Éxodo 28:1 - DIOSPA QHELQACHISQ

¹ Tata Dios Moisesta ujtawan nillarqataj: Wawqeyki Aaronta, churinkuna Nadabta, Abiuta, Eleazarta, Itamarta ima qanman jamunankuta niy. Paykunata sacerdoteykuna kanankupaj israelitakuna ukhumanta t'aqanki.

Qheshwa Biblia DC

¹ Wauqeyki Aaronta wajyachispa kamachiy, wawasnintawan, Nadabta, Abiuta, Eleazarta, Itamartawan, paykuna israelitas ukhupi sacerdotesniy kanankupaj.

DIOSPA QHELQACHISQAN DEUTEROCANONICAL

¹ Tata Dios Moisesta ujtawan nillarqataj: Wawqeyki Aaronta, churinkuna Nadabta, Abiuta, Eleazarta, Itamarta ima qanman jamunankuta niy. Paykunata sacerdoteykuna kanankupaj israelitakuna ukhumanta t'aqanki.

Éxodo 28:1 ပူးပေါင်းရင်းမြစ်များ

1 Crónicas 23:13

Amiranpa churinkunataj karqanku: Aaronwan, Moiseswan. Aaronqa t'aqasqa karqa Diosman jaywanapaj t'aqasqa kajta, jinataj inciensota Tata Diosman q'oshñichinanpaj, Tata Diospa sutinpi wiñaypaj saminchanankupaj ima. Chaykuna Aaronpata, chantá churinkunajtawan wiñaypaj ruwananku karqa.

1 Crónicas 6:10

10 (5.36) Johananqa Azariaspata tatan karqa. Payqa Jerusalenpi Salomonpa ruwachisqan Templonpi sacerdote karqa.

1 Crónicas 6:34

34 (19) paytaj Elcanaj churin karqa, paytaj Jeroanpata churin. Paytaj Elielpata churin karqa, paytaj Toajpa churin.

2 Crónicas 11:14

Levitakunaqa uywa michina jallp'ankuta, wasinkutapis saqespa, Judá suyupi Jerusalén llajtaman jamporqanku. Ajinata ruwarqanku imaraykuchus Jeroboanqa jinataj paypa qhepanta kamachej churinkunapis paykunata wijch'orqanku Tata Diospa sacerdoten kamachi ruwanankumanta.

Salmos 115:10

Aaronpa ayllunmanta sacerdotekuna, Tata Diosllapi atinikuychej, imajtinchus pay yanapasunkichej, jark'akusunkichejtaj.

Salmos 99:6

Moiseswan, Aaronwan sacerdotenkuna karqanku. Samuelpis Diospa sutinta oqharejkunawan khuska yupasqa karqa. Paykuna Tata Diosmanta mañakoj kanku, paytaj mañakusqankuta uyarej.

Éxodo 24:1

Tata Dios Moisesta nerqa: Maypichus noqa kashani, chayman Aaronwan, Nadabwan, Abiuwan, chantá israelitakunamanta qanchis chunka kurajkunapiwan ima wicharimuy. Paykunaqa noqamanta karullapi qonqorikonqanku.

Éxodo 24:9

Chaymanta Moisesqa Aaronwan, Nadabwan, Abiuwan, israelitakunamanta qanchis chunka kurajkunawan khuska orqoman wicharerqa.

Éxodo 28:41

Ajinata wawqeyki Aaronta, churinkunatawan ima p'achallichinki. Chaymantataj umankuta aceitewan jawispa, sacerdoteykuna kanankupaj t'aqapuwanki.

Éxodo 29:1

Tata Dios ujtawan Moisesta nillarqataj: Aaronwan, churinkunawan ima sacerdoteykuna kanankupaj t'aqaspa, kaykunata ruwanki: Mana iman imanasqa uj torillota, iskay corderotawan ima apamunki.

Éxodo 29:44

Jinallataj Dioswan Tinkukuna Toldota, altarta ima noqapaj t'aqasaj. Chantá Aaronta, churinkunatawan ima sacerdoteykuna kanankupaj t'aqallasajtaj.

Éxodo 29:9

Chaymantá Aaronta, jinallataj churinkunatapis chumpiwan chumpinki, jinaspataj sapa ujman ch'uluta churaranki. Ajinamanta paykunaqa kamachisqaman jina wiñaypaj sacerdoteykuna kanqanku. Ajinata Aaronta, churinkunatawan ima wiñaypaj sacerdoteykuna kanankupaj t'aqanki.

Éxodo 30:30

Chaymantaqa chay aceitewan Aaronta, churinkunatawan ima jawillankitaj, noqapaj t'aqasqa sacerdoteykuna kanankupaj.

Éxodo 31:10

Chantá sacerdotekuna ruwanankuta ruwanankupaj chay yachayniyojkuna p'achatapis ruwallanqankutaj Aaronpaj, churinkunapaj ima.

Éxodo 35:19

P'achatapis ruwallanqankutaj kuraj kaj sacerdote Aaronpaj, churinkunapaj ima. Paykuna chay p'achata churakonqanku Dioswan Tinkukuna Toldopi imatachus ruwanankuta ruwanankupaj, nispa.

Éxodo 6:23

Aaronqa Elisabetwan casarakorqa. Payqa Nasonpata panan, Aminadabpata ususintaj karqa. Aaronqa warminpi tawa wawakunata rejserqa: Nadabta, Abiuta, Eleazarta, Itamarta ima.

Levítico 10:1

Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu.

Levítico 10:12

Chantá Moisesqa Aaronta, iskaynin qhepakoj churinkuna Eleazarta, Itamarta ima nerqa: Tata Diosman ch'aki mikhuy jaywanamanta puchojtaqa altar qayllapi mana levadurayojta mikhuychej. Chay jaywasqaqa Tata Diospaj t'aqasqamin.

Levítico 7:35

Chaykunata noqa Tata Dios sacerdoteykuna kanankupaj t'aqarqani, chaymantapacha noqaman q'olachispa jaywanamanta Aaronman, mirayninmanwan ima qorqani.

Levítico 8:1

Tata Dios Moisesta nillarqataj:

Levítico 8:2

Aaronta, churinkunatawan ima wajyachiy. Chantá sacerdotekunapaj p'achata, jawina aceiteta ima oqharikuy, jinallataj jucha pampachasqa kananpaj jaywana torillota, iskay corderota, canastapi mana levadurayoj t'antatawan.

Números 18:7

Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.

Números 2:4

Yupasqa kasqankuman jina paykunaqa 74.000 qharikuna kanku.

Números 26:61

Nadabwan, Abiuwan imaqa Tata Diospa ñawpaqenpi wañusqanku, mana Tata Diospa kamachisqanman jinachu inciensota q'oshñichisqankurayku.

San Lucas 1:8

Chantá sacerdote Zacarías Templopi mit'anpi Diospaj ruwananta junt'ashajtin,

Deuteronomio 10:6

Chantá israelitakunaqa Moseraman rinankupaj Berot Bené Yacanmanta purirerqanku. Chaypi Aarón wañuporqa, kikinpitaj ayanta p'amparqanku. Churin Eleazartaj cuentanmanta sacerdote kananpaj yaykorqa.

Deuteronomio 18:5

Tata Diosniykeqa tukuy Israel ayllumanta levitakunata, chantá mirayninkutawan ima ajllakorqa, wiñaypaj Tata Diospa kamachinpi ruwanayoj kanankupaj.

1 Samuel 2:28

Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.