Éxodo 20:5 - DIOSPA QHELQACHISQ

⁵ Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Qheshwa Biblia DC

⁵ Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

DIOSPA QHELQACHISQAN DEUTEROCANONICAL

⁵ Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Éxodo 20:5 ပူးပေါင်းရင်းမြစ်များ

2 Samuel 21:1

David kuraj kamachej kashajtin, kinsa wata junt'ata yarqhay karqa. Chaypacha Davidqa Tata Diosta tapurerqa, Tata Diostaj kuticherqa: Chay yarqhayqa kashan Saúl, jinataj ayllunkunapis gabaonitakunata wañuchisqankumanta, nispa.

2 Samuel 21:6

Chayrayku chay runaj ayllunmanta munayku qanchis qharikunata qonawaykuta, noqaykutaj chaykunata Tata Diospa ñawpaqenpi warkhusqayku Tata Diospa ajllasqan kuraj kamachej Saulpa llajtan Gabaapi, nispa. Kuraj kamachejtaj nerqa: Qosqaykichej, nispa.

1 Reyes 19:10

Paytaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan tratota ruwasqaykita wasanchaspa, altarniykita urmarachinku. Qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 21:29

Rikunkichu Ajabqa k'umuykamuwasqanta? Mana allinta ruwasqanmanta noqaman kutirikamuwasqanrayku, kawsanankama mana nisqay llakiyta apachimusajchu. Manachayqa churin kuraj kamachej kajtin, chay llakiyta tukuy mirayninman apachimusaj, nispa.

2 Reyes 17:35

Paykunawan Tata Dios tratota ruwaspa, kamachisqa: Ama waj dioskunata yupaychankichejchu, nitaj jatunchankichejchu, nillataj uywa ñak'asqata q'olachispa jaywankichejchu.

2 Reyes 17:41

Chay runakunaqa Tata Diosta yupaychaj kanku chaypis, lantikunatapis yupaychashallajtaj kanku. Wawankupis, allchhinkupis, imaynatachus tatankukuna ruwaj kanku, ajinallatapuni kunankamapis ruwashanku.

2 Reyes 23:26

Chay tukuywanpis, Tata Diosqa Judá suyupaj phiñasqallapuni kasharqa, kuraj kamachej Manasés millayta ruwaspa payta phiñachisqanrayku.

2 Reyes 5:18

Chaywanpis maypachachus wiraqochi kuraj kamachejneyqa diosnin Rimonpa yupaychana wasinman yupaychaj yaykuspa, noqapi atikonqa chaypachaqa, paywan khuska qonqorikusaj. Chay ruwasqayta Tata Dios pampachawachun ari, nispa.

2 Reyes 5:27

Chayrayku Namanpa qosqanta jap'ikusqaykirayku, llejti onqoynin qanman wiñaypaj chimpaykusonqa, jinataj mirayniykimanpis, nispa. Jinamanta Guejaziqa Eliseoj ñawpaqenmanta llejti onqoyniyoj, rit'i jina yurajlla llojserqa.

2 Crónicas 25:14

Amasiasqa Edommanta kajkunata atipaykusqanmanta kutimpushaspa, Seirpa diosninkunata apakamporqa. Chaytataj yupaycharqa, inciensotapis q'oshñicherqa, diosninkupaj jina rejsikapuspa.

2 Crónicas 7:19

Sitajchus noqamanta t'aqakuspa, kamachisqayta mana junt'ankichejchu, waj dioskunatataj kasuspa yupaychawajchej chayqa,

Job 21:19

Qankuna ninkichej: Diosqa tatankoj juchankumanta wawakunata jasut'in, nispa. Chaywanpis millayta ruwajpuni wanananpaj jasut'isqa kanan.

Job 5:4

Wawankunata mana pipis yanaparej kanchu. Justicia ruwana wasipeqa mana allintachu paykunata qhawarinku, nitaj pipis paykunata jark'akoj kanchu.

Salmos 109:14

Tata Dios chay runaj tatanpa millay ruwasqanta yuyarikullachunpuni, mamanpa juchantapis amapuni pampachachunchu.

Salmos 78:58

Paykuna loma patapi lantikunata yupaychanapaj altarkunata ruwaspa, chantá lantikunata yupaychaspa ima, Diosta phiñacherqanku.

Salmos 79:8

Ñawpa tataykoj mana allinta ruwasqankumantaqa ama noqaykuwan pagachikuychu. Khuyakuyniykirayku usqhayllata noqaykuta taripaj jamuy, imaraykuchus sinch'i k'umuykuchisqa kashayku.

Salmos 81:15

15 (16) Pikunachus noqa Tata Diosta chejnikojkunapis manchachikuspa, Israelpa ñawpaqenman k'umuykunkuman karqa, jinataj wiñaypaj juchachasqa kankuman karqa.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Éxodo 34:14

Amapuni ni mayqen diosman qonqorikunkichejchu, imajtinchus Tata Diosqa manchay celoso, sutenqa: “Celoso Dios”.

Proverbios 8:36

Pichus contraypi juchallikojrí, payllataj mana allin kawsayta mask'akun. Pichus noqata chejniwajqa wañuyta mask'akun.

Isaías 44:15

Sach'ata k'utuytawantaj, wakinta llant'an ninata jap'ichinanpaj, chaywantaj q'oñikun jinallataj hornotapis parichin t'antata chayachinanpaj. K'ullu puchojmantataj uj lantita yupaychananpaj ruwakullantaj, chaymantaj tukuy sonqo qonqorikun.

Isaías 44:19

Chay runakuna manapuni unancharinkuchu, nitaj yuyayninku kanchu entiendenankupaj, nitaj sonqonkupi ninkuchu: Kay k'ullumanta wakinta ninaman enqhani, chay nina k'ajaypitaj t'antata chayachini, chayllapitaj aychatapis mikhunaypaj kankani. Puchojmantarí qhasi manakaj lantita ruwani. Uj k'ullumanchu qonqorikusaj? nispa.

Jeremías 2:9

Chayrayku noqa Tata Dios kayta nillanitaj: Noqa qankunata juchachasqaykichej, jinallataj allchhiykichejkunatapis juchachallasajtaj.

Jeremías 32:18

Qanmin may chhika runakunaman khuyakuyniykita rikuchinki, jinapis runakunata tatankoj mana allin ruwasqanmanta jasut'inki. Tata Dios, may Jatun Atiyniyoj kanki, sutiykeqa Tukuy Atiyniyoj Tata Diosmin.

Ezequiel 18:19

Qankuna tapukunkichejchari: Imaraykutaj churenqa tatanpa millayta ruwasqanmanta mana juchachasqachuri? nispa. Chureqa tatanpa millayta ruwasqanmanta mana juchachasqachu kanqa, imaraykuchus churenqa maychus kajta, cheqanta ruwarqa. Tukuy nisqayta kasuspataj junt'arqa. Chayrayku pay kawsanqapuni.

Ezequiel 18:2

Israelitakuna, qankunaqa sapa kuti kayta ninkichej: Tatakuna k'allku uvata mikhunku, wawankukunataj kirunkuta khipichikunku, nispa.

Ezequiel 20:7

Chaypachallataj paykunata kamacherqani: Sapa ujniykichej yupaychasqaykichej millay lantiykichejkunata wijch'uychej, amataj Egiptoj lantinkunata yupaychaspa ch'ichichakuychejchu, imaraykuchus noqa Tata Diosniykichej kani, nispa.

Ezequiel 39:25

Chayrayku noqa Tukuyta Kamachej Tata Dios nillanitaj: Kunanqa Jacobpa mirayninta kutichimpusaj. Israel ayllumantaqa tukuyninkumanta khuyakusaj, manataj may llimphu sutiyta ch'ichichanankuta saqesajchu.

Ezequiel 8:3

Chay runaman rijch'akojtaj makinta aysarimuspa, chujchaymanta jap'iwarqa. Chantá Diospa Espíritun jallp'amanta pataman oqhariwaspa, mosqoypi jina Jerusalenman apawarqa. Chaypitaj Temploj ukhu kaj pationpi wichaynejman qhawaj punkuman churaykuwarqa, maypichus Tata Diosta phiñachej lanti kasharqa, chayman.

Daniel (hebreo) 1:2

Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.

Daniel (hebreo) 3:18

Mana kacharichiwaykumanchu chaypis, kamachejniyku, kayta allinta yachay: Manapuni diosniykikunata yupaychasqaykuchu, nitaj pampakama k'umuykusqaykuchu qorimanta ruwasqa lantiykej ñawpaqenpi, nispa.

Levítico 20:5

noqa chay runaj contranta, jinataj ayllunpa contranta sayaykuspa, paykunata chinkachisaj. Pikunachus paywan khuska Molocta yupaychaspa qhenchachakorqanku, chaykunatapis chinkachillasajtaj.

Levítico 26:1

Tata Dios israelitakunata nillarqataj: Ama ni imaman rijch'akoj lantikunata ruwakunkichejchu. Nillataj llajtaykichejpi yupaychana rumita sayachinkichejchu. Amallataj rumipi warawata ruwankichejchu. Ama chaykunaman qonqorikunkichejchu, imaraykuchus noqamin Tata Diosniykichej kani.

Levítico 26:29

Chaypacha qankunaqa qhari wawaykichejta, warmi wawaykichejtapis yarqhaywan mikhukapunkichej.

Nahúm 1:2

Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Números 14:18

Noqa Tata Diosqa mana usqhayllata phiñakojchu kani. Noqaj khuyakuyneyqa may jinamin. Noqaqa millayta ruwajta, mana kasukojtapis qhespichini chaypis, juchayojta mana qhawakullanichu. Aswanpis tatanku mamanku juchallisqankumanta, wawankuta, allchhinkuta, allchhinkoj wawankutapis jasut'ispa ñak'arichini, nispa.

Números 14:33

Chaykamataj wawaykichejqa tawa chunka watata mana llajtayoj jina kay ch'innejpi purenqanku. Ajinamanta paykuna ñak'arenqanku mana kasuwasqaykichejrayku tukuyniykichej kay ch'innejpi tukukunaykichejkama.

Números 25:11

Israelitakunaj contrankuta phiñakusqayta Eleazarpa churin Finés tiyaykuchin, imaraykuchus noqajta jinallataj paypa sonqonpis chay juchamanta t'impurerqa. Chayrayku israelitakunaj contrankuta sinch'ita phiñakushaspapis, mana paykunata tukucherqanichu.

San Mateo 4:9

Jesustataj nerqa: Noqa kay tukuy imata qosqayki, sichus qan qonqoriykukuspa, yupaychawanki chayqa, nispa.

San Juan 15:18

Jesús nillarqataj: Sichus Diosman mana kutirikojkuna chejnisunkichej chayqa, yachaychej noqataraj ñawpajta chejniwasqankuta.

San Juan 7:7

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

San Juan 9:2

Jinapi Jesuspa yachachisqankuna payta taporqanku: Yachachej Wiraqochi, imajtintaj kay runa ñawsa paqarinman karqari? Tatan mamanchu juchallerqanku, chayrí paychu? nispa.

Romanos 1:30

Kallankutaj mana allinyakuyta munajkuna, qhasimanta tumpajkuna, Diosta chejnejkuna, alqochakojkuna, jatunchakojkuna, may kasqankuta yuyakojkuna, millay kajta wakichejkuna, tatanku mamankuta mana kasojkuna ima.

Romanos 8:7

Pikunachus juchallinaman aysaj sonqonkoj munasqanta kasojkunaqa Diospa contranpi kashanku, imaraykuchus Diospa kamachisqanta mana kasuyta munankuchu nitaj kasuyta atinkuchu.

1 Corintios 10:22

Chayta ruwaspa manachu yachankichej Tukuyta Kamachej Jesucristota celosachishasqanchejta? Chayrí yuyankichejchu paymanta aswan atiyniyoj kasqanchejta?

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.

Deuteronomio 32:41

Lliphipishaj espadayta filoyachisaj, justiciata ruwanaypaj espadayta jap'isaj, awqaykunawantaj pagachikusaj. Chejniwajkunaman ruwasqankuman jina qopusaj.

Deuteronomio 4:24

Tata Diosniykichejqa manchay celosomin. Sichus pay jasut'isunkichejman chayqa, tukuy imata ruphaj nina jina tukuchisunkichejman.

Deuteronomio 5:10

Pikunachus noqata munakuwaspa, kamachisqayta kasunku chaykunatarí, tukuy wawankuta k'acha kayninwan qhawasaj.

Deuteronomio 5:9

Ama chaykunaman qonqorikunkichu, amataj yupaychankichu, imaraykuchus noqamin Tata Diosniyki kani, celoso Dios. Noqata chejnikuwaj tata mama juchallisqankurayku, wawankuta, allchhinkuta, chantá allchhinkoj wawanta ima jasut'ispa, ñak'arichini.

Deuteronomio 6:15

imajtinchus Tata Diosniykichejqa qankunawan kashan. Payqa manchay celoso. Qankunaj contraykichejpichus phiñakunman chayqa, chinkarparichisunkichejman.

Deuteronomio 7:10

Payta chejnikojkunatarí millayta ruwasqankumanta chinkarparichin, usqhayllatataj jasut'in.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

Josué 23:16

Ajina kanqa sichus Tata Dios qankunawan trato ruwasqanta mana junt'ankichejchu chayqa. Sitajchus Tata Diosta wasanchaspa waj dioskunata yupaychankichej, chantá qonqorikunkichej ima chayqa, Tata Dios qankunapaj phiñakonqa, manaraj imapitaj kay sumaj jallp'amanta chinkachisqa kankichej, nispa.

Josué 23:7

Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

Josué 24:19

Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.

Jueces 2:19

Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.