Éxodo 20:12 - DIOSPA QHELQACHISQ

¹² Tataykitawan, mamaykitawan ima sumaj respetowan qhawakuy. Ajinata ruwanki chayqa, Tata Diosniyki jallp'ata qosonqa, chaypi unayta kawsakunki.

Qheshwa Biblia DC

¹² Tataykita mamaykitawan kasuy, unayta kay jallp'a patapi kausakunaykipaj, mayqen jallp'atachus Señor Diosniyki qosunki chaypi.

DIOSPA QHELQACHISQAN DEUTEROCANONICAL

¹² Tataykitawan, mamaykitawan ima sumaj respetowan qhawakuy. Ajinata ruwanki chayqa, Tata Diosniyki jallp'ata qosonqa, chaypi unayta kawsakunki.

Éxodo 20:12 ပူးပေါင်းရင်းမြစ်များ

Génesis 48:12

Joseqa tatanpa moqon patamanta churinkunata oqharerqa, chantá pampakama k'umuykorqa.

Génesis 50:12

Jacobpa churinkuna tatankoj kamachisqanman jina ruwarqanku.

1 Reyes 2:19

Jinataj Betsabeqa kuraj kamachej Salomonpaman rerqa Adoniaspaj parlapayapoj. Kuraj kamachejqa mamanta rikuspa sayarikorqa, k'umuykuspataj, payta napaykorqa. Jinaytawantaj, kamachinan tiyanapi watej tiyaykukuspa, mamanpaj uj jatun tiyanata churachiporqa. Mamantaj kuraj kamachejpa paña ladonpi tiyaykuspa,

2 Reyes 2:12

Eliseotaj Eliasta ripojta rikuspa, qhaparerqa: Tatáy, tatáy, qanqa israelitakunapaj carretakunamantapis, chantá caballopi purej soldadokunamantapis aswan atiyniyoj karqanki, nispa. Eliseotaj manaña jayk'ajpis ujtawan Eliasta rikorqañachu. Chantá Eliseoqa p'achanta jap'iytawan, iskayman llik'erqa, llakisqa kashasqanta yachayta qonanpaj.

Éxodo 21:15

Pichus tatanta, chayrí mamanta maqajqa wañuchisqa kanqa.

Éxodo 21:17

Jinallataj sichus pipis tatanta, chayrí mamanta maldicinman chayqa, wañuchisqallataj kanqa.

Proverbios 15:5

Wampu runaqa tatanpa k'amisqanta pisipaj qhawan. Pichus k'amisqata jap'ikojrí yachayniyoj.

Proverbios 17:6

Machu runakunaj pillunkoqa allchhinkuna kanku. Wawakunaj jatunchakuyninkutaj tatankukuna kanku.

Proverbios 20:20

Pichus tatanta, mamantapis maldicejqa manaraj wañunanpi wañonqa.

Proverbios 28:24

Pipis tatanmanta, chayrí mamanmantapis suwaspa nin: Chayqa mana juchachu nispa, chay runaqa runata wañuchejpa kawsaqenman tukun.

Proverbios 3:16

Yachayniyoj kayqa unay kawsayta qoyta munasunki, jinallataj qhapajyayta, allinpaj qhawasqa kaytawan ima.

Proverbios 30:11

Wakinkuna tatankuta maldicinku, mamankutapis mana saminchankuchu.

Proverbios 30:17

Pichus tatanta pisipaj qhawan, jinallataj paya mamanmanta alqochakun chayqa, chay runaj ñawinta qharqañakuna sik'ichunku, ankakunapis kawsashajta oqoykuchunku.

Jeremías 35:18

Chay jawa Jeremías recabitakunaman nillarqataj: Tukuy Atiyniyoj, Tukuyta Kamachej Tata Dios nin: Qankunaqa ñawpa tataykichej Jonadabpa kamachisqanta kasorqankichej, yachachisqanta ima, junt'arqankichejtaj tukuy paypa nisqanta.

Jeremías 35:7

Jinallataj wasita ama ruwakunaykuta kamachiwarqayku, nitaj chajrata tarpunaykuta nitaj uvatapis mallkinaykuta. Kamachillawarqaykutaj toldollapi tiyakunaykuta, ajinamanta kay jallp'api unayta tiyakunaykupaj, maypichus waj llajtayoj runa jina purishayku, chaypi.

Ezequiel 22:7

Jerusalén llajta, qanpi tiyakojkunaqa tatankuta, mamankutapis pisipaj qhawanku. Karu llajtayoj runakunatapis ñak'arichinku. Wajcha wawakunamanta, warmisapakunamantataj ch'uskinku.

Levítico 19:3

Sapa ujpis mamaykichejta, tataykichejtapis jatun respetowan qhawaychej. Jinallataj samarina p'unchayniyta maypaj qhawaspa, samariychej. Noqa Tata Diosmin Diosniykichej kani.

Levítico 19:32

Machu runataqa sayarikuspa napaykunki, jinallataj manchay respetowan qhawanki. Diosniykitapis manchachikunki. Noqamin Tata Dios kani.

Malaquías 1:6

Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

San Mateo 19:19

Chantá tataykita, mamaykitapis jatunpaj qhaway, jinallataj runa masiykitapis qan kikiykita jina munakuy, nispa.

Marcos 10:19

Chaywanpis tapuwasqaykiman kutichisqayki. Diospa kamachisqankunata qan yachanki: Ama runata wañuchinkichu, ama khuchichakuspa qhenchachakunkichu, ama suwakunkichu, ama pimantapis llullakuspa parlankichu, ama pitapis ch'awkiyankichu, chantá tataykita, mamaykitawan jatunpaj qhawanki, nispa.

Marcos 7:10

Moisés kay jinata kamacherqa: Tataykita, mamaykitapis jatunpaj qhawanki, nispa. Nillarqataj: Pichus tatanta, chayrí mamanta maldicejqa wañuchisqa kachun, nispa.

San Lucas 18:20

Qan yachankiña Diospa kamachisqankunata: Ama khuchichakuspa qhenchachakunkichu, ama runa masiykita wañuchinkichu, ama suwakunkichu, ama runa masiykej contranta llullakuspa parlankichu. Chantá tataykita, mamaykitapis jatunpaj qhawanki, nispa.

Efesios 5:21

Qankuna Cristota may jatun respetowan qhawasqaykichejrayku, ujkuna ujkuna k'umuykoj sonqowan kasunakuychej.

Deuteronomio 11:8

Chayrayku, kunan qoykichej, chay tukuy kamachisqakunata kasuychej ari. Ajinata ruwaspa kallpayoj kankichej qosqaykichej chay jallp'ata jap'inaykichejpaj.

Deuteronomio 11:9

Jinallataj chay jallp'api unayta kawsankichej. Chay jallp'ata Tata Diosniykichej ñawpa tataykichejkunaman, chantá mirayninkuman ima qonanta nerqa. Chay jallp'apeqa lechewan, abeja misk'iwan yaku jina purishan.

Deuteronomio 21:18

Ichapis uj runaj churin mana uyarikuyta, nitaj kasukuyta munaj kanman chayqa, tatan maman k'amishajtinkupis manapuni uyarikuyta munaj kanman chayqa,

Deuteronomio 25:15

Manachayqa imatapis cabalta pesanaykichejpaj, jinallataj tupunaykichejpaj uj rejlla kanan tiyan, Tata Diosniykichej jallp'ata qosunkichej, chaypi unayta kawsakunaykichejpaj.

Deuteronomio 27:16

Jinallataj levitakuna nillanqankutaj: Maldicisqa kachun pichus tatanta, mamanta pisipaj qhawajqa, nispa. Tukuy israelitakunataj nenqanku: Ajina kachun, nispa.

Deuteronomio 32:47

Kay nisqayqa mana qhasi manakajllachu, imaraykuchus kawsanaykichejqa chaymanta kashan. Sichus qankuna kasunkichej chayqa, kunan Jordán mayu chimpapi jap'inkichej chay jallp'api, unayta kawsankichej, nispa.

Deuteronomio 4:26

Chaytachus ruwawajchej chayqa, noqa janaj pacha, kay pacha uyarinanta niykichej: Qankunaqa Jordán mayu chimpapi jallp'ata jap'inkichej, chaymanta chinkachisqa kankichej. Chay jallp'api mana unaytachu tiyakunkichej, manachayqa ujkama chinkachisqa kankichej.

Deuteronomio 4:40

Kunan p'unchay kay kamachisqaykunata, yachachiykunata ima qoshaykichej, chayta junt'aychej. Kasojtiykichej, qankunata, jinallataj mirayniykichejtapis allin risonqachej. Tata Diosniykichej wiñaypaj qosonqachej, chay jallp'apitaj unayta kawsankichej, nispa.

Deuteronomio 5:16

Tata Diosniyki kamachisusqanman jina, tataykita, mamaykitapis jatun respetowan qhawakunki. Ajinata ruwanki chayqa, Tata Diosniyki jallp'ata qosonqa chaypitaj unayta kawsanki, chantá allillan risonqa.

Deuteronomio 5:33

Qankunaqa Tata Diosniykichejpa kamachisusqanta kasuspa, allinta puriychej, Tata Dios qosonqachej chay jallp'api unayta kawsakunaykichejpaj, chantá allin rinasuykichejpaj.

Deuteronomio 6:2

Qankuna, wawaykichej, allchhiykichej ima kay pachapi kawsanaykichejkama, Tata Diosniykichejta may jatun respetowan qhawakuychej. Sichus tukuy kamachisqanta, yachachisqanta ima kasunkichej chayqa, unayta kawsankichej.

Colosenses 3:20

Wawakuna, tata mamaykichejta tukuy imapi kasuychej, imaraykuchus chaymin Tukuyta Kamachej Jesusta kusichin.

Rut 3:6

Jinataj Rutqa eraman rispa, Noemíj tukuy nisqanta ruwarqa.

1 Samuel 22:3

Chaynejmantapacha Davidqa Moab suyupi Mispá llajtaman rispa, Moab suyoj kuraj kamachejninta nerqa: Ama jina kaspa, tataywan, mamaywan ima qankunawan tiyarikuchunku ari, imatachus Tata Dios noqawan ruwananta yachanaykama, nispa.