Éxodo 18:9 - DIOSPA QHELQACHISQ

⁹ Jetroqa israelitakunarayku Tata Diospa sumaj ruwasqanmanta uyarispa, mayta kusikorqa. Kusikullarqataj Egipto llajtayojkunaj makinkumanta paykunata kacharichisqanmanta.

Qheshwa Biblia DC

⁹ Jetroqa chayta uyarispa mayta kusikorqa, chay jina allin imasta Señorqa ruwapusqanmanta Israelpa wawasninrayku, egipciospa kamachiyninmanta orqhomusqanmantawan.

DIOSPA QHELQACHISQAN DEUTEROCANONICAL

⁹ Jetroqa israelitakunarayku Tata Diospa sumaj ruwasqanmanta uyarispa, mayta kusikorqa. Kusikullarqataj Egipto llajtayojkunaj makinkumanta paykunata kacharichisqanmanta.

Éxodo 18:9 ပူးပေါင်းရင်းမြစ်များ

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 63:7

Noqaqa Tata Diospa khuyakuyninmanta yuyarikusajpuni, tukuy imata ruwasqanmantapis payta yupaychasaj. Mayta kusikullasajtaj jatuchaj k'acha imakunata Israelpaj ruwasqanmanta jatun khuyakuyninman jina, munakuyninman jinataj.

Isaías 66:10

Jerusalenwan khuska mayta kusirikuychej, payta munakojkuna. Payrayku llakiywan tukuy waqajkuna, tukuy kusisqa kaychej.

Romanos 12:10

Wawqe panakuna jina tukuy sonqo purajmanta munakuychej, ujkuna ujkunataj respetanakuychejpuni.

Romanos 12:15

Kusikojkunawan kusikuychej, waqajkunawantaj waqaychej.

1 Corintios 12:26

Sichus ukhunchejmanta ujnin iman ima nanayta ñak'arinman chayqa, paywan khuska tukuyninku ñak'arinku. Sitajchus ujnin iman jatunchasqa kanman chayqa, tukuyninku paywan kusikullankutaj.

1 Samuel 15:6

Chaynejmantapacha Saulqa quenitakunaman willachimorqa: Chay llajtamanta llojsiychej, ama qankunatapis paykunawan khuskata wañuchinaypaj. Israelitakuna Egiptomanta llojsimushajtinku, qankunaqa allinta paykunapaj ruwarqankichej, nispa. Quenitakunataj amalecitakunaj llajtankumanta riporqanku.