Éxodo 28:17 - DIOSPA QHELQACHISQ

¹⁷ Pecheraj patanmantaj lliphiririshaj rumikunawan tawa sinruta chhitanki. Ñawpaj kaj sinrupi kanqa: Sárdica rumimanta uj, topacio rumimanta uj, esmeralda rumimantataj uj.

Qheshwa Biblia DC

¹⁷ Chaypa patanmantaj junt'achinki k'acha rumisituswan, tawa sinrullata chhitaraspa. Ñaupaj kaj sinroqa kanqa sárdica rumimanta, topacio rumimanta, esmeralda rumimantawan.

DIOSPA QHELQACHISQAN DEUTEROCANONICAL

¹⁷ Pecheraj patanmantaj lliphiririshaj rumikunawan tawa sinruta chhitanki. Ñawpaj kaj sinrupi kanqa: Sárdica rumimanta uj, topacio rumimanta uj, esmeralda rumimantataj uj.

Éxodo 28:17 ပူးပေါင်းရင်းမြစ်များ

Éxodo 28:11

Rumikunapi Israelpa churinkunaj sutinta qhelqanqa jaluchukunata ruwayta yachaj, jinataj sellota jina ruwanqa. Chaymantaqa chay rumikunata qorimanta ruwasqa jap'ichinawan chhitaranki.

Éxodo 28:16

Chaytaqa tawantin ladoman kikinta, q'empisqata ruwanki. Unkoqa sayt'unman, anchonman ima iskay chunka iskayniyoj centimetroyojkama kanqa.

Éxodo 28:18

Iskay kaj sinrupitaj kanqa: Rubí rumimanta uj, zafiro rumimanta uj, diamante rumimantataj uj.

Éxodo 28:9

Chantá iskay ónice rumita jap'ispa, chayman Israelpata churinkunaj sutinkuta qhelqanki.

Proverbios 20:15

Yachaywan parlanaqa tukuy qorimanta, alajakunamantapis astawan valorniyojraj.

Proverbios 3:15

Yachayniyoj kayqa lliphipishaj rumimanta nisqa aswan valorniyoj. Imatachus astawan munasqaykipis manapuni yachaywan ninakunchu.

Proverbios 31:10

Sumaj warmita tareyqa mana tarina jinallachu. Payqa lliphipishaj k'achitu rumimantapis aswan valorniyojraj.

Proverbios 8:11

Yachayniyoj kayqa sumaj valorniyoj rumikunamantapis astawan valen. Ni aswan munana kajpis yachaywan kikinchakunmanchu.

Lamentaciones 4:7

Ajllasqa runankunaqa rit'i jina yuraj karqanku, lechemantapis astawan karqanku. Ukhunkoqa coral nisqamantapis astawan puka karqa, uyankutaj zafiro sutiyoj rumi jina k'achitu karqa.

Ezequiel 28:13

Diospa huertan Edén ukhupi kasharqanki. Tukuy imaymana lliphipirishaj k'achitu rumikunawan k'achanchasqa p'achayoj karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan ima. K'achanchakunayki, jaluchuykikuna ima qorimanta karqanku. Maypachachus ruwasqa karqanki chaypacha, chay tukuy ima qanpaj wakichisqa karqa.

Malaquías 3:17

Tukuy Atiyniyoj Tata Dios nin: Noqaj wakichisqay p'unchaypi paykunaqa watej aylluy kanqanku. Imaynatachus uj tata nisqanta kasukoj wawanta khuyan, ajinallatataj noqapis paykunamanta khuyakusaj.