Éxodo 2:3 - DIOSPA QHELQACHISQ

³ Chantá wawitaj maman manaña astawan pakayta atispa, t'uturamanta canastata ruwarqa, ama yaku yaykunanpajtaj maphawan llut'aykorqa. Chayman wawata churaykuspataj, Nilo mayu kantupi t'utura chawpiman churaykamorqa.

Qheshwa Biblia DC

³ Manaña astawan pakana jina kajtintaj totoramanta juch'uy sayt'u canastata ruwaspa, jusk'usnintataj mach'awan, breawan ima sumajta llut'aykuspa ruwarqa ama yaku yaykunampaj. Jinaspataj chay canastawan wawata churaykuspa chuchiyu ukhuman churaykamorqa Nilo mayu cantoman.

DIOSPA QHELQACHISQAN DEUTEROCANONICAL

³ Chantá wawitaj maman manaña astawan pakayta atispa, t'uturamanta canastata ruwarqa, ama yaku yaykunanpajtaj maphawan llut'aykorqa. Chayman wawata churaykuspataj, Nilo mayu kantupi t'utura chawpiman churaykamorqa.

Éxodo 2:3 ပူးပေါင်းရင်းမြစ်များ

Génesis 11:3

Ujpacha paykunapura ninakorqanku: Ladrillota ruwaspa, ninapi chayachinachej, nispa. Ajinaqa rumej cuentanmanta ladrillo karqa, t'uroj cuentanmantataj t'iyuwan, breawan chhapusqa karqa.

Génesis 14:10

Chaypacha Sidín vallepi ashkha pujyukuna breawan junt'a karqa. Chantá Sodomata kuraj kamachej, jinataj Gomorrata kuraj kamachej ima maqanakupi atipaykuchikorqanku. Chaymanta ayqeshaspataj, soldadonkukunaqa breayoj pujyukunaman urmaykorqanku, wakin soldadokunataj orqokunaman ayqekorqanku.

Génesis 6:14

Qantajrí pinomanta uj jatun barcota ruwanki, ukhunpi ashkha cuartoyojta. Ama yaku yaykuykunanpajtaj, ukhunta jawantawan ima mach'awan lluch'iranki.

Éxodo 1:22

Faraontajrí tukuy Egipto llajtayojkunata kamacherqa: Israelitakunaj qhari wawanku paqarejkunamanta tukuyninkuta Nilo mayuman wijch'uychej. Warmi wawakunatatajrí ama imanaychejchu, nispa.

Isaías 18:2

Nilo mayunta kachakunata kachanku t'uturamanta ruwasqa usqhayta purej barcokunapi. Kachakuna, usqhayta riychej, qarankoj k'ancharishaj jatunkaray runakunaj llajtankuman. Paykunaqa tukuynejpi manchachikuna suyu kanku, atiyninkuwan atipaj suyu, chay jallp'ankupitaj ashkha mayu tiyan.

Isaías 19:6

Larq'akunapis millayta asnarenqa, soqosokuna, t'uturakuna ima ismusqanrayku. Jinallataj Egiptopi mayukuna pisimanta pisi ch'akiponqanku.

Isaías 35:7

Chay ch'aki jallp'aqa yaku qochaman tukonqa, mana jayk'aj yaku tarinapitaj yaku juturikuna t'ojyanqa. Maynejkunapichus k'ita alqokuna puñoj kanku, chay cheqapi soqosowan, t'uturawan ima wiñanqanku.

San Mateo 2:13

Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

San Mateo 2:16

Herodesqa yachaysapa runakuna payta ch'awkiyasqankuta yachaspa, maytapuni phiñakorqa. Chantá, ch'aska rikhurimusqanmanta yachajkuna willasqankuman jina, Herodesqa soldadonkunata kamacherqa Belén llajtapi, muyuyninpi ima tukuy qhari wawakunata wañurachinankuta iskay watayojmanta uraman.

Hechos 7:19

Chay kuraj kamachejtaj ñawpa tatanchejkunata chejnikuspa, manchayta paykunata ñak'aricherqa. Kamacherqataj israelitakuna qhari wawankukunata paqarisqantawankama wijch'unankuta wañunankupaj.