Éxodo 27:9 - DIOSPA QHELQACHISQ

⁹ Dioswan Tinkukuna Toldopaj patiota ruwallankitaj. Uray kantunpi t'ullkusqa linomanta ruwasqa cortinayoj kanqa. Cortinaqa sayt'unman tawa chunka phishqayoj metro kanqa.

Qheshwa Biblia DC

⁹ Diospa tiyakunampaj uj kanchata ruwanki. Uray cantonmanta muyuykuchinki t'ullkusqa linomanta ruwasqs jark'achinawan, sayt'unman tawa chunka phishqayoj metrosta.

DIOSPA QHELQACHISQAN DEUTEROCANONICAL

⁹ Dioswan Tinkukuna Toldopaj patiota ruwallankitaj. Uray kantunpi t'ullkusqa linomanta ruwasqa cortinayoj kanqa. Cortinaqa sayt'unman tawa chunka phishqayoj metro kanqa.

Éxodo 27:9 ပူးပေါင်းရင်းမြစ်များ

1 Reyes 6:36

Ukhu patiopi uj perqata kinsa sinruta ch'eqosqa rumikunawan ruwallarqataj, chay patanmantaj uj sinruta pino tablawan muyuykucherqa.

1 Reyes 8:64

Chaypacha kuraj kamachejqa Tata Diospa Templonpa ñawpaqenpi kasharqa, chay patiota Tata Diospaj t'aqarqa, imaraykuchus chaypi uywa ñak'asqata q'olachispa jaywarqa, ch'aki mikhuy jaywanakunatawan, allinyakuy jaywana wirakunatawan. Chay q'olachinakunawan, ch'aki mikhuy jaywanakunawan, allinyakuy jaywanakunawan ima may chhika kasqanrayku Diospa ñawpaqenpi broncemanta chay altarqa mana tukuyninpaj wakerqachu.

2 Crónicas 33:5

Manasesrí Tata Diospa Templonpa iskaynin pationkunapipis janajpi tukuy ch'askakunapaj altarkunata ruwachillarqataj.

2 Crónicas 4:9

Jinallataj sacerdotekunapaj patiota ruwacherqa, jatun patiotapis, punkunkunatawan, chaykunatataj tukuyninta broncewan lluch'iykucherqa.

Salmos 100:4

Pachis nispa, Templonman chimpaychej, yupaychana wasinpa pationmantaj takispa yaykuychej. Diosta pachis nispa, sutinta jatunchaychej.

Salmos 116:19

Chaytaqa Jerusalén llajtapi, Tata Diospa Templonpa pationpi qosaj. Tata Dios jatunchasqa kachun.

Salmos 84:10

10 (11) Uj p'unchayllatapis patioykipi kayqa aswan sumaj, waranqa p'unchayta jawapi kanamanta nisqaqa. Aswanqa munayman Diospa wasin punkuta qhawayta, millayta ruwajkunawan kawsakunaymanta nisqaqa.

Salmos 92:13

13 (14) Tata Diospa wasinpi mallkisqa kaspa, Diosninchejpa Templonpa pationpi t'ikarenqanku.

Éxodo 27:10

Iskay chunka k'aspikunaqa, broncemanta ruwasqa iskay chunka chuku patapi sayachisqa kanqa. Ganchonkuna, ninrinkuna imaqa qolqe metalmanta ruwasqa kanqanku.

Éxodo 35:17

Chantá ruwanqanku patiopaj cortinata, sayachinapaj k'aspikunata, chukuntinta ima, chantá patioman yaykuna punkupaj cortinatawan.

Éxodo 36:17

Jinaspataj, ñawpaj kaj t'inkisqa cortinaj puntanpi phishqa chunka ninrita ruwarqanku, phishqa chunkatataj iskay kaj t'inkisqa cortinapi.

Éxodo 39:40

Apamullarqankutaj patiota jark'achinapaj cortinakunata, sayantakunata, chukukunata, patioj punkunpi churanapaj cortinata, waskhanta, estacankunata, Dioswan Tinkukuna Toldopi imachus ruwanata ruwanapaj, chaykunatawan ima.

Éxodo 40:33

Chaykunata ruwayta tukuytawan, Moisesqa Dioswan Tinkukuna Toldoj pationpa muyuyninta, altarpa muyuyninta ima cortinawan muyuykucherqa. Chaymantataj patioj punkuman uj cortinata churallarqataj. Ajinata Moisés chay tukuy imata ruwayta tukuycharqa.

Éxodo 40:8

Chaymantataj toldoj pationta cortinawan muyuykuchinki, punkunmantaj uj cortinata warkhuykunki.

Ezequiel 40:14

Patiopi kaj sayantakunatapis midillarqataj, tukuynintaj kinsa chunka metroyoj karqa, jinallataj punkupi muyuykusqa kajkunatapis.

Ezequiel 40:17

Chaymanta chay runaqa jawa patioman pusawarqa. Chay patioj tukuy muyuynin rumiwan solasqa karqa. Chaypitaj patioman qhawarisqa kinsa chunka cuartokuna karqanku.

Ezequiel 40:20

Jawa patiopi wichaynej punkuta midillarqataj sayt'unman, jinallataj anchonmanpis.

Ezequiel 40:23

Ukhu patiopi uj punku karqa wichaynejman qhawarisqa, jinallataj inti llojsimuynejpipis. Uj punkumanta ujnin punkukama chay runaqa phishqa chunka metrota miderqa.

Ezequiel 40:28

Chay runa uraynej punkunta pusaykuwajtin, ukhu kaj patioman yaykorqayku. Chantá uray kaj punkuta midejtin, chay ujkuna jina chhikallantaj karqa.

Ezequiel 40:32

Chantá inti llojsimuynejpi kaj punkunta ukhupi kaj patioman pusallawarqataj. Jinaspataj, yaykuna punkuta miderqa, chaypis chay ujkuna jinallataj karqa.

Ezequiel 40:44

Ukhu patiopi punku jawapi iskay cuarto karqa. Ujqa wichaynejman qhawarisqa karqa, punkuntaj uray lado qhawarisqa karqa. Uj cuartotaj inti llojsimuy punku ladopi karqa, chaytaj wichaynejman qhawarisqa karqa.

Ezequiel 42:3

Ukhu patioj punkonqa, maypichus kinsa alto patayoj cuartokuna karqanku, chay ladoman qhawarisqa karqa. Chaykunataj rumiwan solasqa jawa patiopi jina karqa.

Números 3:26

Chantá patiopi cortinakunata, Dioswan Tinkukuna Toldoj muyuyninpi patioman yaykunaj cortinanta, altarta, chantá waskhakunatawan ima qhawanallankutaj karqa.

Números 4:26

Patioj cortinankunata, Dioswan Tinkukuna Toldopi patioman yaykuna cortinata Apallanqankutaj, chantá altartawan muyurishan, chayta. Jinallataj waskhankunata, watanapaj imakunata, chantá imachus ruwanapaj imakunatawan ima apallanqankutaj. Chaymin paykunaj ruwananku kanqa.

Números 4:32

Jinallataj Dioswan Tinkukuna Toldoj pationta muyuykushan, chay sayantakunata, chukukunata, estacakunata, waskhakunata, watanapaj imachus kajkunata, chantá imachus ruwanapaj imakunatawan ima apallanqankutaj. Sapa ujman imatachus apanankuta qan sut'ita kamachinki.