Éxodo 16:23 - DIOSPA QHELQACHISQ

²³ Moisestaj paykunata nerqa: Tata Dios ajinata kamachin: Q'ayaqa samarina p'unchay kashan, chay p'unchaytaj Tata Diospaj t'aqasqa. Chayrayku kunan chayachiychej imatachus chayachinaykichejta, t'impuchiychejtaj imatachus t'impuchinaykichejta. Chantá puchoj mikhunata q'ayapaj waqaychaychej, nispa.

Qheshwa Biblia DC

²³ Moisestaj nerqa: Chayta ruwanaykichejta Señorqa kamachin. Q'ayaqa samarikuna p'unchay Señorta yupaychanapaj. Kunan chayachikuychej imatachus chayachinaykichej kajta; t'impuchiychej imatachus t'impuchinaykichej kajta. Chantaqa ima mikhunachus puchun chaytapis q'ayapaj waqaychaychej.

DIOSPA QHELQACHISQAN DEUTEROCANONICAL

²³ Moisestaj paykunata nerqa: Tata Dios ajinata kamachin: Q'ayaqa samarina p'unchay kashan, chay p'unchaytaj Tata Diospaj t'aqasqa. Chayrayku kunan chayachiychej imatachus chayachinaykichejta, t'impuchiychejtaj imatachus t'impuchinaykichejta. Chantá puchoj mikhunata q'ayapaj waqaychaychej, nispa.

Éxodo 16:23 ပူးပေါင်းရင်းမြစ်များ

Nehemías 9:13

Chaymanta Sinaí orqoman urayk'amorqanki, paykunamantaj parlamorqanki. Cheqan kamachisqaykita, cheqan sumaj yachachisqaykita ima paykunaman qorqanki.

Nehemías 9:14

Yachachillarqankitaj samarina p'unchaypi samarinankumanta. Kamachiyki Moisesnejta paykunaman waj kamachisqakunatawan, yachachiykunatawan ima yachacherqanki.

Éxodo 16:19

Chantá Moisés nillarqataj: Ama pipis q'ayantinpaj jallch'akunkichejchu, nispa.

Éxodo 23:12

Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

Éxodo 31:15

Sojta p'unchayta llank'ankichej, qanchis kaj p'unchaytaj samarina p'unchay Tata Diospaj t'aqasqa kanqa. Chayrayku pichus chay p'unchaypi imatachus ruwananta ruwajqa wañuchisqa kanqa.

Jeremías 17:22

Amallataj samarina p'unchaypi wasiykichejmanta q'epillatapis orqhoychejchu, nillataj ima ruwanallatapis chay p'unchaypi ruwaychejchu. Manachayqa samarina p'unchaytaqa noqapaj t'aqapuwaychej, imaynatachus ñawpa tataykichejman kamacherqani, ajinata.

Levítico 23:3

Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Números 11:7

Maná nisqaqa culantro mujuman rijch'asqa karqa, thaqoj waqaynin jina q'ellu.

Números 11:8

Q'apaynenqa mosoj aceite jina karqa. Runakunaqa llojsispa, pallakamoj kanku. Chantá chayta kutaj kanku, manachayrí takaj kanku. Jinaspataj, chayachej kanku, manachayrí tortillata ruwakoj kanku.

San Lucas 23:56

Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.

Deuteronomio 5:12

Samarina p'unchayta Tata Diospaj t'aqanaykimanta ama qonqankichu, imaynatachus Tata Dios kamachisusqanman jina.

Apocalipsis 1:10

Uj kuti Tukuyta Kamachej Jesuspa p'unchayninpi noqa Santo Espíritoj kamachiyninpi kaspa, Tata Diosta yupaychasharqani. Jinallaman qhepaymanta jatunmanta uj parlamojta uyarerqani, chay parlasqantaj trompetaj waqasqan jina karqa.