Éxodo 24:6 - DIOSPA QHELQACHISQ

⁶ Moisestaj torillokuna ñak'asqaj yawarninmanta khuskanta jap'ispa, juch'uy ch'illamipi jallch'arqa. Khuskan yawarwantaj altar ruwasqanta ch'ajchorqa.

Qheshwa Biblia DC

⁶ Moisestaj chay uywaspa wakin yawarninta jap'erqa, jatuchaj vasospitaj jallch'arqa. Khuskan yawarwantaj chay altar ruwasqanta ch'ajchorqa.

DIOSPA QHELQACHISQAN DEUTEROCANONICAL

⁶ Moisestaj torillokuna ñak'asqaj yawarninmanta khuskanta jap'ispa, juch'uy ch'illamipi jallch'arqa. Khuskan yawarwantaj altar ruwasqanta ch'ajchorqa.

Éxodo 24:6 ပူးပေါင်းရင်းမြစ်များ

2 Reyes 17:15

Tata Diospa nisqanta, ñawpa tatankukunawan trato ruwasqanta, tukuy k'amisqantawan ima qhesacharqanku. Qhasi manakaj lantikunata yupaychaspa, manakajman tukorqanku. Paykunaqa muyuyninkupi tiyakojkuna jina kikillantataj ruwarqanku, Tata Dios manapuni chayta ruwanankuta nejtinpis.

Salmos 99:6

Moiseswan, Aaronwan sacerdotenkuna karqanku. Samuelpis Diospa sutinta oqharejkunawan khuska yupasqa karqa. Paykuna Tata Diosmanta mañakoj kanku, paytaj mañakusqankuta uyarej.

Éxodo 12:22

Corderoj yawarnintataj uj ch'illamipi jap'inkichej. Chantá hisopo qhorata yawarman chhapuspa jawinkichej, wasiykichejpa punkunpa pata chakanta, chantá iskaynin k'aspintawan. Chantá sut'iyamunankama ni pipis wasimanta llojsinanchu tiyan,

Éxodo 12:7

Uywaj yawarninta jap'ispataj, may wasipichus mikhunkichej, chay wasej kijunninta, chantá punku patata ima yawarwan ch'ajchunkichej.

Éxodo 24:8

Chantá Moisés yawarta jap'iytawan, runakunata ch'ajchuspa, nerqa: Kay yawarwanmin Tata Diosqa qankunawan trato ruwasqanta sut'inchan, tukuy kay nisqaman jina, nispa.

Éxodo 29:16

Chantá corderota ñak'aspa, yawarninwan altarta, chantá altarpa muyuyninta ima ch'ajchunki.

Éxodo 29:20

Chantá chay corderota ñak'aspa, uj chhika yawarta jap'inki. Chaywantaj Aaronpata paña ninrinpa uranta jawiykunki, jinallataj churinkunaj paña ninrinkoj uranta jawiykullankitaj. Jawillankitaj paña makinkoj machu ruk'ananta, paña chakinkoj machu ruk'anantawan ima. Puchoj yawarwantaj altarpa tukuy muyuyninta ch'ajchunki.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Levítico 1:11

Chantá chay uywata pichus apamojqa, Tata Diospa ñawpaqenpi altarmanta wichaynejpi ñak'anqa. Chaymantataj Aaronpa churinkunamanta sacerdotekunaqa uywaj yawarninta altarpa tukuy muyuyninman ch'ajchonqanku.

Levítico 1:5

Chantá Tata Diospa ñawpaqenpi torota ñak'anqa. Chaymanta Aaronpa mirayninmanta kaj sacerdotekuna toroj yawarninta jap'ispa ch'ajchonqanku, Dioswan Tinkukuna Toldoman yaykuna punkupi altarpa patanta, chantá tukuy muyuyninta ima.

Levítico 3:2

K'achata kawsakuy jaywanata Tata Diosman apamojqa uywaj umanman makinta churanqa. Chaymantataj Dioswan Tinkukuna Toldo punkupi chay uywata ñak'anqa. Aaronpa churinkunamanta Sacerdotekunataj altar patata, chantá tukuy muyuynintinta ima uywaj yawarninwan ch'ajchonqa.

Levítico 3:8

Pichus jaywanata apamojqa uywaj umanman makinta churanqa, chantá Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj uywaj yawarninwan altarta, chantá tukuy muyuyninta ima ch'ajchonqanku.

Levítico 4:6

Chaypitaj kuraj kaj sacerdoteqa maki ruk'ananta yawarman chhapuspa, Tata Diospa ñawpaqenpi cortina cheqanejman qanchis kutita ch'ajchonqa.

1 Corintios 11:25

Ajinallatataj cenaytawankama copata jap'ispa, nerqa: Kay vinoyoj copaqa wañusqaywan uj mosoj tratota ruwasqayta sut'inchashan. Sapa kuti kay copamanta ujyaspa, noqamanta yuyarikunkichej, nispa.

Colosenses 1:20

Tata Dios munallarqataj Churinnejta tukuy kaj chhika, janaj pachapi kaj, jinataj kay pachapi kaj ima paywan allinyachisqa kananta. Payllataj ajina kananpaj tukuy imata ruwarqa, Churin cruzpi wañuspa yawar jich'asqanrayku.

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

Hebreos 8:9

Kay tratoqa mana ñawpa tatankukunawan ruwasqay trato jinachu kanqa. Chay tratota ruwarqani maypachachus paykunata makinkumanta aysarispa, Egipto suyumanta orqhomorqani chaypacha. Paykunatajrí trato ruwasqayta mana junt'arqankuchu. Chayrayku noqapis paykunata mana rikoj tukorqani, nispa Tukuyta Kamachej Dios nin.

Hebreos 9:18

Chayrayku, ñawpaj kaj tratota Dios ruwananpaj runakuna uywata ñak'aspa, yawarninta jaywarqanku.

Hebreos 9:19

Maypachachus Moisés kamachisqaj tukuy nisqanta israelitakunaman ñawiriporqa chaypacha, pay torillokunaj yawarninta, chantá chivokunaj yawarninta ima chuwapi yakuwan chajrorqa. Chantá tiñisqa puka millmawan, hisopo qhorawan ima chay p'anqaman, chantá tukuy israelitakunaman ima ch'ajchuykorqa.

Hebreos 9:21

Chaymantataj Moisesqa Dioswan Tinkukuna Toldota, chantá chaypi Diosta yupaychanapaj kaj imakunatawan yawarwan ch'ajchullarqataj.

1 Pedro 1:19

Aswanpis, Cristo cruzpi wañuspa yawarninta jich'asqanwan qankuna kacharichisqa kankichej. Payqa mana ch'ichiyoj, mana iman imanasqa cordero jina jaywasqa karqa.

1 Pedro 1:2

Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.