Éxodo 16:3 - DIOSPA QHELQACHISQ

³ Nerqanku: Allin kanman karqa Egiptopi Tata Diospa makinpi wañunayku. Jaqaypeqa ashkha aychayoj mankaj ñawpaqenpi tiyarikoj kayku, t'antatapis sajsakunaykukama mikhoj kayku. Qankunarí kay jina ch'inman pusamuwayku, yarqhaymanta wañuchinawaykupaj, nispa.

Qheshwa Biblia DC

³ Ajinata nerqanku: Allin kanman karqa Egiptopi Señorqa wañurachinawayku. Chaypi aycha mankaykoqa ni jayk'aj pisejchu, chantapis t'antata mikhoj kayku sajsakunaykukama. Qankunaqa kay ch'in orqoman pusamuwayku yarqhaymanta wañuchinawaykupaj kay tukuyniykuta.

DIOSPA QHELQACHISQAN DEUTEROCANONICAL

³ Nerqanku: Allin kanman karqa Egiptopi Tata Diospa makinpi wañunayku. Jaqaypeqa ashkha aychayoj mankaj ñawpaqenpi tiyarikoj kayku, t'antatapis sajsakunaykukama mikhoj kayku. Qankunarí kay jina ch'inman pusamuwayku, yarqhaymanta wañuchinawaykupaj, nispa.

Éxodo 16:3 ပူးပေါင်းရင်းမြစ်များ

2 Samuel 18:33

33 (19.1) Chayta uyariytawan, kuraj kamachejqa sinch'i llakiywan chay llajta punku patapi wasi kasharqa, chayman wicharispa, waqayta qallarerqa. Puriykachaj jinataj nisharqa: Absalón wawáy, Absalón wawáy. Qan wañunaykimantaqa noqa wañuyman karqa. Wawáy, Absalón wawáy, nispa.

Job 3:1

Chantá Job manaña kakuyta atispa, paqarisqan p'unchayta maldicispa, parlayta qallarerqa.

Job 3:10

Maldicisqa kachun mamaypa wijsanmanta llojsimusqay tutaqa, kay jina llakiyta rikunaypaj paqarichiwasqanmanta.

Job 3:20

Imaraykutaj Tata Diosqa ñak'arej runata k'anchayta rikunanta saqellanri? Imaraykutaj may jina llakiyniyojtapis kawsachillanpuniri?

Salmos 107:5

Yarqhasqa, ch'akiyniyojtaj kaspa, wañuy patapiña kasharqanku.

Salmos 78:19

Paypaj rimaspa, nerqanku: Kay ch'innejpi Dios mikhunata qoyta atinmanchu?

Salmos 78:25

Israelitakunaqa angelkunaj mikhunankuta mikhorqanku, Diosninchejtaj paykunata sajsachinankama ashkha mikhunata qorqa.

Éxodo 14:11

Moisestapis nillarqankutaj: Manachu Egiptopi aya p'ampana karqa? Kay ch'inpi wañunaykupajchu pusamuwarqayku? Imatataj kayta ruwawaykuri? Imapajtaj Egiptomanta orqhomuwarqaykuri?

Éxodo 17:3

Chaywanpis israelitakunaqa manchay yaku ch'akiywan kaspa, Moisespaj thutorqanku: Ima nispataj Egiptomanta orqhomuwarqaykuri? Wawaykuta, uywaykutawan yaku ch'akiymanta wañuchinawaykupajchu kayman pusamuwayku? nispa.

Éxodo 2:23

Chaymanta aswan qhepanejman Egipto suyuta kuraj kamachej wañuporqa. Israelitakunatajrí, wata runa kasqankumanta waqarikuspa, qhaparikorqanku. Diostaj sinch'i ñak'arispa qhaparikusqankuta uyarerqa.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Jeremías 42:14

Manachayqa Egiptoman tiyakoj ripuyta munayku. Chaypi maqanakuta mana rikusqaykuchu, manataj soldadokunata wajyaj cornetata waqajta uyarisqaykuchu, manallataj yarqhaymantapis wañusqaykuchu, nispa.

Jeremías 44:17

Manachayqa ruwallasqaykupuni, imatachus ruwanaykuta nerqayku, chayta. Inciensota q'oshñichillasqaykupuni, vinotapis ch'allasqayku Janaj Pachaj Qoyan nisqa diosman, imaynatachus kunankama kuraj kamachejniyku, noqayku, ñawpa tatayku ima ruwarqayku, ajinata. Judá llajtakunapi, jinallataj Jerusalenpa callenkunapipis Janaj Pachaj Qoyan nisqa diosman inciensota q'oshñichillarqaykupuni, imaynachus ñawpa tataykukuna ruwarqanku, ajinata. Chaypacha chayta ruwasqaykurayku ñawpajta ashkha mikhuna tiyapuwaj kayku, atipachikunaykupaj jina. Tukuy imapi allin riwaj kayku, manataj ima ñak'ariypis noqaykuta qhatiriwajchu kayku.

Lamentaciones 4:9

Espadawan ujllapi wañuchisqa kajkunaqa aswan allin wañuyta rikunku, yarqhaywan ch'ayñaspa wañojkunamanta nisqaqa, imaraykuchus mikhuna mana kasqanrayku, paykunaqa pisimanta pisi wañushanku.

Números 11:15

Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.

Números 11:20

Manachayqa amichikunaykichejkama, chantá millachikunaykichejkama aychata uj killa junt'ata mikhunkichej, imaraykuchus qankunawan kashaj Tata Diosta pisipaj qhawarqankichej. Qankunaqa Diospa ñawpaqenpi waqarqankichej: Imapajtaj Egiptomanta llojsimorqanchejri? nispa.

Números 14:2

Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

Números 14:3

Imapajtaj Tata Dios kayman pusamuwarqanchejri? Maqanakupi wañunanchejpajchu? Warminchejkunata, wawanchejkunata ima awqanchejkuna jap'inankupajchu? Aswan allin kanman Egiptoman kutipunanchej, nispa.

Números 16:13

Qanpajqa pisichu, lechewan, abeja misk'iwan purishaj jallp'amanta orqhomuspa, kay ch'innejpi wañuchinawaykupaj pusamuwasqaykoqa? Kunantaj, qan kamachejniyku kayta munashanki.

Números 16:41

41 (17.6) Q'ayantinrí tukuy israelitakunaqa Moisespaj, Aaronpaj ima rimarqanku: Qankunaqa Tata Diospa ayllunta wañurachishankichej, nispa.

Números 21:5

Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

Hechos 26:29

Pablotaj kuticherqa: Manaraj imapipis, chayrí unaymantawanpis Dios munachun noqa jina Jesuspi atinikoj kanaykichejta, mana qanllachu, manachayrí tukuy uyariwajkuna ima. Chaywanpis mana munaymanchu noqa jina cadenawan watasqa kanaykichejta, nispa.

1 Corintios 4:8

Qankunajtaqa tukuy imatachus munasqaykichej tiyapusunkichejña, qhapajñataj kankichej, jinataj kuraj kamachejkuna jina mana noqallaykuwan kamachishankichej. Walej kanman cheqapuni kuraj kamachejkuna jina kamachinaykichej, noqaykupis qankunawan khuska kamachinaykupaj.

2 Corintios 11:1

Walej kanman, qankuna manapis yuyayniypichu kashayman jina parlasqayta awantarinawaykichej. Arí, pacienciawan awantariwaychej.

Deuteronomio 28:67

Chay jinatapuni manchachikusqaykirayku, chay jina llakiytataj rikusqaykirayku, sut'iyayta ninki: Ch'isiyallanmanña, nispa. Ch'isintaj ninki: Sut'iyallanmanña, nispa.

Deuteronomio 8:3

Tata Diosqa ñak'arichisorqachej, yarqhachisorqachej chaypis, maná nisqata mikhuchisorqachej. Chay mikhunata qankuna, jinataj ñawpa tataykichejkunapis mana rejserqankichejchu. Tata Dios ajinata ruwaspa, yachanaykichejta munarqa, runaqa mana mikhunallawanchu kawsasqanta, aswanpis Tata Diospa tukuy nisqanwan kawsasqanta.

Josué 7:7

Josuetaj nerqa: Ay, Tukuyta Kamachej Tata Dios. Imapajtaj kay runakunata Jordán mayuta chimpachimorqankiri? Amorreokunaman jaywaykuspa paykuna tukuchinawaykupajchu chimpachimuwarqayku? Walej kanman karqa Jordán mayu chimpallapi qhepakunayku.