Éxodo 20:17 - DIOSPA QHELQACHISQ

¹⁷ Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

Qheshwa Biblia DC

¹⁷ Ama munapayankichu runa masiykej wasinta; ama munapayankichu runa masiykej warminta, ni qhari kamachinta, ni warmi kamachinta, ni wakanta, ni burronta, nitaj ni iman kajta.

DIOSPA QHELQACHISQAN DEUTEROCANONICAL

¹⁷ Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

Éxodo 20:17 ပူးပေါင်းရင်းမြစ်များ

Génesis 14:23

Qanpata kajmanta ni imata jap'ikusajchu, ni q'aytullatapis, ni juk'uta watanallatapis, ama ninaykipaj: Noqaj tiyapuwasqanwan Abram qhapajyan, nispa.

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Génesis 34:23

Ajinata ruwajtinchej, tukuy kapuyninku, chantá uywanku ima noqanchejpata kanqa. Noqanchejqa nisqankuta kasunalla, chantá paykuna noqanchejwan tiyakonqanku, nispa.

Job 31:1

Chantá Job ujtawan parlayta qallarerqa: Noqa sonqoypi nerqani, sipaskunawan puñuykuyta mana munapayanayta.

Job 31:9

Sichus wajpa warminwan sonqoyta suwachikorqani chayqa, chayrí qayllaypi tiyakojpa warmintachus wateqarqani chayqa,

Salmos 10:3

Millayta ruwaspa purejqa mana allin kajta munasqanmanta jatunchakun. Qolqemanta wañusqa runata saminchan, Tata Diostarí pisipaj qhawan.

Salmos 119:36

Kamachisqallaykipi yuyanaman sonqoyta aysaway, amataj mana allinta ruwasqa qolqe gananamanqa.

Proverbios 4:23

Tukuy imamanta astawanqa imatachus yuyasqaykiyta sumajta qhaway, imaraykuchus runaj tukuy ruwasqan chaymantamin jamun.

Proverbios 6:29

Wajpa warminwan puñuykojpajpis ajinallataj kanqa. Mana juchachasqa kanamanta ayqenqachu.

Eclesiastés 4:8

Mana piniyoj runata rikorqani, mana kawsaqeyojta, nitaj wawayojta, nillataj wawqenkunapis karqachu. Chaywanpis payqa ni jayk'aj ruwasqanmanta samarikorqachu. Qhapajyayta munaspallapuni, mana sayk'orqachu, nitaj tapurikorqachu: Pipajtaj kay jinata llank'ashaniri, mana mikhusqa, nitaj ujyasqari? nispa. Chaypis qhasi manakajlla, jatun llakiytaj kasqanta repararqani.

Isaías 33:15

Kay jina runalla chaypi tiyakonqa: Pichus cheqanta ruwaspa kawsan, cheqan kajtataj parlan, pichus runata waqachispa, qolqe jap'inata chejnikun, manataj lluk'ichikunchu, pichus runata wañuchimuna nejtinkupis, ninrinta wisq'aykun, ñawintapis wisq'aykullantaj chay millaykunata mana ruwananpaj ima.

Isaías 57:17

Israel millay ruwayta munapayasqanrayku noqa phiñakorqani. Chayrayku payta sinch'ita jasut'erqani, phiñakuyniypitaj payta saqerparerqani. Jinapis pay mana kasuwaspa, sonqonpa munasqanta ruwallarqapuni.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Jeremías 5:8

Sebasqa qachilu caballokuna jina phawanku runa masinkoj warminpa qhepanta.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

Miqueas 2:2

Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Habacuc 2:9

Ay, imarajchus kanqa qanpaj, imaraykuchus suwasqaykiwan wasiykiman junt'acherqanki, ama ima llakiyta rikunaykipaj.

San Mateo 20:15

Manachu qolqeywan munasqayta ruwayta atini? Chayrí, k'acha kasqayraykuchu sajra ñawiwan qhawashawanki? nispa.

San Mateo 5:28

Noqatajrí niykichej: Sichus pipis uj warmita qhawaspa paywan puñuykunanpaj munapayan chayqa, ñapis paywan sonqonpi khuchichakunña, nispa.

San Lucas 12:15

Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

San Lucas 16:14

Chantá fariseokunaqa chay tukuyta uyarispa, Jesusta asipayarqanku, qolqeta munapayasqankurayku.

Hechos 20:33

Noqaqa mana pejpa qolqenta, qorinta, nitaj p'achanta munapayarqanichu.

Hechos 5:4

Manaraj vendeshajtiyki, chay jallp'a qanpata karqa. Vendejtiykipis, chay qolqe qanpallatataj karqa. Imaraykutaj sonqoykipi ajinata llullakuyta yuyarqanki? Qan mana runallamanchu llullakorqanki, aswanpis Diosman, nispa.

Romanos 13:9

Chay kamachisqaqa ajinata nin: Ama khuchichakuspa qhenchachakunkichu. Ama runata wañuchinkichu. Ama suwakunkichu. Amallataj wajpa kapuyninta munapayankichu, nispa. Chaywanpis chay kamachisqakuna jinataj waj kamachisqakunapis, Diospa kay kamachisqanta ruwaspa junt'anchej: Runa masiykita munakunki qan kikiykita jina, nisqa kamachisqata.

Romanos 7:7

Jinaqa, nisunmanchu Moisespa kamachisqan mana allinchu kasqanta runapi mana allin ruway munanata rijch'arichisqanrayku? Ni imarayku. Manachus Moisespa kamachisqan kanman karqa chayqa, imachus jucha kasqanta mana yachaymanchu karqa. Nisunman: Manachus kamachisqa ninman karqa: Ama wajpa tiyapuyninta munapayankichu nispa chayqa, mana yachaymanchu karqa wajpa kapuyninta munapayay mana allinchu kasqanta.

1 Corintios 6:10

Jinallataj Diospa kamachiyninman mana yaykonqankuchu suwajkuna, mich'a kajkuna, machajkuna, maldicejkuna, chantá q'otiyajkuna ima.

Efesios 5:3

Qankuna ukhupirí khuchiriyopi purina ama kachunchu, nillataj millay kawsay, chayrí qolqemanta wañusqa kana ima. Chay jinata juchallispa purinaqa Diospa ayllun ukhupi mana kananchu.

Efesios 5:5

Kayta sut'ita yachaychej: Khuchiriyopi purej, millay kajta ruwaj, chayrí qolqemanta wañusqa kajqa mana yaykonqachu Cristojta, Diospatawan kamachiyninman. Qolqemanta wañusqa kajqa lantita yupaychajpis kanman jina, imajtinchus kay pachapi kajta yupaychan.

Deuteronomio 5:21

Ama runa masiykej warminta munapayankichu. Nillataj wasinta, ni jallp'anta, ni qhari kamachinta, ni warmi kamachinta, ni wakanta, ni burronta, nitaj iman kajtapis munapayankichu, nispa.

Deuteronomio 7:25

Lantinkuta ninaman wijch'uykuspa, ruphachinkichej. Chay lantinkoj qorinta, qolqentapis munapayaspa, ama jap'ikapunkichejchu. Chaykunatachus jap'ikapuwajchej chayqa, juchallinaykichejpaj tojlla jina kasunkichejman. Tata Diosqa chaykunata millachikuspa, rikuyta mana atinchu.

Filipenses 3:19

Paykunaqa wiñay chinkayman rishanku, imaraykuchus paykunaj diosninkoqa sonqonkoj munasqanta ruwanalla. Chay runakuna p'enqayta ruwasqankumanta runaykachanku, sonqonkutaj kay pachapi millay kajllata mask'an.

Colosenses 3:5

Chayrayku ari, ñawpa kawsaypi ima millaytachus ruwaj kankichej, chay munanata wañuchiychej: Amaña khuchichakuspa puriychejchu, nitaj millay kajta ruwaychejchu, nillataj sonqoykichejpa sajra munayninwan, nitaj mana allin kajta munanawan atipachikuychejchu. Jinallataj ama qolqemanta wañusqa kaychejchu, imajtinchus chayqa lantita yupaychaywan ninakun.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Josué 7:21

Jericopi chay tukuy ima qhechusqayku ukhupi, Babiloniamanta manchay sumaj mantata rikorqani, 200 qolqeta, khuskan kilo kuraj jina qoritawan ima. Chaykunata anchatapuni moq'erisqayrayku oqharerqani. Chantá toldoy uraman p'ampaykorqani, qolqetataj aswan ukhuman churaykorqani, nispa.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

1 Samuel 15:19

Chantá imaraykutaj Tata Diospa kamachisusqanta mana kasorqankichuri? Imaraykutaj amalecitakunaj sumachaj uywankukunata apakamporqankiri? Ajinata ruwaspa, Tata Diospa ñawpaqenpi nipuni allintachu ruwarqanki, nispa.