Éxodo 20:24 - DIOSPA QHELQACHISQ

²⁴ Altartaqa jallp'amanta ruwapuwankichej. Chay patapitaj apamuwasqaykichej wakata, ovejata ñak'aytawan q'olachispa, jaywawankichej. K'achata kawsakuy jaywanatapis jaywallawankichejtaj. Noqataj maynejpichus yupaychanawaykichejpaj ajllakusaj, chayman jamuspa, allin rinasuykichejpaj saminchasqaykichej.

Qheshwa Biblia DC

²⁴ T'urumanta altarta ruwapuwankichej, chay patapi ruphachina rikuchikusta jaywawankichej, allinyanakuy ofrendata, wakasta, ovejasta ima apamuwasqaykichejta. Maypichari kay jinasta ruwaspa sutiymanta yuyarikunkichej chayqa, chayman jamuspa bendicisqaykichej.

DIOSPA QHELQACHISQAN DEUTEROCANONICAL

²⁴ Altartaqa jallp'amanta ruwapuwankichej. Chay patapitaj apamuwasqaykichej wakata, ovejata ñak'aytawan q'olachispa, jaywawankichej. K'achata kawsakuy jaywanatapis jaywallawankichejtaj. Noqataj maynejpichus yupaychanawaykichejpaj ajllakusaj, chayman jamuspa, allin rinasuykichejpaj saminchasqaykichej.

Éxodo 20:24 ပူးပေါင်းရင်းမြစ်များ

Deuteronomio 12:5

Tata Diosqa Israelpata tukuy ayllun ukhupi uj cheqata ajllakonqa, qankuna chayman rispa, paypa sutinta yupaychanaykichejpaj.

2 Crónicas 6:6

Kunantajrí noqaqa Jerusalén llajtata ajllakuni, chaypi yupaychasqa kanaypaj, aylluyta kamachinanpajtaj Davidta ajllakuni, nispa.

1 Reyes 9:3

Tata Diostaj payta nerqa: May jinata mañakuwasqaykita uyariykiña. Ruwapuwasqayki Templotapis noqapaj t'aqakuniña, chaypi suteyqa wiñaypaj yupaychasqa kananpaj. Kay Templota waqaychasajpuni, manataj qonqasajchu.

2 Crónicas 7:16

Kunanqa kay Templota ajllakuspa noqapaj t'aqani, chaypi wiñaypaj yupaychanawankupaj. Kay Templota qhawallasajpuni, manataj qonqapusajchu.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Deuteronomio 16:11

Qankunaqa Tata Diosniykichejpa ñawpaqenpi kusikunkichej, maypichus pay uj cheqata ajllakonqa, chaypi. Kusikunkichej wawaykichejwan, kamachiykichejwan khuska, jinallataj llajtaykichejpi tiyakoj levitakunawan, waj llajtayojkunawan, wajcha wawakunawan, chantá warmisapakunawan ima.

2 Crónicas 12:13

Roboanqa kallpachakuspa Jerusalenpi kamachillarqapuni. Kamachiyta qallarishaspa, tawa chunka ujniyoj watayoj karqa, chunka qanchisniyoj watatataj Jerusalenpi kamacherqa. Chay llajtataj Tata Diospa ajllakusqan karqa tukuynin Israel ayllu ukhumanta chaypi sutin yupaychasqa kananpaj. Roboanpa mamanqa Amón suyumanta Noamá sutiyoj karqa.

Deuteronomio 26:2

chay jallp'api tarpuspa, oqharisqaykimanta ñawpaj kaj poqoyta t'aqaspa uj canastaman churanki. Chantá Tata Diosniyki may cheqatachus sutin jatunchasqa kananpaj ajllakonqa, chayman apanki.

Esdras 6:12

Sichus mayqen kuraj kamachejpis, chayrí llajtapis, Jerusalenpi kashan, chay Temploj contranpi mana allinta ruwayta munanqa chayqa, pichus sutin yupaychasqa kananpaj Jerusalenta ajllakoj Diosmin paytaqa chinkarparichichun. Noqa Darío kaytaqa kamachini, kay nisqaytaj kikinpuni junt'akuchun, nispa.

1 Reyes 8:29

Tuta p'unchay kay wasita qhawarillaypuni, imaraykuchus qanqa nerqanki: Noqa chaypi kasaj, nispa. Kaypi mañakususqayta uyariway ari.

San Mateo 18:20

Maypichá iskay, chayrí kinsa, noqaj sutiypi tantakunkichej chaypi noqa qankunawan kasaj, nispa. Ajinata Jesús nerqa.

1 Reyes 8:43

qanqa janaj pachamanta uyarimuy, maypichus tiyakunki, chaymantapacha, ruwaytaj karu llajtayojpa mañakususqanta. Chay jinamanta tukuy suyu rejsisonqanku, sutiykitataj manchachikonqanku Israel aylluyki jina. Ajinamanta yachanqanku kay ruwapususqay Templopi sutiyki may oqharisqa kasqanta.

Deuteronomio 14:23

Trigomanta, vinomanta, aceitemanta ima sapa chunkamanta ujta qosqaykichejta, jinallataj wakamanta, ovejamanta phiwi uñanta ima Tata Diosniykichejpa ñawpaqenpi mikhunkichej, may cheqapichus sutin kananpaj Tata Diosniykichej ajllakonqa, chay cheqapi. Ajinamanta Tata Diosniykichejta tuta p'unchay jatunpaj qhawayta yachaqakunkichej.

Salmos 74:7

Paykuna Temploykita ninawan ruphaykucherqanku, tiyakunayki wasitataj manakajman tukucherqanku.

Nehemías 1:9

Chaywanpis sichus noqaman kutirikamuspa, kamachisqayta junt'awajchej, nisqaytataj ruwawajchej chayqa, tukuynejman ch'eqerasqa kawajchej chaypis, chaymantapacha tantakapusqaykichej. Chantá pusakampusqaykichej, maypichus sutiy yupaychasqa kananpaj ajllakorqani, chay cheqaman, nispa.

2 Samuel 6:12

Chantá Davidman willarqanku Tata Diospa arcan Obed Edompa wasinpi kasqanrayku, Tata Diosqa paypa ayllunta, tukuy kapuynintawan saminchasqanta. Chantá Davidqa Obed Edompa wasinman rerqa chaymanta jatun kusiywan Diospa arcanta Davidpa llajtanman apamunanpaj.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Salmos 78:68

Manachayqa Judá jatun aylluta ajllakorqa, munakusqan Jerusalén llajtatawan.

Deuteronomio 12:21

Ichapis Tata Dios sutinta churananpaj ajllakusqan cheqa qankunamanta karupi kanman. Jina kajtenqa, Tata Dios qosusqaykichej wakamanta, ovejamanta ima ñak'aspa, munasqaykichejman jina mikhuyta atinkichej, maypichus tiyakushankichej chaypi imaynatachus kamacherqaykichej, chayman jina.

1 Timoteo 2:8

Chayrayku tukuynejpi yupaychanapaj tantakuypi qharikunaqa Dioswan parlarikunankupaj allin puriyniyoj kachunku, mana piwan siminakuspa, nitaj piwan phiñanakuspa, nillataj imamantapis piwan churanakuspa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Salmos 76:2

2 (3) Paypa wasenqa Jerusalenpi kashan, tiyakunantaj Sión orqopi.

Salmos 134:3

Janaj pachata, kay pachatawan ruwaj Tata Diosqa Sión orqomantapacha qanta saminchasuchun.

Salmos 128:5

Tata Diosqa Sionmantapacha saminchasuchun, sapa p'unchay kay pachapi kawsanaykikama, Jerusalenpa allin kayninta rikunaykipaj.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Deuteronomio 7:13

Qankunata munakusonqachej, yanapasonqachej, ashkhatataj mirachisonqachej. Ñawpa tataykichejkunaman tiluspa qonanta nerqa, chay jallp'api wawaykichejkunata saminchanqa. Jinallataj chajra oqharisqaykichejta, trigoykichejta, vinoykichejta, aceiteykichejta, waka uñaykichejta, oveja uñaykichejtapis saminchallanqataj.

Éxodo 10:25

Moisestajrí kuticherqa: Tata Diosniykuman jaywanaykupaj chantá uywata ñak'aspa q'olachinaykupaj, qanpuni qonawayku tiyan.

Éxodo 18:12

Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

Éxodo 20:25

Sichus rumimanta altarta ruwapuwankichej chayqa, ama ch'eqosqa rumiwanchu ruwapuwankichej. Herramientawan ch'eqosqa rumeqa manaña noqata yupaychanawaykichejpaj jinachu kanqa.

Éxodo 24:5

Chantá Moisesqa waynakunata kacharqa, torillokuna ñak'asqata q'olachispa, Tata Diosman jaywanankupaj. Jaywallarqankutaj k'achata kawsakuy jaywanatapis.

Éxodo 27:1

Ruwallankitaj acaciamanta uj altarta, chay altarqa tawa esquinayoj kanqa. Altarqa sapa ladoman iskay metro cuartayoj kanqa, sayayninmantaj uj metro cuartayoj.

Levítico 17:9

Sichus wajnejpi Tata Diosman jaywanman chayrí, chay runa ayllun ukhumanta chinkachisqa kanqa, nispa.

2 Reyes 5:17

Jinallataj Namán nerqa: Ama jinachu kay, kay llajtaykimanta jallp'ata iskay mula apananta jina qoriway ari. Kunanmanta jaqaymanqa manaña waj dioskunaman uywa ñak'asqa q'olachisqata, nitaj jaywanata jaywasajchu, manachayqa Tata Diosllamanña jaywasaj.

Isaías 64:5

Qanqa allinpaj qhawanki, pikunachus cheqan kajta kusiywan ruwanku, chaykunata, pikunachus yachachisqaykita qhatinku, chaykunatapis. Chaywanpis qan juchallikusqaykumanta phiñakorqanki, imaraykuchus unaymantapacha contraykita oqharikuyku. Ajinata ruwashaspapis, yuyaykumanchu qan qhespichinawaykuta?

Éxodo 24:4

Chaymanta Moisesqa Tata Diospa tukuy nisqanta qhelqarqa. Q'ayantintaj tutamanta jatarispa, orqo k'uchupi chunka iskayniyoj rumiwan uj altarta jataricherqa. Jinallataj chunka iskayniyoj rumita sayacherqa, sapa jatun ayllumanta uj rumi karqa.

Salmos 101:2

Jinallataj cheqanta ruwaspa kawsayta munani. Mayk'ajtaj noqata yanapawaj jamunkiri? Wasiypipis mana k'aminapaj jina purillasajtaj.

Salmos 122:2

Jerusalén llajta, ñapis punkuykipiña kashayku.