Éxodo 20:11 - DIOSPA QHELQACHISQ

¹¹ Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Qheshwa Biblia DC

¹¹ Señorpis sojta p'unchaypi ruwarqa cielota, kay pachata, mar qochata, chay ruwasqasnimpi imaschus kashanku chaykunatawan. Qanchis kaj p'unchaypitaj samarikorqa, chayrayku Señorqa bendicerqa samarikuna p'unchayta, nerqataj payllapaj kasqanta.

DIOSPA QHELQACHISQAN DEUTEROCANONICAL

¹¹ Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Éxodo 20:11 ပူးပေါင်းရင်းမြစ်များ

Génesis 1:28

Chantá paykunata saminchaspa, nerqa: Ashkhata miraychej, kay pachamantaj junt'aychej. Kamachiyniykichej uraman churaychej, makiykichejpitaj jap'iychej mama qochapi kaj challwakunata, phawajkunata, jallp'a patapi qhatatakuspa purejkunatapis, nispa. Ajinata Dios nerqa.

Génesis 1:31

Chantá Diosqa tukuy ima ruwasqan manchay sumajpuni kasqanta qhawarqa. Ajinaqa inti yaykuymanta q'ayantin inti yaykuykama, sojta kaj p'unchay karqa.

Éxodo 31:17

Chay p'unchayqa noqawan, israelitakunawan ima wiñaypaj señal kanqa, imaraykuchus Tata Diosqa sojta p'unchaypi janajta, kay pachatawan ruwarqa, qanchis kaj p'unchaypitaj samarikorqa.

Éxodo 8:22

22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Éxodo 9:29

Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

Isaías 42:10

Tata Diosman mosoj takiyta takiychej. Kay pachaj aswan karu k'uchunmantapacha payta yupaychaychej. Mama qochapi barcota purichejkuna, chay qochapi kawsajkuna ima payta yupaychaychej. Jinallataj mama qocha chawpipi kaj churukunapis, chaypi tiyakojkuna ima yupaychallaychejtaj.

Isaías 48:13

Makiywan kay pachaj cimientonta churarqani, makillaywantaj janajtapis jatunman aysarqani. Chaykunata sutinkumanta wajyajtiy, rikhurerqankupacha.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Hechos 20:7

Noqayku semanaj qallariynin p'unchaypi Jesusta qhatikojkunawan khuska tantakorqayku, Jesuspa Cenanta mikhunaykupaj, chaypitaj Pabloqa Diospa simi nisqanta yachachisharqa. Q'ayantin puririnan kasqanraykutaj, chawpi tutakama yachacherqa.

Hechos 4:24

Jesucristota qhatikojkunataj chayta uyarispa, tukuyninku uj sonqolla jatunmanta parlaspa Diosta nerqanku: Tukuyta Kamachej Dios, qanqa janaj pachata, kay pachatawan, mama qochatapis, tukuy ima chaykunapi kajkunatawan ruwarqanki.

Deuteronomio 5:15

Qanqa Egiptopi wata runa kasqaykita yuyarikuy. Tata Diosniyki may jatun atiyninwan chaymanta orqhomusorqa. Chayrayku Tata Diosniyki kamachisunki, samarina p'unchaypi samarinaykita.

Hebreos 4:4

Chayta yachanchej, imaraykuchus qanchis kaj p'unchaymanta parlaspa, Diospa Qhelqachisqanpi nin: Diosqa qanchis kaj p'unchaypi tukuy ruwasqanmanta samarikorqa, nispa.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.