Éxodo 3:12 - DIOSPA QHELQACHISQ

¹² Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Qheshwa Biblia DC

¹² Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

DIOSPA QHELQACHISQAN DEUTEROCANONICAL

¹² Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Éxodo 3:12 ပူးပေါင်းရင်းမြစ်များ

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 15:8

Chantá Abram nerqa: Tukuyta Kamachej Tata Diosníy, imaynapitaj sut'ita yachasaj kay jallp'ata chayaqeypaj jap'inaytari? nispa.

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 31:3

Jinallataj Tata Dios Jacobta nerqa: Kutipuy tataykej llajtanman, maypichus aylluyki kashan, chayman. Noqataj qanwan kasaj, nispa.

2 Reyes 19:29

Chaymanta Isaiasqa Ezequiasta nillarqataj: Imachus kananmanta kaymin señal kanqa: Qankunaqa kay wata, qhepan watatawan ima pachanmanta poqojllata mikhunkichej. Kinsa kaj watapitajrí, tarpuyta atinkichej, tarpusqaykichejtapis oqhariyta. Uva huertatapis churankichej, poqosqantapis mikhunkichej.

1 Crónicas 9:20

Chaymanta aswan ñawpajtaqa Eleazarpa churin Finés paykunaj kamachejninku karqa. Tata Diostaj paywan karqa.

Salmos 86:17

Noqawan k'acha kasqaykimanta señalta rikuchiway. Chayta rikuspa, chejnikuwajkuna p'enqachisqa kanqanku, imaraykuchus qan, Tata Dios, sonqochawanki, yanapawankitaj.

Éxodo 18:5

Moisesqa ch'innejpi, Diospa orqon nisqa qayllapi jarakorqa. Chaypi kashajtin, suegron Jetroqa Moisespa warminta, iskaynin churinkunatawan pusariykukuspa, watukoj rerqa.

Éxodo 3:1

Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Éxodo 3:13

Moisestajrí kuticherqa: Sichus rispa israelitakunata nisaj: Ñawpa tataykichejpata Diosnin kachamuwan, nispa chayqa, paykuna tapuwanqanku: Imataj chay Diospa sutin kasqari? nispa. Jinata tapuwajtinku, ima nispataj kutichisajri? nispa.

Éxodo 33:14

Chantá Tata Dios Moisesta nerqa: Noqa kikiy qanwan risaj, samarichisqaykitaj, nispa.

Éxodo 4:12

Chayrayku Egiptoman riy. Parlashajtiyki, noqamin qanwan kasaj, jinataj noqa yachachisqayki imatachus parlanaykita, nispa.

Éxodo 4:15

Egiptopiña kashajtiykichej qan payman parlaspa, imatachus ninanta sumajta yachachinki. Noqataj paywan kasaj, jinallataj qanwanpis. Chantá imatachus ruwanaykichejta noqallataj yachachisqaykichej.

Éxodo 8:27

27 (23) Noqaykoqa Diosniyku kamachiwasqaykuman jina kinsa p'unchay puriyta ch'innejman rinayku tiyan, chaypitaj uywata ñak'aspa, Tata Diosniykuman jaywanayku tiyan, nispa.

Isaías 37:30

Chantá Isaías kuraj kamachej Ezequiasta nillarqataj: Qankunapaj kay uj señal kanqa: Kunan wata, qhepan watatawan k'ipa trigo poqojta mikhunkichej. Kinsa watamantataj qankuna tarpunkichej, poqoynintataj oqharinkichej. Uva sach'atapis wiñachinkichej, chaymantataj poqoyninta mikhunkichej.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Jeremías 1:8

Ama paykunamanta manchachikuychu, imaraykuchus noqa qanwan kashani yanapasunaypaj. Noqa Tata Diosmin chayta nini, nispa.

Números 16:28

Chantá Moisés israelitakunata nerqa: Kay jinamanta yachankichej, kay imakunata ruwanaypaj Tata Dios noqata kachamuwasqanta. Noqaqa mana sapallaymantachu imatapis ruwarqani.

Números 23:21

Payqa Jacobpa mirayninpi mana ni ima millay ch'ichita tarinchu, nillataj Israelpi ch'ichi kajta ruwanata rikunchu. Tata Diosninkoqa paykunawan kashan, paykunataj Diosta kuraj kamachejninkuta jina jatunchanku.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Marcos 16:20

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

Hechos 11:21

Jinataj Dios atiyninwan chay wawqekunata yanapasqanrayku, ashkha runakuna Diosman kutirikuspa Jesuspi atinikorqanku.

Hechos 7:7

Noqatajrí mirayniykita ñak'arichej suyuta jasut'isaj. Qhepamantaj mirayniyki chay suyumanta llojsimuspa, kay cheqapi yupaychawanqanku, nispa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Deuteronomio 31:23

Tata Diostaj Nunpa churin Josueman kay jinata kamacherqa: Qanqa kallpachakuy, waputaj kay, imaraykuchus qanmin israelitakunata, paykunaman qonayta nerqani, chay jallp'aman pusaykunki. Noqataj qanwanpuni kasaj, nispa.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Josué 1:5

Kawsanaykikamaqa, mana pipis atipasonqachu, imaraykuchus noqa qanwan kasaj, imaynatachus Moiseswan karqani, ajinata. Mana jayk'ajpis saqesqaykichu, nitaj wijch'urpasqaykichu.

Jueces 6:12

Jinapi Tata Diospa angelnin payman rikhurispa, nerqa: Tata Dios qanwan kashan, kallpayoj wapu runa, nispa.

Jueces 6:16

Chantá Tata Dios kuticherqa: Atinkipuni, imaraykuchus noqa qanwan kasaj. Madianitakunataqa uj sapan runallapis kanman jina atipanki, nispa.

Jueces 6:17

Gedeontaj kuticherqa: Sichus allinpaj qhawawanki chayqa, uj señalta rikuchiway, yachanaypaj qan pichus noqawan parlajqa Tata Diospuni kasqaykita.

Jueces 6:21

Jinapi angelqa varawan chay aychata, jinataj chay t'antata llankhajtinkama, chay chhankamanta nina lawray llojsimuspa, aychata, t'antatapis q'olaykorqa. Chaymantaqa Tata Diospa angelnin chinkariporqa.

Jueces 7:11

Chaypitaj uyarinki imatachus ninakusqankuta. Chaymantaqa manaña manchachikunkichu, nispa. Chaypacha Gedeonqa kamachin Furawan urayk'orqanku, maynejkamachus awqankoj qhawajkuna soldadonkuna kasharqanku, chaynejkama.

1 Samuel 14:10

Sitajchus niwasun: Jamuychej, nispa chayqa, risunchej. Ajinapi yachasun Tata Dios paykunata atipaykunanchejpaj jaywaykuwasqanchejta, nispa.