankupaj.

Isaías 64:5

Qanqa allinpaj qhawanki, pikunachus cheqan kajta kusiywan ruwanku, chaykunata, pikunachus yachachisqaykita qhatinku, chaykunatapis. Chaywanpis qan juchallikusqaykumanta phiñakorqanki, imaraykuchus unaymantapacha contraykita oqharikuyku. Ajinata ruwashaspapis, yuyaykumanchu qan qhespichinawaykuta?

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Jeremías 26:5

Sichus kamachiykunaj k'amisqankuta mana kasunkichejchu, pikunatachus qhepan qhepanta kachamorqaykichej, chaykunanejta chayqa,

Números 17:4

4 (19) Chaymantataj chay varakunata Dioswan Tinkukuna Toldoman churanki. Diospa arcan kashan, chay chimpaman maypichus qankunawan tinkukuni, chayman churanki.

Josué 1:17

Imaynatachus Moisesta kasorqayku, ajinallatataj qantapis kasusqaykupuni. Tata Diosniykitaj qanwanpuni kachun, imaynatachus Moiseswan karqa, ajinata.