Éxodo 24:4 - DIOSPA QHELQACHISQ

⁴ Chaymanta Moisesqa Tata Diospa tukuy nisqanta qhelqarqa. Q'ayantintaj tutamanta jatarispa, orqo k'uchupi chunka iskayniyoj rumiwan uj altarta jataricherqa. Jinallataj chunka iskayniyoj rumita sayacherqa, sapa jatun ayllumanta uj rumi karqa.

Qheshwa Biblia DC

⁴ Chaymanta Moisesqa Señorpa tukuy palabrasninta qelqarqa. Tutamanta jatarispataj uj altarta orqo k'uchupi chunka iskayniyoj rumiswan ruwarqa, chay rumistaj Israel ayllusman jina karqa.

DIOSPA QHELQACHISQAN DEUTEROCANONICAL

⁴ Chaymanta Moisesqa Tata Diospa tukuy nisqanta qhelqarqa. Q'ayantintaj tutamanta jatarispa, orqo k'uchupi chunka iskayniyoj rumiwan uj altarta jataricherqa. Jinallataj chunka iskayniyoj rumita sayacherqa, sapa jatun ayllumanta uj rumi karqa.

Éxodo 24:4 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 28:18

Q'ayantin Jacob tutamanta jatarispa, maypichus sawnakorqa, chay rumita cheqanta sayaykucherqa. Chantá rumiman aceiteta jich'aspa, Diospaj t'aqarqa.

Génesis 28:22

Diosníy, kay sayachisqay rumeqa qanta yupaychana cheqa kanqa. Chantá tukuy ima qowasqaykimanta sapa chunkamanta ujta qanman qosqayki, nispa.

Génesis 31:45

Jinata nejtintaj, Jacobqa uj rumita oqharispa, sayacherqa.

1 Reyes 11:30

Chantá Ajiasqa chay mosoj ponchota jina qhatananta jap'ispa, chunka iskayniyojman k'uturarqa.

1 Reyes 18:31

Chantá Eliasqa chunka iskayniyoj rumikunata oqharerqa, Jacobpa churinkuna mashkhachus karqanku, chayman jina. Chay Jacobtaqa Tata Dios nisqa: Sutiykeqa Israel kanqa, nispa.

Esdras 6:17

Chaypacha Diosman jaywarqanku 100 torillokunata, 200 carnerokunata, 400 corderokunatataj. Chantapis chunka iskayniyoj chivokunatapis jaywallarqankutaj tukuynin israelitakunaj juchankumanta, mashkha jatun aylluchus kasqankuman jina.

Nehemías 10:1

Chay tratota ruwasqankuman qhelqajkunaqa kaykuna karqanku: Jacaliaspa churin kamachej Nehemías, Sedequías ima.

Éxodo 17:14

Chantá Tata Dios Moisesta nerqa: Kayta sapa kuti yuyarinapaj uj p'anqaman qhelqay. Josuemantaj kay jinata niy: Qhepanejman noqa kay pachamanta tukuy amalecitakunata chinkachinayta, nispa.

Éxodo 17:15

Chantá Moisés chaypi Tata Diospaj uj altarta ruwarqa, suticharqataj: “Tata Diosmin ñawpajta rej”, nispa.

Éxodo 21:1

Tata Dios Moisesta kay jinata nerqa: Kay kamachisqakunata israelitakunaman rejsichinki.

Éxodo 24:7

Jinaspataj, trato ruwasqamanta qhelqata runakunaj uyarinankuta ñawirerqa. Runakunataj nerqanku: Noqaykoqa Tata Diospa tukuy kamachisqanta kasusqayku, nispa.

Éxodo 28:21

Chunka iskayniyoj rumi kanan tiyan, imajtinchus Israelpata churinkunaqa chunka iskayniyoj kanku. Sapa rumipi uj jatun aylloj sutin t'illmisqa kanqa.

Éxodo 34:27

Chaymanta Tata Diosqa Moisesta nerqa: Kay nisqayta qhelqay, imaraykuchus chayman jina qanwan, jinallataj israelitakunawanpis tratota ruwani, nispa.

Isaías 19:19

Chaypacha kikin Egipto suyu chawpipi Tata Diospaj uj altar kanqa, chay jallp'aj mojonninpitaj Tata Diospa sutinpi uj rumita sayachenqanku.

Levítico 24:5

Sumaj jak'umanta chunka iskayniyoj t'antata ruwanki. Sapa t'anta tawa kilo jak'umanta ruwasqa kanqa.

Números 17:2

2 (17) Israelitakunata niy, sapa jatun aylluta kamachejkuna uj varata apamunankuta. Tukuypi chunka iskayniyoj vara kanan tiyan. Chantá sapa varapi, sapa aylloj sutinkuta qhelqay.

San Lucas 22:30

Ajinamanta noqa kamachishajtiy, qankuna noqawan mikhunkichej, ujyankichejtaj ima. Jinallataj kamachina tiyanapi tiyaykunkichej Israelpa chunka iskayniyoj jatun ayllunkunata juzganaykichejpaj, nispa.

Gálatas 2:9

Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

Deuteronomio 31:9

Moisesqa kay kamachisqata qhelqaspa, Tata Diospa trato ruwasqan arcata apajkuna Leví jatun ayllumanta sacerdotekunaman, chantá israelitakunaj tukuy kurajninkuman ima jaywarqa.

Josué 4:20

Gilgalpi Josueqa, Jordán mayumanta apamusqanku, chay chunka iskayniyoj rumikunata tawqarqa.

Josué 4:5

Josué nerqa: Yaykuychej Jordán mayu chawpikama, Tata Diosniykichejpa arcanpa ñawpaqenta. Chantá sapa ujniykichej uj rumita lijrariykukuspa, apamuychej. Tukuyninpi chunka iskayniyoj rumi kanqa, sapa jatun ayllupaj uj rumikama.

Apocalipsis 21:14

Llajtaj perqantaj chunka iskayniyoj cimientoyoj karqa. Chaykuna patapi chunka iskayniyoj suti qhelqasqa karqa, Corderoj chunka iskayniyoj kuraj kachankunajta.