Éxodo 20:16 - DIOSPA QHELQACHISQ

¹⁶ Ama runa masiykej contranta llullakuspa parlankichu.

Qheshwa Biblia DC

¹⁶ Ama qhasimanta runa masiykej contranta llullakuspa parlankichu.

DIOSPA QHELQACHISQAN DEUTEROCANONICAL

¹⁶ Ama runa masiykej contranta llullakuspa parlankichu.

Éxodo 20:16 ပူးပေါင်းရင်းမြစ်များ

Salmos 15:3

Chaypi tiyakullanqataj pichus runa masinmanta allinta parlaj, kawsaqenta mana wasanchaj, chantá runa masintapis qhasimanta mana ch'ataykoj ima.

Éxodo 23:1

Tata Dios israelitakunata kamachillarqataj: Ama llullakuspa imatapis parlallankichu. Amataj millay runawan yachachinakunkichu, llullakuspa parlanaykipaj.

Proverbios 10:18

Chejnikusqanta pakajqa llullamin. Pichus cuento apaykachajtaj wampumin.

Proverbios 11:13

Simi apaj runaqa mana parlana kajtapis tukuyman willan. Allin yuyayniyoj kajrí, pipis imatapis willajtin, sonqonpi waqaychan.

Proverbios 19:5

Llullakuspa parlaj testigoqa jasut'isqapuni kanqa. Llulla runaqa chaymanta mana ayqenqachu.

Proverbios 25:18

Pichus runa masinpa contranta llullakuspa parlajqa garrotemanta, espadamanta, chayrí filo puntayoj flechamantapis astawanraj nanachin.

Levítico 19:11

Ama suwakunkichejchu. Amallataj llullakuychejchu, nillataj ujkuna ujkunawan q'otiyanakuychejchu.

Levítico 19:16

Llajtaykipi ama cuento q'epi kankichu. Amallataj runa masiykita wañuchiysikunkichu. Noqamin Tata Dios kani.

Levítico 19:18

Ama vengakunkichu, nillataj llajta masiykita phiñapayankichu. Astawanqa payta qan kikiykita jina munakunki. Noqamin Tata Dios kani.

San Mateo 19:18

Chantá chay runa taporqa: Mayqen kamachisqakunatataj junt'anay tiyanri? nispa. Jesustaj kuticherqa: Ama runata wañuchinkichu, ama khuchichakuspa qhenchachakunkichu, ama suwankichu, ama llulla testigomantapis sayankichu.

San Lucas 3:14

Chantá wakin soldadokunapis tapullarqankutaj: Noqaykurí imatataj ruwasqaykuri? nispa. Juantaj kuticherqa: Ama pimantapis ni imanta qhechuychejchu, nitaj pitapis qhasimanta tumpaychejchu. Jinataj pagoykichejwan sonqo junt'asqa kaychej, nispa.

Hechos 6:13

Chantá paykuna waj runakunata mask'allarqankutaj, llullakuspa Estebanta ch'ataykunankupaj. Chaykunataj nerqanku: Kay runaqa Temploj contranta rimallanpuni, Diospa kamachisqanpa contrantapis.

Efesios 4:31

Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

Deuteronomio 5:20

Ama runa masiykimanta manakajta, nitaj llullakuspa parlankichu.

1 Timoteo 1:10

Jinallataj Diospa kamachisqan churasqa karqa: Khuchichakuspa purejkunapaj, qharipura khuchichakojkunapaj, runata suwajkunapaj, llullakojkunapaj, Diospa sutinta qhasita oqharejkunapaj, jinallataj cheqan yachachiypa contranpi sayaykojkunapaj ima.

2 Timoteo 3:3

Kallanqankutaj mana sonqoyojkuna, rumi sonqo, qhasimanta tumpajkuna, sonqonkoj munasqanta mana atipayta atejkuna, mana khuyarispa millayta ruwajkuna, allin kajta chejnejkuna ima.

Santiago 4:11

Wawqe panaykuna, ama pipajpis mana allinta parlaychejchu. Sichus pipis Jesucristota qhatej masinpaj mana allinta riman, chayrí imamantapis juchachan chayqa, Diospa kamachisqanpa contranta riman, chantá Diospa kamachisqan mana allinchu kasqanta nin. Sitajchus Diospa kamachisqan mana allinchu kasqanta ninki chayqa, juez jina sayashanki. Chaywanpis qanpa ruwanaykeqa Diospa kamachisqanta kasunayki.