Éxodo 3:13 - DIOSPA QHELQACHISQ

¹³ Moisestajrí kuticherqa: Sichus rispa israelitakunata nisaj: Ñawpa tataykichejpata Diosnin kachamuwan, nispa chayqa, paykuna tapuwanqanku: Imataj chay Diospa sutin kasqari? nispa. Jinata tapuwajtinku, ima nispataj kutichisajri? nispa.

Qheshwa Biblia DC

¹³ Chanta Moisesqa nillarqataj: Sichus noqa rispa israelitasman nisaj: Ñaupa tatasniykichejpa Diosnin kachamuwan qankunaman, nispa; paykunataj tapuwanqanku: Imataj sutin kasqari?, niwanqanku chayqa, ima nisajtaj noqari?, nispa.

DIOSPA QHELQACHISQAN DEUTEROCANONICAL

¹³ Moisestajrí kuticherqa: Sichus rispa israelitakunata nisaj: Ñawpa tataykichejpata Diosnin kachamuwan, nispa chayqa, paykuna tapuwanqanku: Imataj chay Diospa sutin kasqari? nispa. Jinata tapuwajtinku, ima nispataj kutichisajri? nispa.

Éxodo 3:13 ပူးပေါင်းရင်းမြစ်များ

Génesis 32:29

29 (30) Chaymanta Jacob taporqa: Qanpa sutiykirí, imataj? nispa. Chay runataj nerqa: Imapajtaj sutiyta tapuwankiri? nispa. Jinata nispataj, Jacobta samincharqa.

Éxodo 15:3

Tata Diosqa sumaj maqanakojmin, sutintaj Tata Diosmin.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Éxodo 3:14

Chaypacha Dios nerqa: Noqamin kani. Israelitakunata ninki: NOQA KANI nej Dios qankunaman kachamuwan, nispa.

Éxodo 3:15

Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.

Éxodo 7:16

Chantá paywan tinkukuspa, ninki: Israelitakunaj Tata Diosnin kay jinata nisunaypaj kachamuwan: Aylluyta kacharipuy, ch'innejman rispa yupaychanawankupaj, nispa. Qantajrí kunankama mana kasukunkichu.

Proverbios 30:4

Pitaj janaj pachaman wicharerqa, urayk'amorqatajri? Pitaj wayrata makinpi q'apiyta atinmanri? Pitaj mama qochata llijllapi q'epichaykorqari? Pitaj kay pachaj mojonninkunata churarqari? Chaytachus yachanki chayqa, willaway: Imataj paypa sutinri? Imataj churinpa sutinpisri?

Isaías 52:6

Uj p'unchay chayamonqa, chaypachataj israelitakuna sutiyta rejsenqanku. Chay p'unchaypitaj yachanqanku noqapuni chayta ruwasqayta. Arí, chayta noqapuni nini.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

San Mateo 1:21

Mariaqa qhari wawayoj kanqa, chay wawatataj Jesús sutiwan sutichanki, imaraykuchus payqa ayllunta juchankumanta qhespichenqa, nispa nerqa chay angelqa.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

Hechos 3:13

Manachayqa Abrahampa Diosnin, Isaacpata, Jacobpata, ñawpa tatanchejkunajta ima kamachin Jesusta churan may jatunpaj qhawasqa kananpaj. Qankunarí Jesusta qhesachaspa, Pilatoman jaywaykorqankichej wañuchisqa kananpaj. Pilatotaj Jesusta kacharipuyta munarqa chaypis, qankuna manapuni munarqankichejchu.

Jueces 13:17

Manoataj angelta nerqa: Sutillaykitapis willawayku ari, kay niwasqayku junt'akojtin, qanta jatunchanaykupaj, nispa.

Jueces 13:6

Chayta uyariytawan, warmeqa qosanman willamorqa: Uj runa Diospa angelninman rijch'akoj jamuwarqa, paytaj may mancharina karqa. Manataj taporqanichu pichus kasqanta, nitaj paypis willawarqachu.