Éxodo 22:25 - DIOSPA QHELQACHISQ

²⁵ 25 (24) Sichus aylluy ukhupi kaj wajcha runaman qolqeta mañarinki chayqa, ama qolqe manoj runa jinachu paywan kanki, nitaj qolqe interestapis mañankichu.

Qheshwa Biblia DC

²⁵ Sichus qolqeykita mañarinki runasniy ukhupi kaj wajcha runaman, mayqenchus qampapi kashan chayman chayqa, ama paypaj phiñasqa kankichu uj qolqe mañaj runa jina, nitaj qolqe redituntapis mañankichu.

DIOSPA QHELQACHISQAN DEUTEROCANONICAL

²⁵ 25 (24) Sichus aylluy ukhupi kaj wajcha runaman qolqeta mañarinki chayqa, ama qolqe manoj runa jinachu paywan kanki, nitaj qolqe interestapis mañankichu.

Éxodo 22:25 ပူးပေါင်းရင်းမြစ်များ

2 Reyes 4:1

Uj kuti, Diospa sut'inchajninkunamanta ujninpa warmisapan waqaspa, Eliseoman willakorqa: Qosay wañupun. Yachanki jina payqa Tata Diosta kasuspa purerqa, qantapis yanapasorqa. Kunantaj manuriwarqayku chay runa, iskaynin wawaykunata wata runanpaj apakapuyta munashan, nispa.

2 Reyes 4:7

Chantá warmisapaqa Diospa sut'inchajnin Eliseoman rispa, chayta willarqa. Paytaj nerqa: Rispa, chay aceiteta vendemuy, manuykimantaj pagampuy. Puchoj qolqetaj, qanpaj chantá wawaykikunapaj ima kachun, nispa.

Nehemías 5:7

Allinta umacharikuytawantaj, kurajkunata, kamachejkunata ima k'amerqani: Imajtintaj llajta masiykichejmanta interesta orqhoshankichejri? nispa. Chantá tukuy runakuna tantakunankuta nerqani chay imakunamanta parlanapaj.

Salmos 15:5

Payqa mana interesniyojta qolqeta manurin, nitaj mana juchayojpa contranta llullakunanpaj lluk'ita jap'ikunchu. Chay jinata ruwaj runaqa ni jayk'aj urmanqachu.

Proverbios 28:8

Pichus ancha ashkha interesniyojta qolqeta manuspa qhapajyajqa, pichus wajchakunata khuyajllapaj tantanqa.

Jeremías 15:10

Chantá noqa Jeremías nerqani: Ay, noqamanta, mamáy, imapajtaj paqarichikuwarqankiri? Kay pachapi kaj chhika runakuna contrayta sayaykuspa, noqawan churanakunankupajchu? Mana pimanpis qolqeta manunichu, nitaj pipis noqaman manuwanchu. Chaywanpis tukuy maldiciwanku, nispa.

Ezequiel 18:13

Manuspaqa, interesniyojta mañanman, ancha ashkhata ganayta mask'aspa. Ajina millayta ruwasqanrayku chay runaqa manapuni kawsanqachu. Chay runaqa wañunanpuni tiyan, wañunanpajtaj paylla juchayoj kanqa.

Ezequiel 18:17

Mana cheqa kajta ruwanamanta t'aqakunman. Qolqeta manuspapis, mana interesniyojta manunman nitaj anchata ganayta mask'anmanchu. Nisqayta kasunman, kamachisqayman jinataj purinman. Chay jina runaqa tatanpa juchanmanta mana wañonqachu, manachayqa kawsanqa.

Ezequiel 18:7

Mana pitapis ñak'arichinchu. Manukojman prenda saqesqanta qopun, manataj pimantapis suwanchu. Yarqhachikojman mikhunata qon, mana p'achayojtataj p'achallichin.

Ezequiel 18:8

Qolqeta mana interesniyojta mañan, nitaj ashkhata ganaytachu mask'an. Mana cheqan kaj ruwanamanta t'aqakun, runapura quejanakojtinkupis, cheqan justiciata ruwan.

Ezequiel 22:12

Wakinkunaqa runa masinkuta wañuchinankupaj qolqeta pagachikunku. Qolqetapis ashkha interesniyojta mañarinku. Runa masinkuta ch'awkiyanku, kallpankuman atinikuspa ñak'arichinku ima. Noqamantarí qonqakapunku. Noqa Tukuyta Kamachej Tata Diosmin chaytaqa nini.

Amós 2:8

Prendasqa p'acha patapi altar qayllapi winkuspa, millayta ruwanku. Multa sik'isqankuwan vinota rantikuspa, diosninkoj wasinpi macharikunku.

San Mateo 25:27

chay qolqeyta bancoman churanayki karqa. Ajinamanta noqa kutimuspa, qolqeyta interesnintawan orqhokapuyman karqa, nispa.

San Lucas 19:23

imaraykutaj chay jaywasusqay qolqeta mana bancoman churaykapuwarqankichuri? Ajinata kutimuspa, noqa qolqeyta interesnintawan orqhokapuyman karqa, nispa.

Deuteronomio 15:7

Sichus Tata Diosniyki qosunki chay jallp'api, mayqen llajtallapipis uj llajta masiyki wajchayapunman chayqa, ama sonqoykita rumiyachinkichu, nillataj sajra kankichu.

Deuteronomio 24:13

Inti chinkaykuyta prenda qosqasunta kutichipunaykipuni tiyan, chaywan qhataykukuspa puñukunanpaj. Ajinata ruwasqaykichejrayku pay saminchasonqachej, chay ruwasqaykitaj Tata Diosniykichejpa ñawpaqenpi allinpaj qhawasqa kanqa.