Éxodo 3:15 - DIOSPA QHELQACHISQ

¹⁵ Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.

Qheshwa Biblia DC

¹⁵ Chantapis Diosqa nillarqataj Moisesman: Ajinata ninki israelitasman: Señor, ñaupa tatasniykichejpa Diosnin, Abrahampata, Isaacpata, Jacobpata ima qankunaman kachamuwan. Kay suteyqa wiñaypajmin kanqa; kay suteyqa wiñaypa wiñaynintimpaj mirayniykichejnejta yuyarisqa kanqa, nispa.

DIOSPA QHELQACHISQAN DEUTEROCANONICAL

¹⁵ Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.

Éxodo 3:15 ပူးပေါင်းရင်းမြစ်များ

Génesis 24:12

Chantá kamacheqa Diosmanta mañarikorqa: Tata Dios, patronniy Abrahampata Diosnin, mañarikuyki allin rinawanpaj yanapanawaykita. Patronniyta khuyaspa, k'acha kasqaykita rejsichikuy ari.

1 Crónicas 16:16

Abrahamwan trato ruwasqanta mana qonqanqachu, Isaacman tilusqantapis nillataj qonqaponqachu.

1 Crónicas 29:18

Ñawpa tataykukuna Abrahampata, Isaacpata, Israelpatawan Tata Diosninku, qanqa israelitakunaj k'acha kayninku wiñaypaj kanallantapuni ruway, qanmantaj astawan sonqonkuta aysay ari.

2 Crónicas 28:9

Israelpa soldadonkuna Samaria llajtaman kutipushajtinku, Tata Diosmanta sut'inchaj Obed sutiyoj paykunata taripaspa nerqa: Ñawpa tataykichejpa Tata Diosnenqa Judá suyoj contranta phiñakuspa qankunaman jaywaykusorqachej. Qankunatajrí sinch'ita phiñakuspa paykunata wañuracherqankichej, chay ruwasqaykichejmantataj Tata Diosqa cuentata mañasonqachej.

Salmos 102:12

12 (13) Qantajrí, Tata Dios, wiñaypaj kallankipuni, sutiykitaj wiñaypaj yuyarisqallapuni kanqa.

Salmos 102:13

13 (14) Sayarikuspa, Sionmanta khuyakuy, imaraykuchus khuyakunaykipaj tiempo chayamunña. Israelpa juchanta pampachanaykipaj phaneqa chayamunña.

Salmos 135:13

Tata Dios, sutiykeqa wiñaypaj yupaychasqa kanqa, qantaj wiñaypaj yuyarisqallapuni kanki.

Salmos 30:4

4 (5) Qankuna, Tata Diosta qhatikojkuna, payman takiykunata takiychej, may llimphu sutintataj yupaychaychej.

Salmos 30:5

5 (6) Tata Dios phiñakun chaypis, mana unaypajchu, k'acha kaynintajrí wiñaypaj kallanpuni. Sichus tutan waqasunman chaypis, sut'iyayta kusiymanta phinkirisunchej.

Salmos 68:5

5 (6) Ajllakusqan wasipi tiyakoj Diosqa mana tatayoj mana mamayoj wawakunaj tatanku, warmisapakunaman kutikojtaj.

Salmos 72:17

Kuraj kamachejpa sutin wiñaypaj yuyarisqa kachun, manchay uyarisqa kasqantaj inti jina unaypaj kachun. Kay pachapi kaj chhika runakunaqa paynejta saminchasqa kachunku, tukuy runataj nichunku: Kuraj kamachejqa may kusikuyniyojmin, nispa.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Éxodo 15:2

Tata Diospaj takipusaj. Payqa kacharichiwajniy, kallpata qowajtaj. Paymin Diosneyqa, payta yupaychasaj. Payqa tataypa Diosnin, payta jatunchasaj.

Éxodo 15:3

Tata Diosqa sumaj maqanakojmin, sutintaj Tata Diosmin.

Éxodo 3:13

Moisestajrí kuticherqa: Sichus rispa israelitakunata nisaj: Ñawpa tataykichejpata Diosnin kachamuwan, nispa chayqa, paykuna tapuwanqanku: Imataj chay Diospa sutin kasqari? nispa. Jinata tapuwajtinku, ima nispataj kutichisajri? nispa.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 4:1

Chantá Moisés Tata Diosman kuticherqa: Israelitakuna mana nisqayta jap'ikonqankuchu, nitaj kasuwanqankuchu. Aswanpis niwanqanku: Tata Diosqa mana qanman rikhurisunkichu, nispa.

Éxodo 4:5

Tata Diostaj nillarqapuni: Chayta rikuspa, paykuna yachanqanku ñawpa tataykichejkunaj Tata Diosnin, Abrahampata, Isaacpata, chantá Jacobpata ima, qanman rikhurisqayta, nispa.

Éxodo 6:2

Chaymanta Tata Diosqa Moisesta ujtawan nillarqataj: Noqamin Tata Dios kani.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Isaías 26:8

Noqaykoqa Tata Dios, mana manchachikuspa kashayku, kamachisqayki ñanta rikuchiwasqaykuta purispa. Tukuy sonqo qanllapi yuyayta munayku.

Isaías 42:8

Noqa Tata Dios kani, chaymin suteyqa. Mana pitapis saqesajchu Diosta jina wajta jatunchanankuta. Nillataj munanichu Diosta jina lantikunata yupaychanankuta.

Isaías 63:12

Maypitaj kashan pichus jatun atiyninta Moisesta yanapananpaj churarqa, chayri? Maytaj kunan pichus israelitakunaj ñawpaqenkupi yakuta iskayman t'aqarqa, chayri? Ajinamanta Tata Diosqa atiyniyoj kasqanta wiñaypaj rikucherqa.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 33:2

Noqa Tata Dios, pichus kay pachata ruwarqani maychus kananpi sinch'i sayasqa kananpaj, chay Diosmin noqa kani. Noqa Diosmin kay jinata nini:

Daniel (hebreo) 2:23

Ñawpa tataykunaj Diosnin, qanman pachis niyki, yupaychaykitaj, imaraykuchus qan yachayta, kallpatawan qowanki. Kunantaj imatachus mañakorqayku, chayta qan sut'ita rikuchiwanki, imaraykuchus kuraj kamachejpa mosqokusqanta sut'inchawanki, nispa.

Oseas 12:5

5 (6) Chayqa Tukuy Atiyniyoj Tata Dios karqa, sutintaj Tata Dios.

Oseas 12:6

6 (7) Ajinaqa, Israel, Diosniykiman kutirikamuy. Cheqa kajta munakuy, cheqan kajtataj ruway, paypi atinikuspataj, suyakuypuni.

Levítico 24:11

Mamanqa israelita ayllumanta Dibrij ususin Selomit karqa. Chantá payqa Diospa contranta rimaspa, Diospa sutinta maldicerqa. Chayrayku chay runata Moisesman pusamorqanku.

Miqueas 4:5

Waj suyukunaqa diosninkuta kasuspa purinku. Noqanchejrí Tata Diosninchejta kasuspapuni purisunchej.

Malaquías 3:6

Noqa Tata Diosqa kasqay jinallapuni kani. Chayrayku Jacobpa mirayninmanta kajkuna, noqaqa mana qankunata chinkacherqaykichejchu.

San Mateo 22:32

Noqa Abrahampa Diosnin kani, Isaacpata, Jacobpata ima, nispa. Diosqa mana wañusqakunaj Diosninkuchu, manachayqa kawsajkunajta, nispa.

Hechos 3:13

Manachayqa Abrahampa Diosnin, Isaacpata, Jacobpata, ñawpa tatanchejkunajta ima kamachin Jesusta churan may jatunpaj qhawasqa kananpaj. Qankunarí Jesusta qhesachaspa, Pilatoman jaywaykorqankichej wañuchisqa kananpaj. Pilatotaj Jesusta kacharipuyta munarqa chaypis, qankuna manapuni munarqankichejchu.

Hechos 7:32

Noqa ñawpa tataykikuna Abrahampa, Isaacpata, Jacobpata Diosnin kani, nispa. Moisestaj mancharikuywan kharkatitispa, mana qhawariyllatapis munarqachu.

Deuteronomio 1:11

Tata Dios, ñawpa tataykichejkunaj Diosnin qankunata waranqa waranqa jinatawanraj mirachichun, nisqanman jinataj qankunata saminchachun.

Deuteronomio 1:35

Kay millay runakunamanta, mana pipis ñawpa tataykichejman qonayta nerqani, chay sumaj jallp'ata rikonqachu.

Deuteronomio 4:1

Kunanqa israelitakuna, kamachisqaykunata, chantá yachachisqaykunata ima uyariychej. Yachachisqayman jinataj ruwaychej. Kasukunkichej chayqa, mana wañunkichejchu. Ñawpa tataykichejpa Tata Diosnin jallp'ata qosonqachej, chayman jap'inaykichejpaj yaykunkichej.

Hebreos 11:16

Chaywanpis, paykuna aswan sumaj llajtata moq'erisharqanku, mayqenchus janaj pachapi kashan, chayta. Chayrayku Diosqa paykunaj Diosninku kayta mana p'enqakunchu, imaraykuchus paykunapaj uj llajtata wakichipunña.

Hebreos 13:8

Jesucristoqa kikillanpuni qayna, kunan, wiñaypajpis.