Éxodo 2:22 - DIOSPA QHELQACHISQ

²² Aswan qhepamantaj chay warmi uj wawata paqarichikorqa, Moisestaj wawanta “Gersón”, nispa suticharqa: Runaj llajtanpi kashani, nispa.

Qheshwa Biblia DC

²² Chay warmeqa Moisespaj uj wawata rejserqa, Moisestaj chay wawanta suticharqa Gersonta, pay nerqa: Runaj llajtampi karu llajtayoj kani, nispa.

DIOSPA QHELQACHISQAN DEUTEROCANONICAL

²² Aswan qhepamantaj chay warmi uj wawata paqarichikorqa, Moisestaj wawanta “Gersón”, nispa suticharqa: Runaj llajtanpi kashani, nispa.

Éxodo 2:22 ပူးပေါင်းရင်းမြစ်များ

Génesis 23:4

Noqaqa qankuna ukhupi karu llajtayoj kani. Ama jina kaspa, warmiypa ayanta p'ampakapunaypaj jallp'ata venderiwaychej ari, nispa.

1 Crónicas 16:20

Suyumanta suyu purerqanku, llajtamanta llajtataj rerqanku.

1 Crónicas 29:15

Qanpa ñawpaqeykipi noqaykoqa waj llajtayojkuna jina kayku. Jinallataj ñawpa tataykukunapis karqanku. Kay pachapi kawsayniykoqa llanthu jinalla, mana ni imata suyanapaj jina.

Salmos 119:19

Noqa kay pachapi ñan purej jinalla kani, kamachisqaykitaqa ama pakawaychu.

Salmos 39:12

12 (13) Tata Diosníy, mañakusqayta uyariway, waqaspa qhaparikamusqaytapis. Waqasqayta rikuspa, ama ch'inlla kakuychu. Qanpajqa waj llajtayoj jina kani, ñan purej runa jinalla, ñawpa tataykukuna jinataj.

Éxodo 2:10

Chantá wawa jatunña kajtin, mamanqa wawata faraonpa ususinman apaporqa. Paytaj wawanpajpuni rejsikaporqa, suticharqataj “Moisés”, nispa, imaraykuchus pay nerqa: Yakumanta noqa orqhorqani, nispa.

Éxodo 22:21

21 (20) Waj llajtayojtaqa ama ñak'arichinkichejchu, nitaj waqachinkichejchu, imaraykuchus qankunapis Egipto suyupi waj llajtayoj jina karqankichej.

Éxodo 4:20

Chayrayku Moisés warminta, wawankunatawan ima burroman lloq'aykuchispa, Egiptoman kutirerqa. Jinallataj Diospa qosqan varatapis apallarqataj.

Levítico 25:23

Jallp'aqa mana wiñaypajchu vendesqa kanqa, imaraykuchus jallp'aqa noqajtamin, chayrayku. Qankunaqa waj llajtayojpis kawajchej jina noqaj wajyarikusqaylla kankichej.

Hechos 7:29

Moisestaj chayta uyarispa, Egiptomanta Madián cheqaman ayqerikaporqa. Chaypitaj waj llajtayoj jina tiyakuspa, casarakorqa jinataj iskay qhari wawayoj karqa.

Jueces 18:30

Chaypi Danmanta kajkunaqa suwamusqanku llajllasqa lantinkuta yupaychanankupaj churaykorqanku, sacerdotenkutaj Jonatán karqa. Payqa Moisespa allchhin Gersonpa churin karqa. Chay qhepamantaj Jonatanpa mirayninmanta kajkuna Danpi sacerdotekuna karqanku, karu suyuman apasqa karqanku, chay p'unchaykama.

1 Samuel 1:20

Ajinamanta Anaqa wijsallisqa rikhurerqa. Onqokunan tiempo chayamojtintaj, uj qhari wawata paqarichikorqa. Wawantataj Samuel sutiwan suticharqa, nerqataj: Kay wawata Tata Diosmanta mañakorqani, nispa.