Éxodo 2:24 - DIOSPA QHELQACHISQ

²⁴ Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Qheshwa Biblia DC

²⁴ Dios uyarerqa chay mañakuyninkuta, yuyarikuspa imaynatachus Abrahamwan, Isaacwan, Jacobwan ima uj tratota ruwasqanta.

DIOSPA QHELQACHISQAN DEUTEROCANONICAL

²⁴ Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Éxodo 2:24 ပူးပေါင်းရင်းမြစ်များ

Génesis 15:13

Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Génesis 16:11

Qanqa wijsayoj kashanki. Jinataj uj qhari wawata onqokunki, paytataj sutichanki “Ismael” sutiwan, imaraykuchus Tata Dios llakiywan waqasqaykita uyarisunki.

Génesis 17:7

Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Génesis 18:18

imaraykuchus pay ashkha runayoj jatun suyoj tatan kanqa. Payman niniña kay pachapi tukuy suyuta paynejta saminchanayta.

Génesis 22:16

Tata Dios nisunki: Munasqa churiykita qonawaykipaj mana mich'akuwasqaykimanta, noqa kikiyrayku tiluspa, niyki:

Génesis 26:2

Chaypi Tata Dios payman rikhurispa, nerqa: Ama Egiptoman riychu. Tiyakullay, maypichus noqa nisqayki, chaypi.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 32:28

28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

Génesis 35:11

Chantá Dios Jacobta nillarqataj: Noqaqa Tukuy Atiyniyoj Dios kani. Mirayniyki ashkha kachunku. Qanmanta ashkha runayoj suyukuna rikhurenqanku, jinallataj mirayniykimanta kuraj kamachejkuna sayarenqanku.

Génesis 35:12

Noqaqa Abrahamman, Isaacmanwan qosqay jallp'ata qanman qollaykitaj. Jinataj mirayniykimanpis chay jallp'ata qosaj, nispa.

Génesis 8:1

Diosqa Noemanta, jinallataj jatun barcopi kasharqanku, chay animalkunamantapis khuyarikorqa. Chayrayku pay kay pachaman wayrachimorqa, yakutaj ch'akiyta qallarerqa.

2 Reyes 13:23

Chaywanpis Tata Diosqa paykunamanta khuyakorqa, Abrahamwan, Isaacwan, Jacobwan ima tratota ruwasqanraykutaj, israelitakunata mana saqerpayarqachu. Chayrayku Tata Diosqa ñawpaqenmanta mana paykunata wijch'uyta, nitaj chinkachiytapis munarqachu. Kunankama ajina kashan.

Salmos 102:2

2 (3) Ama noqamanta karunchakuwaychu, llakiywan ñit'isqata rikuwaspa. Wajyakusojteyqa, usqhayllata uyariway.

Salmos 102:20

20 (21) pikunachus presochasqa kanku, chaykunaj waqasqankuta uyarinanpaj, wañunankupaj juchachasqa kajkunatataj kacharichinanpaj.

Salmos 105:42

Diosqa ñawpa nisqanmanta yuyarikorqa, kamachin Abrahamman tiluspa imatachus nisqanmanta.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Salmos 138:3

Wajyakusojtiy, uyariwarqanki, mosoj kallpatataj qowarqanki.

Salmos 22:24

24 (25) imaraykuchus payqa wajchakunaj ñak'ariyninkuta mana pisipaj qhawanchu, nitaj paykunata qhesachanchu. Mana paykunamanta pakakunchu, manachayqa payman qhaparikojtinku, uyarinpuni.

Salmos 22:5

5 (6) Yanapanaykita mañakorqanku, qantaj paykunata qhespicherqanki. Qanpi atinikusorqanku, qantaj paykunata mana p'enqaypi rikhuricherqankichu.

Salmos 79:11

Uyariy presochasqa runakunaj waqasqankuta, atiyniykiwantaj kacharichiy, pikunachus wañuchisqa kanankupaj juchachasqa kanku, chaykunata.

Éxodo 6:5

Kunantaj Egipto llajtayojkuna israelitakunata ñak'arichisqankurayku, israelitakunaj ayqosqankuta uyarispa, noqaqa aylluywan trato ruwasqaymanta yuyarikuni.

Números 20:16

Chantá Tata Dios yanaparinawaykuta mañarikorqayku. Paytaj mañakusqaykuta uyarispa, Egiptomanta orqhonawaykupaj angelninta kachamorqa. Kunanqa jallp'aykiwan tinkuypi, Cades llajtapi kashayku.

Hechos 7:34

Noqa rikuni Egiptopi imaynatachus israelita aylluy ñak'arishasqankuta, sonqo nanayta ayqosqankuta ima uyarillanitaj. Chayrayku urayk'amuni chaymanta paykunata kacharichinaypaj. Kunanqa oqharikuy ari, Egiptoman kachasunaypaj, nispa.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.