Éxodo 15:26 - DIOSPA QHELQACHISQ

²⁶ Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Qheshwa Biblia DC

²⁶ Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

DIOSPA QHELQACHISQAN DEUTEROCANONICAL

²⁶ Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Éxodo 15:26 ပူးပေါင်းရင်းမြစ်များ

1 Reyes 11:33

Chayta ruwasaj, imaraykuchus Salomonqa noqata saqerpariwaspa, yupaychan sidonioj diosninku Astoretta, Moabpa diosnin Quemosta, amonitakunaj diosninku Moloctawan ima. Paypa ruwasqanqa mana sonqoypa munasqanman jinachu, kamachisqayta mana kasuwarqachu, nitaj nisqayta cheqanta ruwarqachu, imaynatachus tatan David junt'arqa, jinataqa.

1 Reyes 11:38

Sichus kay tukuy kamachisusqayta uyariwanki, munasqayman jinataj purinki, cheqanta ruwaspa, kamachisqayta, nisqaytawan kasuspa, kamachiy David junt'arqa jinata chayqa, noqaqa qanwan kasaj. Aylluykimanta kuraj kamachejkunaqa kanqankupuni, imaynachus Davidpa ayllunmanta kanku ajinata, Israel suyutataj qanman jaywasqayki.

2 Reyes 2:21

Eliseotaj yaku juturiman rispa kachita jich'aykamorqa, nerqataj: Tata Diosqa ajinata nin: Kay yakutaqa noqa misk'i yakuman tukuchini. Manaña jallp'ata t'ajrayachenqachu, nitaj runatapis onqochenqañachu, nispa.

2 Reyes 20:5

Kutispa, aylluypa kurajnin Ezequiasta nimuy: Ñawpa tatayki Davidpa Tata Diosnin ajinata nisunki: Mañakuwasqaykita uyarini, imaynatachus waqasqaykitapis rikullanitaj. Onqoyniykimanta thañichisqayki, kaymanta kinsa p'unchaymantaj Tata Diospa Templonman rinki.

2 Reyes 22:2

Josiasqa Tata Diospa munasqanman jina cheqanta ruwarqa, imajtinchus tukuy imata ñawpa tatan David jina ruwaspa purerqa.

Job 5:18

Sichus pay runaj ukhunta nanaykuchin chayqa, payllataj jampenqa. Sichus runata onqochin chayqa, payllataj thañichenqa.

Salmos 103:3

Paymin tukuy millay ruwasqayta pampachan, tukuy onqoymantapis thañichiwan.

Salmos 147:3

Payqa sonqo p'akisqa kajkunata kawsarichin, k'irisqa kajtapis jampiykun.

Salmos 81:9

9 (10) Ama waj llajtayojkunaj diosninkukunata jap'ikuychu, nitaj waj dioskunata yupaychaychu.

Éxodo 12:29

Jinapi chawpi tutata Tata Diosqa Egipto llajtayojkunaj tukuy kuraj kaj churinkunata wañuracherqa. Wañucherqa faraonpa kuraj kaj churin, pichus kamachinan tiyanapi tiyaykunan karqa, chaymanta, carcelpi wisq'asqa kasharqa, chaypa kuraj kaj churinkama. Jinallataj tukuy uywakunaj phiwi uñantapis wañuchillarqataj.

Éxodo 19:5

Kunantaj sichus nisqayta uyarinkichej, trato ruwasqaytapis junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin.

Éxodo 19:6

Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 23:25

Qankunaqa noqa Tata Diosnillaykichejta yupaychawankichej, noqataj mikhunata, yakutapis may chhikata qosqaykichej. Tukuy onqoymantataj qankunata jark'asqaykichej.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Isaías 57:18

Imaynatachus kawsasqanta rikuni. Chaywanpis noqa payta qhaliyachisaj, pusaykachaspataj sonqochasaj, kusichisaj ima.

Jeremías 11:7

Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 17:24

Tata Dios nillantaj: Cheqatapuni kasuwaychej, amapunitaj samarina p'unchaypi kay llajtaj punkunkunanejta ima q'epitapis apaychejchu. Chay p'unchayta noqapaj t'aqapuwaychej, amataj ima ruwanaykichejtapis ruwaychejchu.

Jeremías 30:17

Noqataj tukuy k'irisqa kasqaykichejta jampiykusaj, ajinamantataj nanasqaykikunata thañichisaj, imaraykuchus awqaykichejkuna qanmanta ninku: Sionqa saqerparisqa, manataj pipis paymanta yuyarikunchu, nispa. Noqa Tata Diosmin chayta nini.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 7:23

Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.

Ezequiel 18:5

Cheqan runaqa cheqan kajta ruwan, maychus kajtataj.

Oseas 11:3

Makinmanta jap'ispa, noqa Efrainta puriyta yachacherqani. Chaywanpis pay mana repararqachu noqamin payta waqaychashasqayta.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Levítico 26:13

Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Levítico 26:3

Sichus kamachisqayman jina purinkichej, kamachisqayta kasuspataj chayman jina ruwankichej chayqa,

Números 12:13

Chantá Moisesqa Tata Diosmanta mañaporqa: Tata Diosníy, mañarikuyki Mariata thañichipunaykita, nispa.

Deuteronomio 12:25

Amapuni yawarta mikhunkichejchu, qankunapis wawaykichejkunapis kusiy kawsayta rikunaykichejpaj. Yawarta mana mikhuspaqa, Tata Diospa munasqanta ruwashankichej.

Deuteronomio 12:28

Tukuy kamachisqayta kasuychej, junt'aychejtaj. Sichus Tata Diospa munasqanman jina allin kajta, cheqan kajtataj ruwankichej chayqa, qankunata, wawaykichejtapis allinpuni risonqachej.

Deuteronomio 13:18

18 (19) Ajina kanqa sichus Tata Diosniykichejta kasuspa, kunan kamachisqasuyta junt'ankichej, jinataj paypa ñawpaqenpi cheqan kajta ruwankichej chayqa.

Deuteronomio 28:27

Tata Diosqa Egipto llajtayojkunata jina ch'upuwan ñak'arichisonqa. Sarnawan, tijlla onqoywan, chantá sejsi onqoywan ima onqochisonqa. Chay onqoykunamanta qhaliyanaykipajtaj mana imawanpis jampikuyta atinkichu.

Deuteronomio 28:58

Sichus kay qhelqapi qhelqasqa kamachisqakunata mana kasunkichu, nillataj Tata Diosniykej llimphu sutinta mana jatunpaj qhawankichu chayqa,

Deuteronomio 28:60

Tata Diosqa Egipto suyuta ima onqoykunawanchus ñak'aricherqa, chaykunata qanman kachaykamusonqa. Chaykunata rikuspa, mancharerqanki, jinapis chay ñak'ariykuna qhatiykachasonqa.

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.

Deuteronomio 5:1

Moisés tukuy israelitakunata tantaspa, nerqa: Israelitakuna, kamachisqakunata, yachachiykunata ima kunan willashaykichej, chaykunata uyariychej. Sumajta yachaqaychej, chaykunaman jinataj ruwaychej.

Deuteronomio 7:15

Tata Diosqa tukuy imaymana onqoykunata qankunamanta karunchanqa. Egiptopi rikorqankichej, chay millay onqoykunata mana qankunaman apachimonqachu. Manachayqa chejnikusojkunata chaykunawan ñak'arichenqa.