Éxodo 15:21 - DIOSPA QHELQACHISQ

²¹ Mariataj ajinata takerqa: Takiychej Tata Diosta jatunchaspa, imaraykuchus payqa awqankunata atipasqata atipan. Mama qochaman carretakunata, caballopi rejkunata ima p'ultiykun, nispa.

Qheshwa Biblia DC

²¹ Mariataj takerqa ajinata: Takiychej Señorta yupaychaspa, imaraykuchus payqa manchay t'ukuytapuni atipan, mar qochapi carrosta, caballospi rejkunata ima chinkachispa.

DIOSPA QHELQACHISQAN DEUTEROCANONICAL

²¹ Mariataj ajinata takerqa: Takiychej Tata Diosta jatunchaspa, imaraykuchus payqa awqankunata atipasqata atipan. Mama qochaman carretakunata, caballopi rejkunata ima p'ultiykun, nispa.

Éxodo 15:21 ပူးပေါင်းရင်းမြစ်များ

2 Samuel 1:20

Chaytaqa ama willaychejchu Gat llajtapi, nillataj willaraychejchu Ascalón llajtapipis, ama chay filistea warmikuna kusikunankupaj, nitaj lantikunata qhatejkunaj ususinku kusiywan tusunankupaj.

2 Samuel 6:14

Davidqa linomanta unku p'achawan p'achallisqa risharqa, Tata Diospa ñawpaqenpi tukuy kallpanwan tusurispa.

2 Crónicas 5:13

Chantá cornetata waqachinankupaj tukuyninku churakorqanku, tukuyninkutaj Tata Diosta yupaychaspa uj runa jinalla, pachis nispa takisharqanku. Cornetata, platillota, waj tocanatapis tocarispa, takisharqanku: Tata Diosqa may k'achamin, munakuynintaj wiñaypajmin, nispa. Ajinata takishajtinkutaj, chay Tata Diospa Templonman phuyu ujllata junt'aykorqa.

Salmos 76:6

6 (7) Tata Dios, Jacobpa Diosnin, qan manchaykuchejtiyki, carretakunapis, caballokunapis mana kuyuriyta aterqankuchu.

Éxodo 15:1

Chantá chay qhepata Moiseswan, israelitakunawan ima kay takiyta Tata Diosman takerqanku: Tata Diosman takisaj, imaraykuchus payqa t'ukunata atipaykuspa, caballopi rejkunata, caballontinta mama qochaman p'ultiykun.

Éxodo 15:4

Tata Diosqa faraonpa carretankunata, soldadonkunatawan ima mama qochaman wijch'uykun. Sumaj capitanninkunaqa Puka Mama Qochapi p'ultisqa wañunku.

Apocalipsis 14:3

Chay runakuna Diospa kamachinan tiyanaj ñawpaqenpi, jinataj tawa kawsajkunaj, chantá kuraj runakunaj ñawpaqenkupi ima uj mosoj takiyta takisharqanku. Chay takiyta mana pipis yachaqakuyta aterqachu, manachayqa chay 144.000 runakunalla, pikunatachus kay pachapi kajkuna ukhumanta Cordero ashkha preciota pagaspa kacharichisqa, chaykunalla.

Apocalipsis 15:3

Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.

Jueces 5:3

Uyariwaychej, qankuna kuraj kamachejkuna, uyariwaychej, qankuna kamachejkuna. Kunan takisaj Tata Diosman. Kunan takisaj Israelpa Tata Diosninman.

1 Samuel 18:6

David jatunkaray filisteota wañuchisqanmanta qhepata soldadokuna kutimpushajtinku, tukuy llajtamanta warmikuna kuraj kamachej Saulta taripaj llojserqanku, kusiymanta takispa, tususpa, tukuy imaymana tocanakunata tocarispa ima.

1 Samuel 18:7

Warmikunataj tusoj jina ajinata takerqanku: Saulqa waranqa runakunata wañucherqa, Davidtaj chunka waranqata, nispa.