Éxodo 15:7 - DIOSPA QHELQACHISQ

⁷ Qanqa may jina atiyniykiwan contraykita oqharikojkunata atipanki. K'araj phiñakuyniykitaj ichhuta jina paykunata q'olarparin.

Qheshwa Biblia DC

⁷ Qanqa jatun atiyniykiwan chinkarparichinki contraykita oqharikojkunata, chayri qanwan maqanakuyta munajkunata. K'ajaj phiñakuyniyki trigo pajata jina q'olarparin.

DIOSPA QHELQACHISQAN DEUTEROCANONICAL

⁷ Qanqa may jina atiyniykiwan contraykita oqharikojkunata atipanki. K'araj phiñakuyniykitaj ichhuta jina paykunata q'olarparin.

Éxodo 15:7 ပူးပေါင်းရင်းမြစ်များ

Job 9:4

Diosqa may yachayniyoj, may atiyniyojtaj. Pitaj Diosman sayaykuspa, llimphu llojsiyta suyanmanri?

Salmos 148:13

Tata Diospa sutinta tukuy jatunchachunku, imajtinchus paypa sutillan manchay jatun respetowan qhawasqa kashan. Paypa jatun kayninpa lliphipiynenqa kay pachamanta, jinallataj janajmantapis aswan patapi kashan.

Salmos 59:13

13 (14) Phiñakuyniykiwan paykunata chinkachiy, amañataj kawsachunkuchu. Chay jinapi tukuy yachanqanku qan Dios Jacobpa ayllunpi kamachisqaykita.

Salmos 68:33

33 (34) pichus wiñaymantapacha janaj pachapi purishan, chayman. Qhon qhon jina jatunmanta parlasqantapis uyariychej.

Salmos 83:13

13 (14) Diosníy, paykunata muyoj wayrata jina ruway, wayraj apanan ch'aki laqhe jinatataj.

Éxodo 14:27

Sut'iyashajtinña, Moisés mama qochanejman makinta oqharerqa, mama qochapi yakutaj ujllata maychus kananman kutiykaporqa. Egiptomanta soldadokunarí ayqeshaspa, yakuwan tinkukorqanku. Ajinata Tata Dios Egiptomanta soldadokunata yakuwan mama qochapi chinkarparicherqa.

Éxodo 5:12

Chayrayku israelitakuna tukuy Egipto suyuman rispa, rastrojota ichhoj cuentanmanta apamorqanku.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Isaías 37:17

Uyariway ari Tata Dios, ñawiykita kicharispa, qhaway ari. Senaqueribpa tukuy nisqanta uyariy ari. Pay kayta apachimuwan, kawsaj Diospa contraykita millayta rimaspa.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 37:29

Qanqa noqaj contrayta oqharikorqanki. Noqaj contraypi mayta phiñakusqaykita uyarini. Kunanrí senqaykiman fierro ganchota churasqayki, simiykimantaj frenota. Chantaqa may ñantachus jamorqanki, chayllatataj kutirichisqayki, nispa.

Isaías 37:36

Chantá chay ch'isipacha, maypichus Asiriamanta soldadokuna jarakusharqanku, chayman Tata Diospa angelnin rispa, 184.000 soldadokunata wañuracherqa. Q'ayantintaj soldadokunamanta mana wañojkuna tukuynejpi wañusqa soldadokunata rikorqanku.

Isaías 37:38

Aswan qhepamantaj kuraj kamachej Senaquerib, Nisroc sutiyoj diosninta yupaychashajtin, iskaynin churinkuna Adramelecwan, Sarezerwan ima tatankuta espadawan wañurparicherqanku, chaymantataj Ararat cheqanejman ayqerqanku. Chantá Senaqueribpa churin Esarjadón paypa cuentanmanta kuraj kamachej karqa.

Isaías 47:14

Chaykunarí q'opa jinalla kanqanku. Ninaqa paykunata ruphaykonqa, manataj nina lawraymanta ayqekuyta atenqankuchu. Chay ninaj k'ajaynenqa mana ñawpaqenpi tiyarikuspa q'oñikunapajchu.

Isaías 5:16

Tukuy Atiyniyoj Tata Diosrí justiciata ruwaspa, jatunchasqa kanqa. May Llimphu kaj Diosqa may llimphu kasqanta rikuchenqa cheqan kajta ruwaspa.

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Jeremías 10:6

Chantá Jeremías nerqa: Tata Dios, mana pipis qan jinaqa kanchu. Qanqa may jatun kanki, sutiykitaj may atiyniyoj.

Miqueas 4:11

Kunan ashkha suyukuna contraykipi tantaykukuspa, ninku: Jakuchej, Jerusalén llajta sarusqa kasqanta rikuspa, manchayta kusikusunchej, nispa.

Zacarías 14:3

Chantá Tata Dios llojsispa, chay suyukunaj contrankupi maqanakonqa, imaynatachus soldadokuna maqanakunku, ajinata.

Zacarías 14:8

Chaypacha Jerusalenmanta ch'uwa jutoj yaku purirenqa, chay yakutaj q'oñi tiempopipis, chiri tiempopipis mana ch'akenqachu. Khuskannenqa Wañusqa Qocha nisqaman renqa, khuskannintaj mama qochaman.

Zacarías 2:8

8 (12) Tukuy Atiyniyoj Tata Dios kayta willanaypaj kachamuwarqa, pikunachus tukuy imaykichejta ch'uskirasorqachej, chay suyukunaj contrankupi: Pillapis qankunata llankhaykojqa ñawi papaytapis llankhaykunman jina.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

San Mateo 3:12

Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

Hechos 9:4

Paytaj pampaman choqakorqa, parlamojtataj uyarerqa: Saulo, Saulo, imaraykutaj qhatiykachashawankiri? nispa.

Deuteronomio 33:26

Jesurunpa Diosnin jinaqa mana pipis kanchu. Payqa Israel ayllunta yanapananpaj janajpi phuyu chawpipi may jina atiyninwan purin.

Deuteronomio 4:24

Tata Diosniykichejqa manchay celosomin. Sichus pay jasut'isunkichejman chayqa, tukuy imata ruphaj nina jina tukuchisunkichejman.

Hebreos 12:29

Ajinata ruwana, imaraykuchus Diosninchejqa tukuy imata q'olarparej nina jinamin.