Éxodo 22:31 - DIOSPA QHELQACHISQ

³¹ 31 (30) Qankunaqa noqapaj t'aqasqa runakuna kankichej. Ama atoj, chayrí leonpa jap'isqan aychata mikhunkichejchu. Chaytaqa alqoman qopunkichej.

Qheshwa Biblia DC

³¹ Qankunaqa noqaman sonqoykichejta qowankichej, ama mikhunkichejchu monte animalespa jap'isqan sarwi aychata, chaykunataqa alqosman qopunkichej.

DIOSPA QHELQACHISQAN DEUTEROCANONICAL

³¹ 31 (30) Qankunaqa noqapaj t'aqasqa runakuna kankichej. Ama atoj, chayrí leonpa jap'isqan aychata mikhunkichejchu. Chaytaqa alqoman qopunkichej.

Éxodo 22:31 ပူးပေါင်းရင်းမြစ်များ

Esdras 9:2

Jinallataj israelitakunaqa, wawankukunapis kay llajtayojkunaj ususinkukunawan casararqanku. Ajinamanta waj llajtayojkunawan Diospaj t'aqasqa ayllun chhapukunku. Tukuymanta aswan ñawpajtaqa kurajkuna, kamachejkunawan ima chay juchata ruwarqanku, nispa.

Ezequiel 4:14

Noqatajrí kuticherqani: Ay, Tukuyta Kamachej Tata Diosníy, manapuni jayk'aj ima millay ch'ichipaj qhawasqata llankharqanichu, nillataj jayk'ajpis pay kikinmanta wañusqa uywaj aychanta mikhorqanichu, nitaj k'ita animalkunaj uywa wañuchisqan aychata, nillataj ch'ichipaj qhawasqa aychatapis, nispa.

Ezequiel 44:31

Sacerdotekunaqa payllamanta wañusqa uywaj aychanta mana mikhonqankuchu, nitaj lijrayoj phawajkunaj wañusqa aychankutapis, nillataj ima k'ita animal mithaspa wañuchisqantapis mikhonqankuchu, nispa.

Levítico 19:2

Tukuy israelitakunata niy: Tata Dios ajinata nisunkichej: Qankunaqa noqapaj t'aqasqa jina llimphu kaychej, imaraykuchus noqa Tata Diosniykichej may llimphumin kani.

Levítico 20:25

Chayrayku qankunaqa mayqenchus mikhunapaj llimphu animal kasqanta, mayqentajchus mana llimphuchu kasqankuta reparankichej. Phawajkunamantapis mayqenchus llimphu, mayqentajchus mana llimphuchu kasqankuta reparallankichejtaj. Ama chay animalkunarayku, nitaj phawajkunarayku, nillataj pampata qhatatakuspa purej animalkunarayku mana llimphupaj qhawasqa kankichejchu. Noqa chaykunata ch'ichipaj qhawasqa kanankupaj t'aqani.

Levítico 22:8

Payllamanta wañusqa uywaj aychanta, chayrí k'ita animalpa jap'isqan aychataqa mana mikhunanchu tiyan, ama chaywan ch'ichichasqa rikhurinanpaj. Noqamin Tata Dios kani.

Levítico 7:24

Wañusqa uywakunaj wiranta, chayrí k'ita animalpa mithasqan uywaj wiranwanqa imatapis ruwayta atinkichej. Chaywanpis amapuni chayta mikhunkichejchu.

Hechos 10:14

Pedrotajrí kuticherqa: Tukuyta Kamachej Jesusníy, manapuni noqaqa kunankama ni jayk'aj mikhorqanichu Moisespa kamachisqanpi imatachus ch'ichipaj qhawasqa kasqanta nin, chaykunata, nispa.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Deuteronomio 14:21

Payllamanta wañoj animalta amapuni mikhunkichejchu, imaraykuchus qankunaqa Tata Diosniykichejpata kanaykichejpaj t'aqasqa ayllun kankichej. Qankunaj llajtaykichejpi tiyakoj karu llajtayojman chay aychata qoyta atinkichej chayri vendeyta, paykunataj mikhuyta atillanqanku. Ñuñushaj cabra uñataqa ama mamanpa lechenpi chayachinkichejchu.