Éxodo 22:30 - DIOSPA QHELQACHISQ

³⁰ 30 (29) Chantapis wakaykimanta, ovejaykimanta phiwi uñanta apamuwanki. Phiwi uñaqa qanchis p'unchayta mamanwan kanqa, pusaj kaj p'unchaypitaj noqaman qopuwanki.

Qheshwa Biblia DC

³⁰ Kikillantataj wakasniykej kuraj kaj uñasninta apamuwanki, jinallataj ovejasniykimantapis. Chay phiwi uñasqa qanchis p'unchaykunata kanqanku mamasninkuwan nacesqankumanta qhepaman; pusaj kaj p'unchaypitaj noqaman apamuwanki.

DIOSPA QHELQACHISQAN DEUTEROCANONICAL

³⁰ 30 (29) Chantapis wakaykimanta, ovejaykimanta phiwi uñanta apamuwanki. Phiwi uñaqa qanchis p'unchayta mamanwan kanqa, pusaj kaj p'unchaypitaj noqaman qopuwanki.

Éxodo 22:30 ပူးပေါင်းရင်းမြစ်များ

Génesis 17:12

Kunanmanta qhepaman tukuy qhari wawakuna paqarisqankumanta pusaj p'unchayninman circuncidasqa kanqanku. Jinallataj wasiykichejpi paqarejkuna, rantikusqaykichej wata runaj qhari wawan, waj llajtayojkunaj qhari wawanpis circuncidasqallataj kanqanku.

Éxodo 13:12

qankuna Tata Diosman tukuy kuraj kaj churiykichejta qopunkichej, jinallataj tukuy uywaykichejkunamanta phiwi uñanmanta orqo kajtawan. Tukuy chaykunaqa Tata Diospata kanqa.

Ezequiel 4:14

Noqatajrí kuticherqani: Ay, Tukuyta Kamachej Tata Diosníy, manapuni jayk'aj ima millay ch'ichipaj qhawasqata llankharqanichu, nillataj jayk'ajpis pay kikinmanta wañusqa uywaj aychanta mikhorqanichu, nitaj k'ita animalkunaj uywa wañuchisqan aychata, nillataj ch'ichipaj qhawasqa aychatapis, nispa.

Levítico 11:44

Noqa Tata Diosniykichej kani. Chayrayku qankunaqa noqapaj t'aqasqa jina allinta puriychej, imaraykuchus noqaqa may llimphu kani. Qankunaqa amapuni pampata qhatatakuspa purej animalkunata llojchispa ch'ichichakunkichejchu.

Levítico 11:45

Noqa Tata Dios kani, pichus Diosniykichej kanaypaj qankunata Egiptomanta orqhomorqaykichej, chay. Chayrayku qankunaqa noqapaj t'aqasqa jina kawsaychej, imajtinchus noqaqa manchay llimphumin kani, nispa.

Levítico 12:3

Chantá wawaqa paqarisqanmanta pusaj p'unchayninman circuncidasqa kanqa.

Levítico 17:15

Sichus mayqen israelitapis, chayrí qankunawan tiyakoj karu llajtayojpis wañusqa uywaj aychanta mikhunman, chayrí k'ita animalpa jap'isqanta mikhunman chayqa, p'achanta t'ajsakunan tiyan. Jinallataj ukhuntapis yakuwan mayllakunan tiyan. Chantá ch'isiyanankama mana llimphupaj qhawasqa kanqa. Chaymantaraj llimphuchasqa kanqa.

Levítico 22:27

Waka uña, oveja uña, chayrí chivitupis qanchis p'unchayta mamanwan qhepakonqa. Pusaj p'unchayninman kaymantaj chay uywata q'olachispa noqa Tata Diosman jaywawankichej.

Levítico 22:8

Payllamanta wañusqa uywaj aychanta, chayrí k'ita animalpa jap'isqan aychataqa mana mikhunanchu tiyan, ama chaywan ch'ichichasqa rikhurinanpaj. Noqamin Tata Dios kani.

Levítico 7:23

Israelitakunata ajinata niy: Waka wirata, oveja wirata, nitaj cabra wirata ama mikhunkichejchu.

Levítico 7:24

Wañusqa uywakunaj wiranta, chayrí k'ita animalpa mithasqan uywaj wiranwanqa imatapis ruwayta atinkichej. Chaywanpis amapuni chayta mikhunkichejchu.

Levítico 7:26

Maypichá tiyakunkichej, chaypi phuruyoj uywaj yawarninta, nitaj animalpa yawarnintapis mikhunkichejchu.

Deuteronomio 14:21

Payllamanta wañoj animalta amapuni mikhunkichejchu, imaraykuchus qankunaqa Tata Diosniykichejpata kanaykichejpaj t'aqasqa ayllun kankichej. Qankunaj llajtaykichejpi tiyakoj karu llajtayojman chay aychata qoyta atinkichej chayri vendeyta, paykunataj mikhuyta atillanqanku. Ñuñushaj cabra uñataqa ama mamanpa lechenpi chayachinkichejchu.

Deuteronomio 15:19

Tukuy phiwi orqo uñata, wakamanta, ovejamanta ima Tata Diosniykiman qonaykipaj t'aqanki. Phiwi torillota ama llank'achinkichu, amallataj phiwi corderoj millmanta ruthunkichu.