Éxodo 20:7 - DIOSPA QHELQACHISQ

⁷ Ama Tata Diosniykej sutinta yanqhata oqharinkichu. Pichus sutiyta yanqhata oqharejtaqa, mana qhawakullasajchu.

Qheshwa Biblia DC

⁷ Ama qhasimanta oqharinkichu Señor Diosniykej sutinta. Diosqa jasut'enqapuni pischus sutinta qhasimanta oqharejtaqa.

DIOSPA QHELQACHISQAN DEUTEROCANONICAL

⁷ Ama Tata Diosniykej sutinta yanqhata oqharinkichu. Pichus sutiyta yanqhata oqharejtaqa, mana qhawakullasajchu.

Éxodo 20:7 ပူးပေါင်းရင်းမြစ်များ

Génesis 27:20

Isaactajrí taporqa: Imaynapitaj usqhayllata animalta jap'erqanki, wawáy? nispa. Jacobtaj nerqa: Tata Diosniyki yanapawasqanrayku askamalla animalta jap'erqoni, nispa.

1 Reyes 2:9

Paytaqa amapuni khuyankichu, imaraykuchus qanqa sumaj yachayniyoj runa kanki, yachankitajchá paywan imatapis ruwayta, machuyaspa ama allin wañuypi wañunanpaj, nispa. Ajinata Davidqa Salomonta yuyaycharerqa.

2 Reyes 5:20

Eliseoj kamachin Guejazí sonqonpi nerqa: Wiraqocheyqa chay sirio runa Namán apamusqanmanta mana imatapis jap'ikuyta munaspa kachapullan. Tata Diospa sutinrayku tiluni: Usqhayta rispa, taripamusaj. Ichapis imallatapis qowanman, nispa.

Salmos 139:20

Paykuna qanmanta mana allintachu parlanku, qanpa contraykitataj qhasillata oqharikunku.

Proverbios 30:9

Sichus ashkha imayoj kayman chayqa, qanmanta qonqapuspa, niyman: Pitaj Tata Dios kasqari? nispa. Sichus pisichikuyman chayrí, suwamanñataj qokuyman. Ajinamanta sutiykita p'enqaypi rikhurichiyman.

Jeremías 34:16

Chaywanpis qhepaman kutirispa, sutiyta sarorqankichej. Kachariporqankichej, chay runakunata munajta mana munajta watej wata runa kanankupaj jap'ikapullankichejtaj.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Ezequiel 39:7

Ajinamanta noqaqa Israel aylluy ukhupi may llimphu sutiyta rejsichisaj, nitaj jayk'ajpis saqesajchu may llimphu sutiy ch'ichichasqa kananta. Chantá tukuy suyukuna yachanqanku noqa Tata Diosmin Israelpa Diosnin kasqayta.

Levítico 19:12

Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

2 Corintios 1:23

Dios kayta allinta yachan: Manaraj Corintoman jamorqanichu, imaraykuchus mana munarqanichu qankunata sinch'ita k'amiykuyta.

Deuteronomio 10:20

Tata Diosniykichejta may jatun respetowan qhawaychej, pay sapallantataj yupaychaychej, payllatataj qhatikuychej. Tilunaykichej kajtenqa, paypa sutinta oqharispa tiluychej.

Deuteronomio 5:11

Ama qhasi manakajta Tata Diosniykej sutinta oqharinkichu, pichus sutinta yanqhata oqharejtaqa Tata Dios mana qhawakullanqachu.

Deuteronomio 6:13

Tata Diosniykichejta may jatun respetowan qhawankichej, payllatataj yupaychankichej. Tiluspapis, Tata Diospa sutillanpi tiluychej.

Santiago 5:12

Munasqa wawqe panaykuna, tukuy imamanta astawanqa amapuni tiluychejchu, ni janaj pacharayku, nitaj kay pacharaykupis, nillataj waj imakunaraykupis. Maypachachus arí, nispa ninkichej chaypachaqa, ajina kachun. Maypachachus mana, nispa, ninkichej chaypacharí, ajinallataj kachun, ama juchachasqa kanaykichejpaj.

Josué 2:12

Chayrayku Tata Diospa sutinpi tilunawaykichejta mañakuykichej, aylluyta khuyanaykichejpaj, imaynatachus noqapis qankunata khuyaykichej, ajinata. Tiluwasqaykichejta junt'anaykichejta yachanaypaj, imallatapis prendata jina qowaychej ari.

Josué 2:17

Chantá paykuna nerqanku: Noqaykoqa tiluspa qanman imatachus nisqaykuta junt'asqaykupuni.

Josué 9:20

Kayta ruwasunchej: Paykunata mana wañuchisunchu, tilusqanchejta p'akisqanchejrayku, Diospa phiñakuynin ama chayamunawanchejpaj, nispa.