Éxodo 20:8 - DIOSPA QHELQACHISQ

⁸ Samarina p'unchayta ama qonqankichu, noqapaj t'aqasqa p'unchayniy kasqanrayku.

Qheshwa Biblia DC

⁸ Ama qonqankichu samarikuna diamanta, chay diapi Diosmanta yuyarikunaykipaj.

DIOSPA QHELQACHISQAN DEUTEROCANONICAL

⁸ Samarina p'unchayta ama qonqankichu, noqapaj t'aqasqa p'unchayniy kasqanrayku.

Éxodo 20:8 ပူးပေါင်းရင်းမြစ်များ

Génesis 2:2

Jinataj Diosqa qanchis kaj p'unchaypi tukuy ima ruwananta tukuspa, samarikorqa.

Génesis 2:3

Chantá Diosqa qanchis kaj p'unchayta saminchaspa, paypata kananpaj t'aqarqa, imaraykuchus pay chay p'unchaypi tukuy ima ruwasqanmanta samarikorqa.

Nehemías 13:15

Chantá rikullarqanitaj Judapi wakinkunaqa samarina p'unchaypi vinota ruwanankupaj uvata sarushajta, trigo marq'atapis astashasqajta ima. Rikullarqanitaj vinota, uvata, higota, tukuy q'epita burrokunaman chajnaspa samarina p'unchaypi Jerusalenman apashajta. Chaypacha paykunata k'amerqani samarina p'unchaypi ranqhasqankumanta.

Nehemías 9:14

Yachachillarqankitaj samarina p'unchaypi samarinankumanta. Kamachiyki Moisesnejta paykunaman waj kamachisqakunatawan, yachachiykunatawan ima yachacherqanki.

Éxodo 23:12

Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

Éxodo 31:12

Tata Dios ujtawan Moiseswan parlaspa, nillarqataj:

Éxodo 35:1

Moisesqa tukuynin israelitakunata tantaspa, nerqa: Tata Dios kaykunata ruwanaykichejta kamachisunkichej:

Isaías 56:2

Kamachisqayta kasuspa junt'aj runaqa kusikuyniyojmin. Payqa samarina p'unchayniyta waqaychan, tukuy mana allin kajta ruwanamantataj allinta qhawakun.

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Jeremías 17:21

Tata Dios nin: Allinta qhawakuychej: Ama samarina p'unchaypi q'epita q'epiychejchu, nitaj Jerusalenpa punkunnejta apaykuychejchu.

Jeremías 17:22

Amallataj samarina p'unchaypi wasiykichejmanta q'epillatapis orqhoychejchu, nillataj ima ruwanallatapis chay p'unchaypi ruwaychejchu. Manachayqa samarina p'unchaytaqa noqapaj t'aqapuwaychej, imaynatachus ñawpa tataykichejman kamacherqani, ajinata.

Jeremías 17:24

Tata Dios nillantaj: Cheqatapuni kasuwaychej, amapunitaj samarina p'unchaypi kay llajtaj punkunkunanejta ima q'epitapis apaychejchu. Chay p'unchayta noqapaj t'aqapuwaychej, amataj ima ruwanaykichejtapis ruwaychejchu.

Ezequiel 20:20

Samarina p'unchayniyta noqapaj t'aqapuwaychej. Chayqa qankunawan tratota ruwasqaymanta señal kanqa. Ajinamanta noqa Tata Diosniykichej kasqayta yuyarikunkichej, nispa.

Levítico 19:3

Sapa ujpis mamaykichejta, tataykichejtapis jatun respetowan qhawaychej. Jinallataj samarina p'unchayniyta maypaj qhawaspa, samariychej. Noqa Tata Diosmin Diosniykichej kani.

Levítico 19:30

Samarina p'unchayniykunapi samariychejpuni. Tiyakunay cheqatapis respetowan qhawaychej. Noqamin Tata Dios kani.

Levítico 23:3

Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Levítico 26:2

Samarina p'unchayniypi samarinkichejpuni. Noqata yupaychana cheqatapis jatun respetowan qhawankichej. Noqamin Tata Dios kani.

Números 15:32

Israelitakuna ch'innejpi kashaspa, uj runata samarina p'unchaypi llant'ata pallashajta tariparqanku.

Deuteronomio 5:12

Samarina p'unchayta Tata Diospaj t'aqanaykimanta ama qonqankichu, imaynatachus Tata Dios kamachisusqanman jina.