Éxodo 2:23 - DIOSPA QHELQACHISQ

²³ Chaymanta aswan qhepanejman Egipto suyuta kuraj kamachej wañuporqa. Israelitakunatajrí, wata runa kasqankumanta waqarikuspa, qhaparikorqanku. Diostaj sinch'i ñak'arispa qhaparikusqankuta uyarerqa.

Qheshwa Biblia DC

²³ Watas pasasqanman jina Egiptopi reyqa wañorqaña. Israelitastaj chaykama may jasut'isqas sinch'i llank'ayllapipuni kasqankumanta mayta waqarqanku Diosman willakuspa. Diostaj chay jinata waqasqankumanta mañakuyninkuta uyarerqa, chay ñak'ariypi kasqankuta rikuspa.

DIOSPA QHELQACHISQAN DEUTEROCANONICAL

²³ Chaymanta aswan qhepanejman Egipto suyuta kuraj kamachej wañuporqa. Israelitakunatajrí, wata runa kasqankumanta waqarikuspa, qhaparikorqanku. Diostaj sinch'i ñak'arispa qhaparikusqankuta uyarerqa.

Éxodo 2:23 ပူးပေါင်းရင်းမြစ်များ

Génesis 16:11

Qanqa wijsayoj kashanki. Jinataj uj qhari wawata onqokunki, paytataj sutichanki “Ismael” sutiwan, imaraykuchus Tata Dios llakiywan waqasqaykita uyarisunki.

Génesis 4:10

Tata Diostajrí nerqa: Imatataj ruwarqankiri? Wawqeykej yawarnenqa jallp'amantapacha justicia ruwanayta qhaparimushawan.

Nehemías 9:9

Qanqa ñawpa tataykukuna imaynatachus Egiptopi ñak'arisqankuta rikorqanki, Puka Mama Qocha kantupipis qhaparikamususqankuta uyarerqanki.

Job 35:9

Sinch'i sarunchasqa kaspa, runakuna qhaparinku, atiyniyojkunamanta pipis kacharichinanta mask'allankutaj.

Salmos 102:1

1 (2) Tata Dios, mañakususqayta uyariway. Munay ari, qhaparikusqay qanman chayamunanta.

Salmos 102:2

2 (3) Ama noqamanta karunchakuwaychu, llakiywan ñit'isqata rikuwaspa. Wajyakusojteyqa, usqhayllata uyariway.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 18:6

6 (7) Sinch'i llakiypi kashaspa, Tata Diosman qhaparikorqani. Diosniy yanapanawanta mañakorqani. Paytaj Templonmantapacha uyariwarqa, qhaparikusqaytaj ninrinkama chayarqa.

Éxodo 1:14

Awantay mana atinata, paykunawan t'uruta saruchispa, adobeta ruwacherqanku, wakinkunatataj chajrata tarpucherqanku. Ajinata tukuy imaymana sinch'i ruwanawan sonqo nanayta israelitakunata ñak'aricherqanku.

Éxodo 4:19

Chantá Madianllapiraj Moisés kashajtin, Tata Dios ujtawan payman rikhurispa, nerqa: Egiptoman kutiy, imaraykuchus qanta wañuchiyta munajkunaqa wañunkuña, nispa.

Éxodo 6:5

Kunantaj Egipto llajtayojkuna israelitakunata ñak'arichisqankurayku, israelitakunaj ayqosqankuta uyarispa, noqaqa aylluywan trato ruwasqaymanta yuyarikuni.

Éxodo 6:9

Chantá Moisés israelitakunaman chay tukuyta willarqa. Paykunatajrí mana kasuta ruwarqankuchu, imaraykuchus wata runa jina sinch'i ruwanapi kaspa, sonqonku p'akisqa kasharqanku.

Éxodo 7:7

Maypachachus faraonwan parlaj yaykorqanku chaypacha, Moisés pusaj chunka watayoj karqa, Aarontaj pusaj chunka kinsayoj watayoj karqa.

Isaías 19:20

Chaytaj uj señal kanqa Tukuy Atiyniyoj Tata Diospa sutinta Egipto suyupi yuyarikunankupaj. Awqanku paykunata ñak'arichejtinku, paykuna Tata Diosman qhaparikonqanku, paytaj uj kacharichejta kachamonqa paykunata kacharichinanpaj.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Números 20:16

Chantá Tata Dios yanaparinawaykuta mañarikorqayku. Paytaj mañakusqaykuta uyarispa, Egiptomanta orqhonawaykupaj angelninta kachamorqa. Kunanqa jallp'aykiwan tinkuypi, Cades llajtapi kashayku.

Hechos 7:30

Tawa chunka wataña pasarqa. Uj kuti Moisés ch'innejpi purishajtin, Sinaí orqo qayllapi uj ángel payman rikhurerqa t'ankar sach'api nina lawrashaj ukhupi.

Deuteronomio 24:15

Chay kikin p'unchaypacha, manaraj inti chinkaykushajtin, ruwasqanmanta pagapunkichej. Payqa pisi tiyapuyniyoj runa, kawsananpaj chay qolqeta necesitan. Manachus jinata ruwankichej chayqa, chay runa contraykita Tata Diosman qhaparikonqa, qankunataj juchachasqa kankichej.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.

Jueces 4:3

Jabinpata 900 fierromanta carretankuna karqa. Payqa iskay chunka watataña israelitakunata sinch'ita ñak'aricherqa, chayraykutaj paykunaqa Tata Dios yanapananta mañakorqanku.

1 Samuel 12:8

Maypachachus Jacob aylluntin Egiptoman rerqanku chaypacha, Egipto llajtayojkuna paykunata ñak'aricherqanku, ñawpa tataykichejkunataj llakiyninkupi Tata Diosman qhaparikorqanku. Chantá Tata Dios Moisesta, Aarontawan kacharqa, paykunataj ñawpa tataykichejkunata Egipto suyumanta orqhomuspa, kay jallp'aman pusamorqanku.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.