Éxodo 19:18 - DIOSPA QHELQACHISQ

¹⁸ Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Qheshwa Biblia DC

¹⁸ Tukuynin Sinaí orqo q'osñirerqa, imaraykuchus Señor uraykamorqa chay orqoman ninapi. Q'osñisqa wicharisharqa hornomantapis wicharishanman jina; chay puntastaj tukuynin kharkatirerqanku manchayta.

DIOSPA QHELQACHISQAN DEUTEROCANONICAL

¹⁸ Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Éxodo 19:18 ပူးပေါင်းရင်းမြစ်များ

Génesis 11:5

Tata Diostajrí runakunaj ruwashasqanku llajtata, torretawan qhawarej urayk'amorqa.

Génesis 15:17

Laqhayaykuytataj uj horno manchayta q'oshñishaj rikhurerqa, jinallataj lawrashaj nina, chaykunataj uywa ñak'asqaj chawpinta pasasharqa.

Génesis 19:28

Chaynejmantataj Sodomata, Gomorrata, chantá tukuynin valleta ima qhawarispa, rikorqa uj hornomanta jina pampamanta manchayta q'oshñishajta.

Nehemías 9:13

Chaymanta Sinaí orqoman urayk'amorqanki, paykunamantaj parlamorqanki. Cheqan kamachisqaykita, cheqan sumaj yachachisqaykita ima paykunaman qorqanki.

Salmos 104:32

Tata Dios qhawarimojtin, kay pacha kharkatitin, llankharejtintaj, orqokuna q'oshñirinku.

Salmos 114:4

Orqokunapis carnero jina phinkiykacharqanku, moqokunataj oveja uña jina sink'uykacharqanku.

Salmos 114:7

Qan, jallp'a, Tukuyta Kamachej Diospa ñawpaqenpi kharkatitiy, Jacobpa Diosninpa qayllanpi qhatatitiy.

Salmos 144:5

Tata Dios, janaj pachata kicharispa urayk'amuy. Orqokunata llankhariy q'oshñinankupaj.

Salmos 18:9

9 (10) Payqa janaj pachata kicharispa, urayk'amorqa. Chakin urapitaj laqhayarishaj phuyu karqa.

Salmos 68:9

9 (10) Diosníy, qanqa may jinata parachimorqanki, sayk'usqa jallp'a sumaj jallp'aman tukunanpaj.

Salmos 77:18

18 (19) Muyoj wayrapi qhon qhonkuna sinch'ita uyarikorqa. Illapakuna kay pachantinta k'ancharerqa, jallp'ataj chujchurispa kharkatiterqa.

Salmos 77:19

19 (20) Mama qochapi ñanta kicharerqanki, ashkha yaku chawpitataj ñanta jina pasarqanki, nitaj pipis sarusqaykita rikorqachu.

Éxodo 19:13

Pichus orqoman qayllaykojtaqa ama pipis llankhanqachu. Uywapis kachun, chayrí runapis kachun, runakunaqa rumiwan ch'anqaykuspa chayrí arcowan flechaspa wañuchenqanku. Orqomanqa maypachachus pututu waqanqa, chaypachalla runakuna wichariyta atenqanku, nispa.

Éxodo 19:17

Moisestaj tukuyninkuta toldonkumanta jawaman pusarqa Dioswan tinkukunankupaj. Chantá orqo k'uchupi sayarqanku.

Éxodo 20:18

Chaypacha tukuy israelitakuna llijurishajta illapata rikorqanku, pututoj waqasqanta uyarerqanku, chantá orqopi q'oshñita rikorqanku. Chayrayku mayta manchachikuspa, karullapi sayarqanku.

Éxodo 24:17

Tata Diospa jatun kayninpa lliphipiynintaj nina lawrarishaj jina israelitakunaj rikunankuta rikhurimorqa.

Éxodo 3:2

Chaypitaj uj t'ankar sach'api nina lawrashaj chawpipi Tata Diospa angelnin rikhurerqa. Moisestaj t'ankarta nina mana ruphasqanta rikuspa,

Éxodo 34:2

Jinallataj q'aya paqarin tutamanta Sinaí orqoman wicharimunaykipaj wakichikuy, chay orqo patapi noqawan tinkukunaykipaj.

Isaías 6:4

Chay jinata qhaparisqankuwan Temploj punkunkuna thalarikorqa, chay ukhumantaj q'oshñi junt'aykorqa.

Isaías 64:1

Tata Dios, sichus janajta llik'ispa, urayk'amuwaj chayqa, qanpa ñawpaqeykipi tukuy orqokuna kharkatinkuman.

Jeremías 4:24

Orqokunata qhawarejtiy, manchayta ikharikusharqanku. Tukuy juch'uy orqokunapis kharkatitishallarqankutaj.

Habacuc 3:6

Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.

Zacarías 14:5

Chantá chay valleqa Azalkama chayanqa, qankunataj chay vallenta orqoman ayqenkichej, imaynatachus ñawpa tataykichejpis ayqerqanku jallp'a ikhakusqanrayku kuraj kamachej Uzías Judapi kamachishajtin, ajinata. Chantá Tata Diosniy jamonqa tukuy angelninkunawan.

San Mateo 24:7

Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhay ima.

Deuteronomio 33:2

Tata Diosqa Sinaimanta jamorqa. Seirmantapacha k'anchamorqa, Parán orqomantataj lliphipimorqa. Cades Meribamantapacha jamushan, paña makinpi kamachisqankunata ninata jina aparisqa. Waranqa waranqa ajllasqakunawan ima jamushan.

Deuteronomio 4:36

Payqa allin ñanman churasunaykichejpaj janaj pachamantapacha parlasqanta uyarichisorqachej. Kay pachapitaj mancharinapaj jina jatun nina lawrayninta rikuchisorqachej. Chay nina chawpimanta parlasqanta uyarerqankichej.

Deuteronomio 5:22

Orqo k'uchupi tantasqa kashajtiykichej, Tata Diosqa chay kamachisqakunata jatunmanta parlaspa nerqa, orqopi nina chawpimanta, laqha phuyu ukhumantapacha. Chaymantaqa manaña astawan imatapis nerqachu, chay kamachisqakunatataj iskay p'alta rumipi qhelqaspa noqaman jaywawarqa.

Deuteronomio 5:4

Tata Diosqa orqopi nina chawpimanta pay kikinpuni parlamusorqachej.

2 Tesalonicenses 1:7

Ñak'arichisqa kashajtiykichej, Dios qankunata, chantá noqaykutapis samarichiwasunchej, maypachachus janaj pachamanta Tukuyta Kamachej Jesús atiyniyoj angelninkunawan rikhurimonqa, chaypacha.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.

Hebreos 12:18

Qankunaqa mana israelitakuna jina llankhay atina lawrashaj orqoman qayllarqankichejchu, nitaj laqhayaymanpis, nitaj tutayajmanpis, nitaj sinch'i wayramanpis.

Hebreos 12:26

Chaypacha Diospa parlasqan kay pachata kharkatiticherqa. Kunantajrí pay nillantaj: Uj kutitawan kharkatitichisaj, mana kay pachallatachu, manachayqa janaj pachatawan, nispa.

2 Pedro 3:10

Tukuyta Kamachej Jesucristoj kutimunan chay p'unchayqa suwa jina chayamonqa. Chaypachataj, janajpis manchayta t'ojyaspa chinkarenqa, tukuy kaj chhikataj ninawan q'olaykusqa kanqa. Jinallataj kay pachapis, tukuy imantin kantumanta tukuchisqa kanqa.

Apocalipsis 15:8

Chaypacha temploman q'oshñi junt'aykorqa. Chay q'oshñeqa Diospa jatun kayninpa lliphipiyninmanta, jinataj jatun atiyninmanta llojsimorqa. Manataj pipis temploman yaykuyta aterqachu, chay qanchis angelkuna makinkupi wañuchej onqoykunata jap'isharqanku, chaykunata jich'ayta tukunankukama.

Apocalipsis 9:2

Chantá chay ch'aska ukhu pachata kicharejtin, chaymanta q'oshñi llojsimorqa, imaynatachus jatun hornomanta q'oshñi llojsin jinata. Chay q'oshñitaj intita, kay pachata ima laqhayaykucherqa.

Jueces 5:5

Qanmin Israelpa Tata Diosnin kanki. Qanpa ñawpaqeykipeqa orqokunapis kharkatiterqanku. Sinaipis kharkatitillarqataj.