Éxodo 19:5 - DIOSPA QHELQACHISQ

⁵ Kunantaj sichus nisqayta uyarinkichej, trato ruwasqaytapis junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin.

Qheshwa Biblia DC

⁵ Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa.

DIOSPA QHELQACHISQAN DEUTEROCANONICAL

⁵ Kunantaj sichus nisqayta uyarinkichej, trato ruwasqaytapis junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin.

Éxodo 19:5 ပူးပေါင်းရင်းမြစ်များ

Génesis 17:9

Chay jawa Diosqa Abrahamman nillarqataj: Qan trato ruwasqayta junt'ay, jinataj wawaykikuna, allchhiykikunapis junt'achunku.

1 Reyes 8:53

Qanqa tukuy suyu ukhumanta, chayaqeyki kananpaj Israel aylluykita ajllakorqanki. Ajinata kamachiyki Moisesnejta ñawpa tataykunata Egiptomanta orqhomuspa nerqanki, nispa. Ajinata kuraj kamachej Salomonqa Dioswan parlarqa.

1 Crónicas 17:22

Qanqa Israel aylluta wiñaypaj qanpata kananpaj ajllarqanki, qanmin Diosninku kanki.

Job 41:11

11 (3) Pitaj payman sayaykojmanta mana iman imanasqa llojsinmanri? Tukuy kay pachapi, ni pipis kanmanchu.

Job 41:3

3 (40.27) Khuyakunaykita mañakusunanta yuyankichu, chayrí misk'i simiwan parlaspachu kacharipunaykita mañakusunkiman?

Salmos 135:4

Payqa Jacobta paypata kananpaj ajllakorqa, Israelta ayllun kananpaj ajllakorqa.

Salmos 24:1

(1b) Tukuy kay pachaqa Tata Diospata, tukuy ima chaypi kajpis. Tukuy kay pachaqa paypatapuni, tukuy chaypi kawsajkunapis.

Salmos 25:10

Pikunachus Tata Diospa trato ruwasqanta, chantá kamachisqanta kasunku, chaykunata Tata Dios khuyakuyninwan chantá nisqanta junt'aj kasqanwan ima pusan.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Éxodo 23:22

Sichus cheqatapuni payta kasunki chay, tukuy nisqantataj ruwanki chayqa, noqa awqaykej awqan kasaj. Pichus contraykipi sayaykusojman noqa sayaykullasajtaj.

Éxodo 24:7

Jinaspataj, trato ruwasqamanta qhelqata runakunaj uyarinankuta ñawirerqa. Runakunataj nerqanku: Noqaykoqa Tata Diospa tukuy kamachisqanta kasusqayku, nispa.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Éxodo 8:22

22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Éxodo 9:29

Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

TAKIYKUNA 8:12

Salomón, waranqa qolqe qanpaj kachun, iskay pachajtaj uva huertata qhawajkunapaj. Uva huertaytatajrí noqalla qhawakusaj.

Isaías 1:19

Sichus qankuna kasuwankichej chayqa, jallp'aj aswan sumaj poqoyninta mikhunkichej.

Isaías 41:8

Chaywanpis Tata Dios nin: Qanrí Israel, kamachiy kanki, qantaj Jacob, ajllakusqay kanki. Kawsaqey Abrahampa mirayninmanta ajllakusqay kanki.

Isaías 43:1

Jacobpa miraynin Israel, pichus qanta ruwasorqa, chay Tata Dios nisunki: Ama manchachikuychu, imaraykuchus noqa pagaspa, qanta kacharicherqayki. Noqa sutiykimanta wajyarqayki, qantaj noqajta kanki.

Isaías 56:4

Chayqa ajina, imaraykuchus Tata Dios nin: Sichus capasqa runakuna samarina p'unchayta waqaychanku, sitajchus munayniyta ruwaspa, tratoyta junt'anku chayqa,

Jeremías 10:16

Jacobpa Diosninrí mana chaykuna jinachu, imaraykuchus pay tukuy ima kaj chhikata ruwarqa. Paymin Israel aylluta ajllakorqa chayaqen kananpaj. Paypa sutenqa Tukuy Atiyniyoj Tata Diosmin.

Jeremías 13:11

Imaynatachus pipis chumpinta ñañu wasanman mat'iykukun, ajinallatataj Israel aylluywan, Judá aylluywanpis ruwarqani, noqaman sumaj ujchasqa kanankupaj. Ajinata ruwarqani aylluy kanankupaj, sutiyta jatunchaj kanankupaj, yupaychasqa, jatunchasqataj kanaypaj. Chaywanpis, mana kasuwarqankuchu. Ajinata Tata Dios nin.

Jeremías 7:23

Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Ezequiel 16:8

Ujtawan qayllaykita purishaspa qhawarqayki, casaranapaj jinaña kasqaykitataj repararqani. Chantá p'achaywan q'ala ukhuykita qhataykorqayki. Tiluspataj, uj tratota qanwan ruwarqani ajinamanta noqajtapuni kanaykipaj. Noqa Tukuyta Kamachej Tata Dios chayta nini.

Levítico 20:24

Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.

Amós 3:2

Tukuy kay pachapi ayllukunamanta qankunallata ajllakorqaykichej. Chayrayku tukuy juchaykichejmanta cuentata mañasqaykichej.

Amós 6:1

Ay, Sionpi ni imamanta llakiyniyoj kawsajkuna. Ay, pikunachus ni imamanta manchachikuspa Samariapi tiyakojkuna. Qankunaqa jatunpaj qhawasqa kankichej waj suyukunapi, jinataj israelitakuna yanapata mask'aspa, qankunaman rinku.

Malaquías 3:17

Tukuy Atiyniyoj Tata Dios nin: Noqaj wakichisqay p'unchaypi paykunaqa watej aylluy kanqanku. Imaynatachus uj tata nisqanta kasukoj wawanta khuyan, ajinallatataj noqapis paykunamanta khuyakusaj.

1 Corintios 10:26

Diospa Qhelqachisqanpi nin: Kay pachaqa Tukuyta Kamachej Diospata, jinallataj chaypi tukuy ima kajpis, nispa.

1 Corintios 10:28

Chaywanpis mikhushajtiykichej, sichus pipis willasunkichejman: Kay aychaqa lantikunaman jaywasqa karqa, nispa chayqa, willasqanrayku ama mikhuychejchu, willasojpa sonqon ama nanachisqa kananpaj.

Deuteronomio 10:14

Kayta allinta yachaychej: Janajpis, janajmanta aswan pata kajpis, kay pachapis, kaypi imachus kajpis Tata Diosniykichejpatamin.

Deuteronomio 11:27

Allin risonqachej sichus Tata Diosniykichej kamachisqanta kunan qoshaykichej, chayta kasunkichej chayqa.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Deuteronomio 14:21

Payllamanta wañoj animalta amapuni mikhunkichejchu, imaraykuchus qankunaqa Tata Diosniykichejpata kanaykichejpaj t'aqasqa ayllun kankichej. Qankunaj llajtaykichejpi tiyakoj karu llajtayojman chay aychata qoyta atinkichej chayri vendeyta, paykunataj mikhuyta atillanqanku. Ñuñushaj cabra uñataqa ama mamanpa lechenpi chayachinkichejchu.

Deuteronomio 26:18

Jinallataj Tata Diospis kunan nisunkichej, nisusqanman jina qankuna paypa ayllun kasqaykichejta. Ajinaqa tukuy kamachisqanta junt'aychej.

Deuteronomio 26:19

Payqa tukuy sayachisqan suyukunamanta qankunata aswan pataman churasonqachej, manchay uyarisqa, maypaj qhawana kanaykichejpaj. Ajinaqa nisqanman jina qankuna Tata Diosniykichejpaj t'aqasqa suyu kankichej, nispa.

Deuteronomio 28:1

Sichus qan Tata Diosniykej tukuy nisqanta cheqapuni kasunki, chantá kunan qoshayki, chay kamachisqakunata kasuspa, ruwanki chayqa, Tata Diosniyki kay pachapi tukuy suyumanta aswan pataman churasonqa.

Deuteronomio 28:9

Sichus kamachisqanta junt'anki, munasqanman jinataj allinta purinki chayqa, Tata Dios tiluspa nisusqanman jina, ajllakusqan aylluta jina jap'illasonqapuni.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Deuteronomio 5:2

Tata Diosninchejqa noqanchejwan uj tratota Horeb orqopi ruwarqa.

Deuteronomio 7:6

Qankunaqa Tata Diosniykichejpaj t'aqasqa ayllu kankichej. Paymin kay pachapi tukuy suyumanta ajllakusorqachej, paypata may munasqa ayllun kanaykichejpaj.

Deuteronomio 9:29

Chaywanpis israelitakunaqa aylluyki kanku, qanpatamin. Qanmin jatun atiyniyoj kasqaykita rikuchispa, Egiptomanta paykunata orqhomorqanki, nispa.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 11:8

Diospi atinikusqanrayku Abrahampis Diospa nisqanta kasorqa. Chayrayku llajtanta saqespa llojserqa, Dios qonanta nerqa, chay jallp'aman rinanpaj, mana yachaspalla maymanchus chayananta.

Hebreos 8:9

Kay tratoqa mana ñawpa tatankukunawan ruwasqay trato jinachu kanqa. Chay tratota ruwarqani maypachachus paykunata makinkumanta aysarispa, Egipto suyumanta orqhomorqani chaypacha. Paykunatajrí trato ruwasqayta mana junt'arqankuchu. Chayrayku noqapis paykunata mana rikoj tukorqani, nispa Tukuyta Kamachej Dios nin.

Josué 24:24

Israelitakunataj Josueta nerqanku: Noqaykoqa Tata Diosnillaykuta kasuspa purisqayku, imatachus niwasqaykutataj junt'asqayku, nispa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.