Éxodo 16:8 - DIOSPA QHELQACHISQ

⁸ Moisés nillarqataj: Tata Diosqa manaraj inti yaykuyta mikhunaykichejpaj aychata qosonqachej, tutamantataj ashkha t'antata qosonqachej. Chayta ruwanqa, imaraykuchus Diosqa paypa contranpi thutusqaykichejta uyarisunkichej. Noqaykurí, pitaj kayku? Qankunaqa mana noqaykoj contraykutachu thutorqankichej, manachayqa Tata Diospa contranta, nispa.

Qheshwa Biblia DC

⁸ Moisesqa nillarqataj: Ch'isiyaykuyta Señorqa aychata qosonqachej mikhunaykichejpaj; tutamantataj t'antata qosonqachej sajsakunaykichejkama mikhunaykichejpaj, imaraykuchus Señorqa uyarimusunkichej paypa contranta rimasqaykichejta. Noqaykoqa, pistaj kaykuri? Qankunaqa mana noqaykoj contraykutachu rimankichej, manachayqa Señorpa contranta rimashankichej.

DIOSPA QHELQACHISQAN DEUTEROCANONICAL

⁸ Moisés nillarqataj: Tata Diosqa manaraj inti yaykuyta mikhunaykichejpaj aychata qosonqachej, tutamantataj ashkha t'antata qosonqachej. Chayta ruwanqa, imaraykuchus Diosqa paypa contranpi thutusqaykichejta uyarisunkichej. Noqaykurí, pitaj kayku? Qankunaqa mana noqaykoj contraykutachu thutorqankichej, manachayqa Tata Diospa contranta, nispa.

Éxodo 16:8 ပူးပေါင်းရင်းမြစ်များ

Éxodo 16:12

Noqa uyarini israelitakuna noqapaj thutusqankuta. Chayrayku paykunata kay jinata ninki: Manaraj inti yaykuyta aychata mikhunkichej, tutamantataj t'antata sajsakunaykichejkama mikhunkichej. Ajinapi noqamin Tata Dios qankunaj Diosniykichej kasqayta yachankichej, nispa.

Éxodo 16:9

Chantá Moisés Aaronta nerqa: Niy tukuy israelitakuna Tata Diosman qayllaykamunankuta, imaraykuchus Diosqa paypaj rimasqankuta uyarin, nispa.

Éxodo 17:2

Chayrayku israelitakuna phiñarikuspa, Moisesta nerqanku: Ujyanaykupaj yakuta qowayku, nispa. Moisestajrí paykunata nerqa: Imaraykutaj noqamanta yakuta mañakushawankichejri? Imaraykutaj Tata Dios atiyniyoj kasqanmanta iskayrayashankichejri? nispa.

Isaías 32:6

Wampu runaqa manakaj imata thawtin, yuyayninpitaj millay imakunata wakichin. Mana allin kajta ruwayllata mask'an, Tata Diospa contrantataj mana allinkunallata parlan. Yarqhasqa kajta mana imayojta, ch'usajllata kacharpayan, yakumanta ch'akichikojmanpis manallataj yakuta jaywarinchu.

Isaías 37:29

Qanqa noqaj contrayta oqharikorqanki. Noqaj contraypi mayta phiñakusqaykita uyarini. Kunanrí senqaykiman fierro ganchota churasqayki, simiykimantaj frenota. Chantaqa may ñantachus jamorqanki, chayllatataj kutirichisqayki, nispa.

Números 11:18

Chantá israelitakunata nillaytaj: Q'ayapaj llimphuchakuychej Diospa ñawpaqenpi allinpaj qhawasqa kanaykichejpaj, imaraykuchus q'aya aychata mikhunkichej. Tata Diosqa waqaspa qhetesqaykichejta uyarerqa: Ay, pillapis mikhunanchejpaj aychata qowasunman. Egiptopi kashaspa, walejlla kasharqanchej, nispa. Ajinaqa Tata Dios mikhunaykichejpaj aychata qosonqachej.

Números 14:27

Mayk'ajkamataj israelitakuna contraypi millayta rimasqankuta awantasajri? Paykuna noqaj contrayta rimasqankuta uyarini.

Números 21:7

Chantá israelitakuna, Moisés kasharqa chayman rispa, nerqanku: Tata Diospa contranta, chantá qanpa contraykitawan ima rimaspa, juchalliyku. Ama jinachu kay, Tata Diosmanta mañapuwayku ari, kay katarikunata noqaykumanta chinkachinanta, nispa. Ajinaqa Moisés Tata Diosmanta mañakorqa israelitakunaj juchallisqankuta pampachananta.

San Mateo 10:40

Sichus pipis qankunata wajyarikusunkichej chayqa, noqata wajyarikushawan. Pichus noqata wajyarikuwajtaj Kachamuwajniyta wajyarikushan.

San Mateo 9:4

Jesustajrí imatachus yuyashasqankuta yachaspa, nerqa: Imaraykutaj sonqoykichejpi mana allin kajta yuyashankichejri?

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

San Juan 13:20

Sut'ita niykichej: Kachasqayta wajyarikojqa noqata wajyarikuwan, noqata wajyarikuwajtaj Kachamuwajniytapis wajyarikullantaj, nispa.

Romanos 13:2

Ajinaqa, sichus pipis kamachejkunata mana kasunchu chayqa, Diospa churasqanta mana kasunchu. Chayrayku mana kasukojkunaqa jasut'isqa kanqanku.

1 Corintios 10:10

Nillataj Diospa contranta thutunachu, imaynatachus paykunamanta wakin thutorqanku, jinataqa. Chaypacha Diospa angelninñataj paykunata wañuracherqa.

1 Tesalonicenses 4:8

Ajinaqa, pichus kay yachachisqaykuta pisipaj qhawajqa mana runatachu pisipaj qhawan, manachayqa Diosta, pichus Santo Espirituta qowarqanchej, chayta.

1 Samuel 8:7

Tata Diostajrí kay jinata kuticherqa: Israelitakuna imatachus mañakusqankuta uyarillay. Manamin qantachu qhesachashasunku, manachayqa noqatamin, ama paykunata kamachinaypaj.