Éxodo 15:25 - DIOSPA QHELQACHISQ

²⁵ Chantá Moisesqa Tata Dios yanapananta mañakorqa. Tata Diostaj uj sach'ata Moisesman rikucherqa. Moisestaj chayta k'utuspa, yakuman wijch'uykorqa, yakutaj ujyanapaj jina tukorqa. Chay Mará cheqapi Tata Diosqa paykunaman kamachisqakunata qorqa, chayman jina kawsanankupaj, yachananpajtaj imaynachus sonqonku kasqanta.

Qheshwa Biblia DC

²⁵ Moisestaj Señormanta mañakorqa yanapata, Señortaj rikucherqa uj sach'ata. Moisestaj chayta yakuman chhapuykorqa, chaywantaj yakusta misk'iyacherqanku. Chaypi Señorqa paykunaman qorqa kamachiykunata, imaynatachus purinankupaj, yachanampajtaj imaynachus sonqonku kasqanta.

DIOSPA QHELQACHISQAN DEUTEROCANONICAL

²⁵ Chantá Moisesqa Tata Dios yanapananta mañakorqa. Tata Diostaj uj sach'ata Moisesman rikucherqa. Moisestaj chayta k'utuspa, yakuman wijch'uykorqa, yakutaj ujyanapaj jina tukorqa. Chay Mará cheqapi Tata Diosqa paykunaman kamachisqakunata qorqa, chayman jina kawsanankupaj, yachananpajtaj imaynachus sonqonku kasqanta.

Éxodo 15:25 ပူးပေါင်းရင်းမြစ်များ

2 Reyes 2:21

Eliseotaj yaku juturiman rispa kachita jich'aykamorqa, nerqataj: Tata Diosqa ajinata nin: Kay yakutaqa noqa misk'i yakuman tukuchini. Manaña jallp'ata t'ajrayachenqachu, nitaj runatapis onqochenqañachu, nispa.

2 Reyes 4:41

Eliseotajrí nerqa: Jak'uta apamuwaychej, nispa. Chantá jak'uta mankaman t'akaykuspataj, nerqa: Kunanqa mikhunankupaj qaraychej, nispa. Chantá mikhorqanku, manataj onqocherqachu.

2 Reyes 6:6

Chantá Eliseo taporqa: Maymantaj urmaykunri? nispa. Paytaj maymanchus urmaykusqanta rikucherqa. Chantá Eliseo uj k'aspita k'utuytawan, chaynejman choqaykorqa, jachataj tuytumorqa.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

Salmos 66:10

Diosniyku, imaynachus kasqaykuta reparachinawaykupaj qan uj ruwanaman churawarqayku. Qolqe metalta jina ninapi ch'uwachawarqayku.

Salmos 81:7

7 (8) Qan llakiyniykipi wajyakuwarqanki, noqataj qhespicherqayki, qhon qhon phuyu ukhumantataj uyarimorqayki. Chantá Meriba juturi kantupi maykamachus noqapi atinikuwasqaykita, yachayta munarqani, nispa.

Salmos 91:15

Pay wajyawajtin, noqa uyarisaj. Llakiypipis noqa paywan kasaj, kacharichispataj, payta jatunchasaj.

Salmos 99:6

Moiseswan, Aaronwan sacerdotenkuna karqanku. Samuelpis Diospa sutinta oqharejkunawan khuska yupasqa karqa. Paykuna Tata Diosmanta mañakoj kanku, paytaj mañakusqankuta uyarej.

Éxodo 14:10

Israelitakunarí faraonta, soldadokunatawan ima qayllaykushasqankuta rikuspa, maytapuni mancharikorqanku. Chayrayku Tata Diosman qhaparikorqanku.

Éxodo 16:4

Chantá Tata Dios Moisesta nerqa: Noqa janajmanta mikhunata parachimusaj. Sapa p'unchay israelitakuna toldonkumanta llojsispa, uj p'unchay mikhunankupaj jinalla pallakonqanku. Ajinamanta yachasaj kamachisqayta kasonqankuchus, manachus, chayta.

Éxodo 17:4

Chantá Moisesqa Tata Diosmanta mañakorqa: Imanasajtaj kay runakunawanri? Tumpamantawan rumiwan ch'anqaspa, wañuchiwanqanku, nispa.

Éxodo 20:20

Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

Proverbios 17:3

Qoritawan, qolqe metaltawan ninapi unuyachispa ch'uwanchanchej. Runaj sonqon imaynachus kasqantarí Tata Dioslla yachan.

Jeremías 15:1

Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Jeremías 9:7

7 (6) Chayrayku noqa Tukuy Atiyniyoj Tata Dios nillanipuni: Imatañataj kay aylluywan astawan ruwayta atiymanri? Noqaqa qorita jina ninapi unuyachispa, paykunata ch'uwachasaj.

Ezequiel 47:7

Kutishaspataj, noqa mayoj puraj kantunpi ashkha sach'ata rikorqani.

Ezequiel 47:8

Chaypacha runa niwarqa: Kay yakoqa inti llojsimuynej cheqaman rishaspa, Arabá nisqaman urayk'onqa, Wañusqa Qochamantaj yaykonqa. Chayman chayaspataj, yakoqa misk'iyanqa.

1 Corintios 1:18

Wakinkuna yuyanku Cristo cruzpi wañusqanmanta willanaqa mana yuyayniyoj runaj thawtisqan kasqanta. Chaykunarí mana qhespichisqachu kanqanku. Chaywanpis noqanchej qhespichisqa kajkunapaj chay willayqa Diospa atiynin.

Deuteronomio 13:3

3 (4) amapuni payta uyarinkichejchu. Chaynejta Tata Diosniykichej yachariyta munan cheqatapunichus tukuy sonqoykichejwan, tukuy almaykichejwan ima payta munakusqaykichejta.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Jueces 2:22

Ajinamanta Tata Diosqa yachayta munasharqa israelitakunaqa Tata Diosta kasukuspa purinkumanchus manachus, chayta, imaynatachus ñawpa tatankuna purisqanku, ajinata.

Jueces 3:1

Tata Dios wakin llajtayojkunata saqerqa, israelitakunata maqanakuyta yachachinanpaj, pikunachus Canaán suyupi maqanaku kasqanmanta mana yacharqankuchu, chaykunapaj.

Jueces 3:4

Chay runakunawan Tata Diosqa yachayta munarqa israelitakuna kasunankutachus chayrí manachus, Moisesnejta ñawpa tatankukunaman qosqa, chay kamachisqakunata.