Éxodo 24:11 - DIOSPA QHELQACHISQ

¹¹ Diosqa israelitakunaj kurajninkunata mana imanarqachu. Paykunaqa Diosta rikorqanku, chantá mikhorqanku, ujyarqankutaj.

Qheshwa Biblia DC

¹¹ Chay ajllasqa israelitastaqa Diosqa mana imanarqachu, paykunaqa tukuy sonqo Diosta rikorqanku, chantaqa mikhorqanku, ujyarqankutaj.

DIOSPA QHELQACHISQAN DEUTEROCANONICAL

¹¹ Diosqa israelitakunaj kurajninkunata mana imanarqachu. Paykunaqa Diosta rikorqanku, chantá mikhorqanku, ujyarqankutaj.

Éxodo 24:11 ပူးပေါင်းရင်းမြစ်များ

Génesis 16:13

Chantá Agarqa Dios paywan parlasqanrayku paymanta nerqa: Payqa Rikuwaj Dios. Noqaqa rikuwaj Diosta rikorqani, chaywanpis kawsashaniraj, nispa.

Génesis 18:18

imaraykuchus pay ashkha runayoj jatun suyoj tatan kanqa. Payman niniña kay pachapi tukuy suyuta paynejta saminchanayta.

Génesis 31:54

Chaymanta Jacobqa orqopi uj uywata ñak'aspa, Diosman q'olacherqa. Jinaspataj, tukuy ayllunta mikhunankupaj wajyarqa. Ajinata tukuyninku mikhorqanku, chay orqopitaj sut'iyanankama karqanku.

1 Reyes 21:8

Chantá Jezabelqa Ajabpa sutinpi cartakunata qhelqarqa, Ajabpa anillonwan sellaykuspataj, apacherqa, Nabotpa llajtanpi tiyajkunaj tukuynin kurajkunaman, kamachejkunamanwan ima.

2 Crónicas 23:20

Chaymantataj Joyadá wajyarqa capitankunata, kurajkunata, llajtapi kamachejkunata, tukuy runatapis, Tata Diospa Templomantapacha kamachina wasikama, kuraj kamachejta pusanankupaj. Chantá jatun punkunejta yaykuspa, kamachina tiyananman kuraj kamachej Joasta tiyaykucherqanku.

Nehemías 2:16

Chay llajtapi kamachejkunaqa mana yacharqankuchu maymanchus risqayta, nitaj imata ruwaspachus purishasqaytapis. Manallataj judiokunaman willarqanichu, nitaj sacerdotekunaman, kamachejkunaman, nillataj perqa oqharejkunamanpis.

Salmos 139:5

Tukuynejmanta muyuykuwanki, makiykiwantaj waqaychawanki.

Éxodo 18:12

Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

Éxodo 19:21

Chaymanta Tata Diosqa Moisesta nerqa: Urayk'uspa, runakunata nimuy noqata rikuwayta munaspa, señal churasqaykita amapuni pasanankuta. Pasankumanchus chayqa, ashkha wañunkuman.

Éxodo 24:1

Tata Dios Moisesta nerqa: Maypichus noqa kashani, chayman Aaronwan, Nadabwan, Abiuwan, chantá israelitakunamanta qanchis chunka kurajkunapiwan ima wicharimuy. Paykunaqa noqamanta karullapi qonqorikonqanku.

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Jeremías 14:3

Qhapajkunaqa uywasqankuta yakuman kachanku, paykunataj yaku qochapi mana yakuta tarinkuchu, ch'usaj p'uñuyojlla kutipunku. P'enqakuymanta uyankuta mana mayman churayta atispa, umankutapis qhataykukunku.

Daniel (hebreo) 10:17

Imaynatataj qanwan parlayta atiyman, kay jina mana kallpayoj kashaspa, samayniypis pisiyashawajtinri? nispa.

Números 12:8

Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

Números 21:18

Kamachejkuna kamachina varankuwan allarqanku. Sumachaj kurajkunataj varankuwan kicharerqanku, nispa. Chantá israelitakunaqa ch'innejmanta Matanaman rerqanku.

Deuteronomio 12:7

Chayllapitaj Tata Diosniykichejpa ñawpaqenpi tukuy aylluykichejwan khuska mikhunkichej. Ajinata ruwankichej llank'aspa, imatachus tarisqaykichejmanta kusikuspa, imajtinchus Tata Diosniykichejmin yanapasunkichej.

Deuteronomio 4:33

Mayqen suyutaj, qankuna jina, nina chawpimanta Diospa parlamusqanta uyarispa, mana wañorqachuri?

Jueces 13:22

Chantá Manoaqa warminta nerqa: Cheqamanta kunanqa Diosta rikusqanchejrayku wañupusunchá, nispa.

Jueces 5:13

Chaypacha israelitakunamanta puchoj capitankuna urayk'amorqanku kallpasapa runakunaj contrankupi maqanakoj. Noqanejtamin Tata Diospa ayllonqa urayk'amorqa, wapu runakunawan maqanakunankupaj.