Éxodo 17:9 - DIOSPA QHELQACHISQ

⁹ Chantá Moisés Josueta nerqa: Qharikunamanta wakinta ajllaspa, amalecitakunawan maqanakoj riy. Noqataj q'aya orqo patapi kashasaj, Diospa qowasqan varata pataman oqharispa, nispa.

Qheshwa Biblia DC

⁹ Moisestaj Josueman nerqa: Wakin qharista ajllay, chaykunawan rispa amalecitaswan maqanakamuychej. Noqataj q'aya jatun orqo puntapi kamusaj, Diospa qowasqan tojnuta makiypi jap'irisqa.

DIOSPA QHELQACHISQAN DEUTEROCANONICAL

⁹ Chantá Moisés Josueta nerqa: Qharikunamanta wakinta ajllaspa, amalecitakunawan maqanakoj riy. Noqataj q'aya orqo patapi kashasaj, Diospa qowasqan varata pataman oqharispa, nispa.

Éxodo 17:9 ပူးပေါင်းရင်းမြစ်များ

1 Crónicas 7:27

Elisamaj churintaj Nun karqa, paypa churintaj Josué.

Éxodo 17:13

Josuetaj amalecitakunata espadawan wañurachispa atipaykorqa.

Éxodo 18:21

Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

Éxodo 24:13

Chantá Moisesqa yanapajnin Josuewan khuska Diospa orqonman wicharerqa.

Éxodo 33:11

Chaypi Tata Diosqa uyapura Moiseswan parlaj, imaynatachus pillapis kawsaqenwan parlarikun, ajinata. Dioswan parlaytawantaj, Moisesqa jaraman kutimoj. Moisespa yanapajnin Nunpata churin Josuetajrí, nipuni jayk'ajpis Dioswan tantakuna toldomanta kuyurejchu.

Éxodo 4:17

Jinallataj kay varata apanki, chaywan t'ukuna imakunata ruwanaykipaj, nispa.

Éxodo 4:2

Tata Diostaj kuticherqa: Imatataj jap'ishankiri? nispa. Moisestaj nerqa: Uj varata jap'ishani, nispa.

Éxodo 4:20

Chayrayku Moisés warminta, wawankunatawan ima burroman lloq'aykuchispa, Egiptoman kutirerqa. Jinallataj Diospa qosqan varatapis apallarqataj.

Números 11:28

Chantá Nunpata churin Josué, pichus waynamantapacha Moisesta yanapaspa karqa, chay, Moisesta nerqa: Wiraqochiy Moisés, Diosmanta sut'inchanankuta ama saqeychu ari, nispa.

Números 13:16

Paykunata Moisesqa Canaán jallp'ata qhawamunankupaj kacharqa. Moisestaj Nunpa churin Oseastarí “Josué”, nispa suticharqa.

Números 13:8

Efraín jatun ayllumantataj Nunpata churin Oseas,

Números 27:18

Tata Diostaj kuticherqa: Nunpa churin Josueta wajyay, imaraykuchus payqa sumaj wakichisqa runa. Chantá umanman makiykita churay.

Hechos 7:45

Chay toldotaqa ñawpa tatanchejkuna chayaqeta jina jap'erqanku. Aswan qhepamantaj paykunawan, Josuewan ima chay toldota aparqanku waj suyukunamanta qhechusqanku chay jallp'aman. Dios chay suyukunapi tiyakojkunata ñawpa tatanchejkunaj ñawpaqenkumanta qharqorqa. Jinataj toldo chay jallp'api karqa David wañupunankama.

Deuteronomio 32:44

Chantá Moisés Nunpa churin Josuepiwan ima jamuspa, kay takiyta israelitakunaj ñawpaqenkupi qallariyninmanta tukukuyninkama ñawirerqa.

Hebreos 4:8

Sichus Josuella ñawpa tatanchejkunata samarichinman karqa chayqa, Diosqa mana waj p'unchaymanta parlanmanchu karqa.

Josué 8:18

Chantá Tata Dios Josueta nerqa: Jap'ishanki, chay lanzata Hai llajtanejman oqhariy, Hai llajtaj contranta maqanakoj yaykunankupaj. Noqataj chay llajtata jap'iyta yanapasqayki, nispa. Jinata Tata Dios nejtintaj, Josueqa jap'isharqa chay lanzata Hai llajtanejman oqharerqa.

Josué 8:3

Chantá Josué, tukuy soldadonkuna ima Hai llajtayojkunawan maqanakoj rinankupaj wakichikorqanku. 30.000 soldadokunata ajllaspa, Josué paykunata tutallan kacharqa,