Éxodo 17:2 - DIOSPA QHELQACHISQ

² Chayrayku israelitakuna phiñarikuspa, Moisesta nerqanku: Ujyanaykupaj yakuta qowayku, nispa. Moisestajrí paykunata nerqa: Imaraykutaj noqamanta yakuta mañakushawankichejri? Imaraykutaj Tata Dios atiyniyoj kasqanmanta iskayrayashankichejri? nispa.

Qheshwa Biblia DC

² Israelitasqa phiñarikuspa Moisesman nerqanku: Yakuta qowayku ujyanaykupaj, nispa. Moisestaj paykunaman nerqa: Imaraykutaj phiñakuspa noqamanta yakuta mañakushawankichejri? Imaraykutaj Señorta pantachiyta munankichejri?

DIOSPA QHELQACHISQAN DEUTEROCANONICAL

² Chayrayku israelitakuna phiñarikuspa, Moisesta nerqanku: Ujyanaykupaj yakuta qowayku, nispa. Moisestajrí paykunata nerqa: Imaraykutaj noqamanta yakuta mañakushawankichejri? Imaraykutaj Tata Dios atiyniyoj kasqanmanta iskayrayashankichejri? nispa.

Éxodo 17:2 ပူးပေါင်းရင်းမြစ်များ

Salmos 106:13

Chaywanpis paykuna usqhayllata ruwasqaykimanta qonqaporqanku, manataj imatachus yuyaychasqaykita yachayta suyarqankuchu.

Salmos 106:14

Ch'innejpi kashaspa, munasqankuta mikhuyta munarqanku. Ajinata ruwaspataj, pacienciayki maykamachus kasqanta yachayta munarqanku.

Salmos 78:18

Tata Dios atinmanchu? nispa, munasqankuman jina mikhunata mañakorqanku.

Salmos 78:41

Paykuna ñataj ñataj Dios atiyniyojchus kasqanta yachariyta munarqanku. Ajinamanta Israelpa May Llimphu Diosninta phiñacherqanku.

Salmos 78:56

Paykunatajrí, Patapi Kaj Dios phiñakonqachus manachus, chayta yachariyta munaspa, paypa contranpi oqharikorqanku, kamachisqantapis mana kasorqankuchu.

Salmos 95:8

Ama sonqoykichejta rumiyachiychejchu, imaynatachus ñawpa tataykichejkuna Meribapi sonqonkuta rumiyacherqanku jinataqa, imaynatachus Masah ch'innejpi sonqonkuta rumiyacherqanku jinataqa.

Salmos 95:9

Chaypi ñawpa tataykichejkunaqa ruwasqayta rikushaspapis, phiñachinawankupaj jina ruwarqanku.

Éxodo 15:24

Chaymanta israelitakunaqa Moisespa contranta thutuspa, nerqanku: Imatataj kunan ujyasqaykuri? nispa.

Éxodo 16:8

Moisés nillarqataj: Tata Diosqa manaraj inti yaykuyta mikhunaykichejpaj aychata qosonqachej, tutamantataj ashkha t'antata qosonqachej. Chayta ruwanqa, imaraykuchus Diosqa paypa contranpi thutusqaykichejta uyarisunkichej. Noqaykurí, pitaj kayku? Qankunaqa mana noqaykoj contraykutachu thutorqankichej, manachayqa Tata Diospa contranta, nispa.

Éxodo 17:7

Chantá chaynejta “Meriba” sutiwan suticharqa, chaypi israelitakuna Moisespaj rimasqankurayku. Jinallataj chay cheqata sutichallarqataj “Masah”, nispa. Ajinata suticharqa, imaraykuchus chaypi Tata Diosmanta iskayrayarqanku: Noqanchejwanchu Tata Dios kashan, manachu? nispa.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Isaías 7:12

Ajaztajrí kuticherqa: Mana señalta mañakuymanchu, nitaj Tata Diosta mat'ikuymanchu ruwanantapuni yachayta munaspa, nispa.

Malaquías 3:15

Machu machu kajkunata ni imamanta llakiyniyojta kawsajta rikunchej. Millayta ruwaspa purejkunatapis tukuy imapi allillan rin. Paykuna Diosta phiñachinapaj jina imata ruwajtinkupis, mana jasut'isqachu kanku, nispa ninkichej.

Números 14:2

Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

Números 14:22

Paykuna Egiptopi, jinataj ch'innejpi t'ukuna imakunata ruwasqayta, chantá jatun kayniypa lliphipiyninta rikorqanku. Chaywanpis ashkha kutitaña iskayrayaspa kamachisqayta mana kasuwayta munarqankuchu.

Números 21:5

Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

San Mateo 4:7

Jesustajrí kuticherqa: Mana, imaraykuchus Diospa Qhelqachisqanpi nillantaj: Ama imatapis ruwankichu Tukuyta Kamachej Diosniyki atiyniyojchus manachus kasqanta yachariyta munaspa, nispa.

San Lucas 15:12

Sullk'a kajtaj tatanta nisqa: Tatáy, manaraj wañupushaspa kunanpacha chayaqeyta qopuway, nispa. Tatankutaj sapa ujninkuman chayaqenkuta qopusqa.

San Lucas 4:12

Jesustajrí kuticherqa: Mana, imaraykuchus Diospa Qhelqachisqanpi nillantaj: Ama Tukuyta Kamachej Diosniykita atiniyojchus manachus kasqanta yachariyta munaspa imatapis ruwankichu, nispa.

Hechos 15:10

Jina kajtenqa, imaraykutaj kunan qankunaqa Diospa contranpi sayaykunkichejri? Qankunataj Jesusta qhatikoj mana judiokunaman llasa q'epita jina Moisespa kamachisqankunata q'epirichiyta munankichej. Chay kamachisqakunataqa mana ñawpa tatanchejkuna, nitaj noqanchejpis junt'ayta aterqanchejchu, icharí?

Hechos 5:9

Chantá Pedroqa Safirata nerqa: Imaraykutaj qosaykiwan yachachinakorqankichej Tukuyta Kamachej Jesuspa Espiritunman llullakunaykichejpajri? Kunitan kay punkuman chayamushanku qosaykita p'ampamojkuna, paykunataj qantapis p'ampaj apallasonqankutaj, nispa.

1 Corintios 10:9

Jinallataj Cristo imata ruwananpaj atiyniyojchus manachus kasqanta yachariyta munaspa ama imatapis ruwanachu, imaynatachus paykunamanta wakin ruwarqanku, jinataqa. Chayta ruwasqankuraykutaj katarikunaj khanisqan wañurarqanku.

Deuteronomio 6:16

Ama Tata Diosniykichejta atiyniyojchus manachus kasqanta yachariyta munaspa, imatapis ruwankichejchu, imaynatachus Masahpi ruwarqankichej, ajinata.

Deuteronomio 9:22

Jinallataj qankunaqa Taberapi, Masahpi, Quibrot Hatavapi ima Tata Diosta phiñachillarqankichejtaj.

Hebreos 3:9

Chaypi ñawpa tataykichejkunaqa maykamachus pacienciay kasqanta yachayta munaspa, mana kasuwarqankuchu, tawa chunka wata junt'ata t'ukuna ruwasqayta rikushaspapis.

1 Samuel 8:6

Israelitakuna kuraj kamachejta mañasqankoqa Samuelman mana allinchu rijch'arqa. Chayrayku Tata Dioswan parlarikuspa, payta taporqa.