Éxodo 19:6 - DIOSPA QHELQACHISQ

⁶ Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.

Qheshwa Biblia DC

⁶ Tukuy qankunaqa kapuwankichej uj sumaj llimphuchasqa sacerdote aylluy. Kaykunata qan israelitasman willamuy.

DIOSPA QHELQACHISQAN DEUTEROCANONICAL

⁶ Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.

Éxodo 19:6 ပူးပေါင်းရင်းမြစ်များ

1 Reyes 3:8

Ajllakusqayki aylluykita kamachinay kashan, paykunaqa may chhika mana yupay atina, nitaj mashkhachus kasqankupis yachana jinachu kanku, ashkha kasqankurayku.

1 Reyes 8:53

Qanqa tukuy suyu ukhumanta, chayaqeyki kananpaj Israel aylluykita ajllakorqanki. Ajinata kamachiyki Moisesnejta ñawpa tataykunata Egiptomanta orqhomuspa nerqanki, nispa. Ajinata kuraj kamachej Salomonqa Dioswan parlarqa.

1 Crónicas 17:22

Qanqa Israel aylluta wiñaypaj qanpata kananpaj ajllarqanki, qanmin Diosninku kanki.

Salmos 114:2

Judá jatun aylloj jap'iynin Diosta yupaychana cheqaman tukorqa, Israel suyutaj paypa kamachinanman tukorqa.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Éxodo 22:31

31 (30) Qankunaqa noqapaj t'aqasqa runakuna kankichej. Ama atoj, chayrí leonpa jap'isqan aychata mikhunkichejchu. Chaytaqa alqoman qopunkichej.

Éxodo 28:36

Jinallataj sumaj qorimanta sillp'a tablitata jina ruwanki, chantá sellasqata jina qhelqanki: Tata Diospaj t'aqasqamin, nispa nishajta.

Isaías 43:4

Noqapaj may k'acha kanki, may allinpaj qhawayki, chantá munakuykitaj. Chayrayku kacharichisunaypaj waj runakunata, waj suyukunata ima pagota jina qosaj.

Isaías 61:6

Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Isaías 62:12

Chaypacha israelitakunata sutichanqanku: “Tata Diospaj T'aqasqa Ayllu”, “Tata Dios Pagaspa Kacharichisqan Kajkuna”, nispa. Jerusalentataj sutichanqanku: “May Munasqa Llajta”, “Mana Saqerpayasqa Llajta”, nispa.

Isaías 66:21

Chantá paykunamanta wakinta ajllakusaj sacerdotekuna, levitakuna kanankupaj. Ajinata noqa Tata Diosqa nini.

Jeremías 13:11

Imaynatachus pipis chumpinta ñañu wasanman mat'iykukun, ajinallatataj Israel aylluywan, Judá aylluywanpis ruwarqani, noqaman sumaj ujchasqa kanankupaj. Ajinata ruwarqani aylluy kanankupaj, sutiyta jatunchaj kanankupaj, yupaychasqa, jatunchasqataj kanaypaj. Chaywanpis, mana kasuwarqankuchu. Ajinata Tata Dios nin.

Jeremías 2:3

Israel noqapaj t'aqasqa karqa, chajraymanta aswan allin kaj oqharisqay jina karqa. Pillapis paykunata ñak'arichejtenqa, noqa ñak'arichillajtaj kani, sinch'i ñak'ariykunata apachispa. Noqa Tata Diosmin chayta nini.

Jeremías 7:23

Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Levítico 19:2

Tukuy israelitakunata niy: Tata Dios ajinata nisunkichej: Qankunaqa noqapaj t'aqasqa jina llimphu kaychej, imaraykuchus noqa Tata Diosniykichej may llimphumin kani.

Levítico 20:24

Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.

Levítico 20:26

Qankunaqa noqapaj t'aqasqa kajkuna jina puriychej, imaraykuchus noqaqa may jina llimphu llimphupuni kani. Noqamin qankunata suyukuna ukhumanta t'aqarqaykichej noqajllata kanaykichejpaj.

Levítico 21:23

Ukhunpi iman mana allin kasqanrayku, veloj wasanpi Diosllapaj T'aqasqa nisqa cheqanejman mana yaykonqachu, nitaj altar qayllamanpis chimpanqachu. Noqamin Tata Dios kani, pichus paykunata noqapaj t'aqakorqani, chay, nispa.

Amós 3:2

Tukuy kay pachapi ayllukunamanta qankunallata ajllakorqaykichej. Chayrayku tukuy juchaykichejmanta cuentata mañasqaykichej.

Hageo 2:5

Tata Dios nillantaj: Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu, nispa.

Números 16:3

Tukuyninku tantaykukuspa, Moisesman, Aaronmanwan sayaykuspa, nerqanku: Munasqaykichejta ruwanaqa kaykamalla kachun. Tukuy israelitakuna Diospaj t'aqasqa kanchej, Tata Diospis tukuyninchejwan kashan. Imaraykutaj qankuna Tata Diospa ayllunmanta aswan kasqaykichejta yuyakunkichejri? nispa.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

1 Corintios 3:17

Sichus pipis Diospa templonta urmachin chayqa, Diospis chay runata urmachillanqataj, imaraykuchus Diospa templonqa payllapaj t'aqasqa. Qankunamin chay templo kankichej.

Deuteronomio 14:21

Payllamanta wañoj animalta amapuni mikhunkichejchu, imaraykuchus qankunaqa Tata Diosniykichejpata kanaykichejpaj t'aqasqa ayllun kankichej. Qankunaj llajtaykichejpi tiyakoj karu llajtayojman chay aychata qoyta atinkichej chayri vendeyta, paykunataj mikhuyta atillanqanku. Ñuñushaj cabra uñataqa ama mamanpa lechenpi chayachinkichejchu.

Deuteronomio 26:19

Payqa tukuy sayachisqan suyukunamanta qankunata aswan pataman churasonqachej, manchay uyarisqa, maypaj qhawana kanaykichejpaj. Ajinaqa nisqanman jina qankuna Tata Diosniykichejpaj t'aqasqa suyu kankichej, nispa.

Deuteronomio 28:9

Sichus kamachisqanta junt'anki, munasqanman jinataj allinta purinki chayqa, Tata Dios tiluspa nisusqanman jina, ajllakusqan aylluta jina jap'illasonqapuni.

Deuteronomio 7:6

Qankunaqa Tata Diosniykichejpaj t'aqasqa ayllu kankichej. Paymin kay pachapi tukuy suyumanta ajllakusorqachej, paypata may munasqa ayllun kanaykichejpaj.

1 Tesalonicenses 5:27

Noqa Tukuyta Kamachej Jesuspa sutinpi kamachiykichej kay cartata Diosta tukuy qhatejkunaman ñawirinaykichejta.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

Apocalipsis 20:6

Kusisqamin, Diospaj t'aqasqataj kanku pikunachus ñawpaj kaj kawsarimuypi kawsarimpojkunaqa. Qhepa kaj wañoyqa manaña paykunata imanayta atinchu. Aswanpis, paykuna Diospata, chantá Cristojtawan ima sacerdotenkuna kanqanku, paywantaj waranqa watata kamachenqanku.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.