Éxodo 24:10 - DIOSPA QHELQACHISQ

¹⁰ Chaypitaj Israelpa Diosninta rikorqanku. Chakin urapitaj safiromantapis pampan ruwasqa kanman jina lliphipirishajta, janajta jina pichasqata rikorqanku.

Qheshwa Biblia DC

¹⁰ Chaypitaj Israelpa Diosninta rikorqanku, chakisnin urapitaj rikorqanku lliphipirishajta safiromantapis pampan ruwasqs kanman jinata, cielo jina sut'isituta.

DIOSPA QHELQACHISQAN DEUTEROCANONICAL

¹⁰ Chaypitaj Israelpa Diosninta rikorqanku. Chakin urapitaj safiromantapis pampan ruwasqa kanman jina lliphipirishajta, janajta jina pichasqata rikorqanku.

Éxodo 24:10 ပူးပေါင်းရင်းမြစ်များ

Génesis 32:30

30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

Génesis 32:31

31 (32) Inti llojsimushajtin, Jacobqa Penielmanta llojserqa, chakan nanasqa kasqanraykutaj, k'inkiykachaspa purerqa.

1 Reyes 22:19

Chantá Micaías nillarqataj: Chayta nisqaykirayku Tata Diospa nisqanta uyariy ari: Noqaqa Tata Diosta rikorqani kamachinan tiyanapi tiyasqata, paña ladonpi, lloq'e ladonpiwan angelkunata ima.

2 Crónicas 6:17

Ajinaqa, Israelpa Tata Diosnin, kamachiyki tatay Davidman nisqaykeqa junt'akuchunpuni ari.

Éxodo 24:11

Diosqa israelitakunaj kurajninkunata mana imanarqachu. Paykunaqa Diosta rikorqanku, chantá mikhorqanku, ujyarqankutaj.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 33:20

Uyaytarí manapuni rikuwankichu, imaraykuchus pipis rikuwajqa manapuni kawsanqachu, nispa.

Éxodo 33:23

Chaymantataj makiyta oqharisaj, qantaj wasallaytaña rikunki. Uyaytarí manapuni rikunkichu, nispa.

TAKIYKUNA 5:14

Makinkunaqa topacio rumiwan k'achanchasqa qori anillo jina. Ukhuntajrí safiro rumiwan, k'achanchasqa marfil jina.

TAKIYKUNA 6:10

Pitaj sut'iyayta intej k'anchaynin jina rikhurimunri, killa jina k'achita, inti jina k'ancharishajri, may chhika lliphipishaj ch'aska jina manchay t'ukunari?

Lamentaciones 4:7

Ajllasqa runankunaqa rit'i jina yuraj karqanku, lechemantapis astawan karqanku. Ukhunkoqa coral nisqamantapis astawan puka karqa, uyankutaj zafiro sutiyoj rumi jina k'achitu karqa.

Ezequiel 1:1

Kinsa chunka kaj watapi, tawa kaj killamanta phishqa kaj p'unchayninpi noqaqa Quebar nisqa mayu kantupi kasharqani, Judamanta Babiloniaman apasqa runakunaj chawpinkupi. Chantá jinallaman janaj pacha kicharikorqa, Tata Diostataj mosqoypi jina rikorqani.

Ezequiel 10:1

Chay qhepata qhawarispa, noqa rikorqani zafiro sutiyoj k'acha rumimanta ruwasqa kamachina tiyanata. Chay karqa querubinkunaj patankupi janaj jina paykunata qhatasharqa, chay patapi.

Daniel (hebreo) 10:17

Imaynatataj qanwan parlayta atiyman, kay jina mana kallpayoj kashaspa, samayniypis pisiyashawajtinri? nispa.

Números 12:8

Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

San Mateo 17:2

Chaypitaj paykuna qhawashajtinku, Jesús waj jinaman tukorqa. Uyanqa inti jina k'ancharerqa, p'achantaj may yurajta lliphipirerqa.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Juan 14:9

Jesustajrí payman kuticherqa: Felipe, chhika unaytaña qankunawan kashajtiy, manarajpunichu rejsiwanki? Pichus noqata rikuwajqa Tataytapis rikullantaj. Jinaqa, imaraykutaj nishanki: Tata Diosta rikuchiwayku, nispari?

San Juan 6:46

Mana pi runapis Tata Diosta rikorqachu, manachayqa Diosmanta jamojlla.

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

1 Juan 4:12

Mana pipis jayk'aj Diosta rikorqachu. Noqanchej purajmanta munakunchej chayrí, Dios noqanchejpi tiyakun, munakuynintaj noqanchejpi imachus ruwananta ruwaspa, imatachus tariyta munasqanta junt'an.

Apocalipsis 1:16

Jinallataj paña makinpi qanchis ch'askata jap'isharqa, siminmantataj puraj ladon filochasqa espada jina llojsimusharqa. Uyanpis manchayta lliphipisharqa, chawpi p'unchayta imaynatachus inti sinch'ita k'anchan, ajinata.

Apocalipsis 21:11

Mosoj Jerusalén llajtaqa Diospa jatun kayninpa k'anchayninwan lliphipisharqa, lliphipisqantaj sumaj k'achitu jaspe nisqa rumiman rijch'akorqa. Chaytaj cristal jina sut'i karqa.

Apocalipsis 4:3

Pichus kamachina tiyanapi tiyajqa jaspe sutiyoj rumi jina, chantá cornalina sutiyoj rumi jina lliphipisharqa. Jinallataj kamachina tiyanaj muyuyninpi k'uychi karqa, chaytaj esmeralda sutiyoj rumi jina lliphipisharqa.