Éxodo 20:3 - DIOSPA QHELQACHISQ

³ Noqamanta jawa ama waj dioskuna kapusuchunchu.

Qheshwa Biblia DC

³ Noqamanta astawan waj dioskunataqa ama yupaychankichu.

DIOSPA QHELQACHISQAN DEUTEROCANONICAL

³ Noqamanta jawa ama waj dioskuna kapusuchunchu.

Éxodo 20:3 ပူးပေါင်းရင်းမြစ်များ

1 Reyes 11:4

Salomón machu runaña kashajtin, warminkunaqa waj dioskunaman sonqonta kutiricherqanku. Ajinamanta payqa mana tatan David jinachu tukuy sonqowan Tata Diosta qhatikorqa.

Salmos 29:2

Tata Diospa manchay uyarisqa sutinta jatunchaychej, Tata Diosta paypaj ajllakusqan wasinpi yupaychaychej.

Salmos 73:25

Piniytaj janaj pachapi tiyapuwanri? Qanlla noqajta kapuwanki. Qanwan kaspaqa, kay pachapi manaña imatapis munanichu.

Salmos 81:10

10 (11) Noqa Tata Diosmin Diosniyki kani, pichus Egiptomanta orqhomorqayki, chay. Simiykita kichariy, noqataj sajsakunaykikama mikhuchisqayki.

Salmos 81:9

9 (10) Ama waj llajtayojkunaj diosninkukunata jap'ikuychu, nitaj waj dioskunata yupaychaychu.

Éxodo 15:11

Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

Éxodo 20:23

Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

Éxodo 22:19

19 (18) Tukuy pichus uywawan t'inkinakojqa wañuchisqa kanqa.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Éxodo 32:8

Paykunaqa kamachisqaymanta usqhayllata t'aqakuspa, qorita unuyachinku waka uña lantita ruwakunankupaj. Chaymantataj lanti ruwakusqankuman q'olachisqa jaywanata jaywaspa, yupaychashanku, nishankutaj: Israelitakuna, kaymin Egiptomanta orqhomuwarqanchej, chay diosninchejqa, nispa.

Éxodo 34:14

Amapuni ni mayqen diosman qonqorikunkichejchu, imajtinchus Tata Diosqa manchay celoso, sutenqa: “Celoso Dios”.

Isaías 26:4

Wiñaypaj Tata Diosllapipuni atinikuychej, imaraykuchus payllamin wiñaypaj pakakunanchej chhankaqa.

Isaías 42:8

Noqa Tata Dios kani, chaymin suteyqa. Mana pitapis saqesajchu Diosta jina wajta jatunchanankuta. Nillataj munanichu Diosta jina lantikunata yupaychanankuta.

Isaías 43:10

Tata Dios nillantaj: Qankunaqa testigoy kankichej. Israel, qanqa ajllakusqay kamachiy kanki noqata rejsikapunawaykipaj, noqapi atinikunawaykipaj, pichus noqa kasqayta allinta yachanaykipaj ima. Noqamanta ñawpajtaqa mana ima diospis karqachu, manallataj qhepamanpis kanqachu.

Isaías 44:8

Qankuna ama manchachikuychejchu nitaj kharkatitiychejchu. Noqaqa unaymantapachaña imachus kananta nerqaykichej, qankunataj chaymanta testigoy kankichej. Noqamanta jawa waj dios kanchu? Manapuni, mana waj pakakuna chhanka kanchu, ni ujpis kanchu, nispa.

Isaías 46:9

Yuyarikuychej ari ñawpamantapacha imachus kasqanta. Noqalla Dios kani. Noqamanta jawaqa mana waj dios kanchu, nillataj ujllapis noqaman rijch'akojqa kanchu.

Jeremías 25:6

Ama waj dioskunaj qhepankuta riychejchu, paykunaj munayninkuta ruwanaykichejpaj, yupaychanaykichejpajtaj. Imatachus ruwasqaykichejwan ama phiñachiwaychejchu. Noqataj mana imatapis contraykichejpi ruwasajchu, nispa.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Daniel (hebreo) 3:18

Mana kacharichiwaykumanchu chaypis, kamachejniyku, kayta allinta yachay: Manapuni diosniykikunata yupaychasqaykuchu, nitaj pampakama k'umuykusqaykuchu qorimanta ruwasqa lantiykej ñawpaqenpi, nispa.

Oseas 13:4

Tata Dios nin: Noqa Tata Diosniyki kani, Egipto suyupi kashasqaykimantapacha. Ama pitapis Diosniykita jina rejsikapuychu, manachayqa noqallata. Noqallamin Qhespichejniyki kani.

San Mateo 4:10

Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

1 Corintios 8:4

Chantá, imatataj nisunman lantikunaman jaywasqa mikhunamantari? Yachanchej jina lanteqa mana imachu kay pachapeqa. Yachallanchejtaj uj k'ata Dioslla kasqanta.

1 Corintios 8:6

Chaywanpis noqanchejpajqa uj Dioslla tiyan, Tata Dios. Paymanta tukuy ima jamun, noqanchejtaj paypaj kawsanchej. Jinallataj Tukuyta Kamachejqa ujlla tiyan, Jesucristo. Paynejta Dios tukuy ima kaj chhikata ruwarqa, paynejllatataj noqanchejman kawsayta qowanchej.

Efesios 5:5

Kayta sut'ita yachaychej: Khuchiriyopi purej, millay kajta ruwaj, chayrí qolqemanta wañusqa kajqa mana yaykonqachu Cristojta, Diospatawan kamachiyninman. Qolqemanta wañusqa kajqa lantita yupaychajpis kanman jina, imajtinchus kay pachapi kajta yupaychan.

Deuteronomio 5:7

Noqamanta jawaqa ama waj dioskuna kapusuchunchu.

Deuteronomio 6:14

Muyuyniykichejpi llajtayojkunaj diosninkukunata amapuni yupaychankichejchu,

Deuteronomio 6:5

Tata Diosniykita tukuy sonqoykiwan, tukuy almaykiwan, tukuy kallpaykiwan ima munakunki.

Filipenses 3:19

Paykunaqa wiñay chinkayman rishanku, imaraykuchus paykunaj diosninkoqa sonqonkoj munasqanta ruwanalla. Chay runakuna p'enqayta ruwasqankumanta runaykachanku, sonqonkutaj kay pachapi millay kajllata mask'an.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Apocalipsis 22:9

Paytajrí niwarqa: Ama noqata yupaychawaychu. Noqaqa kamachi masiyki kani, Diosmanta sut'inchaj wawqeykikuna jina, kay p'anqaj nisqanta kasojkunajta ima. Qanqa Diosllata yupaychay, nispa.

Jueces 6:10

Nerqaykichejtaj: Noqa Tata Diosniykichej kani. Amapuni amorreokunaj diosninkutaqa manchachikunkichejchu, pikunaj jallp'ankupichus kashankichej, chaykunajtaqa, nispa. Chaywanpis qankunaqa mana kasuwarqankichejchu, nispa.