Éxodo 15:16 - DIOSPA QHELQACHISQ

¹⁶ Paykunaj patankuman kharkatitiy, manchachikuy ima urmachun. May jina atiyniykiwan rumi jina titipacha kachunku, Israel aylluyki pasanankama, orqhokapusqayki ayllu chimpanankama.

Qheshwa Biblia DC

¹⁶ Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

DIOSPA QHELQACHISQAN DEUTEROCANONICAL

¹⁶ Paykunaj patankuman kharkatitiy, manchachikuy ima urmachun. May jina atiyniykiwan rumi jina titipacha kachunku, Israel aylluyki pasanankama, orqhokapusqayki ayllu chimpanankama.

Éxodo 15:16 ပူးပေါင်းရင်းမြစ်များ

Génesis 35:5

Chantá paykuna chaynejmanta llojsishajtinku, Diosqa muyuyninkupi llajtayojkunaj sonqonkuman manchachikuyta churarqa. Chayrayku Jacobpa churinkunata mana qhatiykorqankuchu.

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

Salmos 105:38

Egipto llajtayojkunataj israelitakunata ripushajta rikuspa, kusikorqanku, imaraykuchus sinch'i mancharisqa kasharqanku.

Salmos 74:2

Aylluykimanta yuyarikuy, unaymantapacha rantikusqaykimanta. Qanqa preciota pagaspa, paykunata aylluyki kanankupaj kacharicherqanki. Maypichus tiyakorqanki, chay Sión orqomantapis yuyarikuy.

Salmos 89:14

14 (15) Kamachinayki tiyanaqa justicia patapi, cheqan kaj patapi ima sayachisqa. Munakuywan, cheqa kajwantaj ñawpaqeykita rinku.

Éxodo 11:7

Chantá yachankichej imaynatachus Tata Dios Egipto llajtayojkunata uj jinamanta qhawasqanta, israelitakunatatajrí waj jinamanta, imaraykuchus israelitakunamantaqa ni runapis, nitaj uywapis wañonqachu, ni alqollapis ayñanqachu.

Éxodo 15:13

Mana jayk'aj tukukoj khuyakuyniykiwan kacharichisqayki israelitakunata pusashanki. Atiyniykiwantaj tiyakunayki cheqaman pusashanki.

Éxodo 15:5

Rumi jina ukhuman chinkaykunku, mama qochaj yakuntaj paykunata p'ampaykun.

Éxodo 15:6

Tata Diosníy, paña makiykeqa kallpasapa, may atiyniyojtaj. Paña makiyki awqata phiriykorqa.

Éxodo 18:8

Chantá Moisés suegronman willarqa Tata Dios israelitakunata munakusqanrayku imatachus ruwasqanta. Jinallataj willarqa imaynatachus faraonta, jinataj Egipto llajtayojkunatapis jasut'ispa ñak'arichisqanta, chantá ñanta jamushaspa imakunatachus israelitakuna muchusqankuta. Willallarqataj imaynatachus paykunata Tata Dios waqaychasqanta ima.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 23:20

Noqa angelniyta kachamusaj, ñanta rishajtiyki waqaychasunanpaj, qankunapaj wakichipusqay jallp'amantaj chayachisunaykichejpaj.

Éxodo 23:22

Sichus cheqatapuni payta kasunki chay, tukuy nisqantataj ruwanki chayqa, noqa awqaykej awqan kasaj. Pichus contraykipi sayaykusojman noqa sayaykullasajtaj.

Éxodo 23:27

May llajtamanchus chayankichej, chaypi tiyakojkunata noqa manchachisaj, awqaykichejkunataj qankunamanta ayqenqanku.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Isaías 51:10

Manachu qan mama qochapi chay chhika ukhu yakuta ch'akicherqanki? Chaypitaj uj ñanta kicharerqanki, chayninta kacharichisqayki israelitakuna chimpanankupaj.

Isaías 63:12

Maypitaj kashan pichus jatun atiyninta Moisesta yanapananpaj churarqa, chayri? Maytaj kunan pichus israelitakunaj ñawpaqenkupi yakuta iskayman t'aqarqa, chayri? Ajinamanta Tata Diosqa atiyniyoj kasqanta wiñaypaj rikucherqa.

Jeremías 31:11

Tata Diosmin preciota pagaspa, Jacobpa ayllunta kacharicherqa paykunamanta aswan atiyniyoj suyukunamanta, nispa.

Ezequiel 16:8

Ujtawan qayllaykita purishaspa qhawarqayki, casaranapaj jinaña kasqaykitataj repararqani. Chantá p'achaywan q'ala ukhuykita qhataykorqayki. Tiluspataj, uj tratota qanwan ruwarqani ajinamanta noqajtapuni kanaykipaj. Noqa Tukuyta Kamachej Tata Dios chayta nini.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Deuteronomio 11:25

Tata Diosniykichejqa nisusqanman jina, maynejtachá pasankichej, chaypi tiyakoj runakuna manchachikunankuta, kharkatitinankuta ima ruwanqa. Ni pipis qankunaman sayaykuyta atenqankuchu.

Deuteronomio 2:25

Kunanmanta ñawpajman tukuynejpi runakuna qankunamanta manchachikunankuta ruwasaj. Qankunamanta parlajta uyarispa, manchachikuywan kharkatitenqanku, nispa.

Deuteronomio 2:4

Israelitakunata kay jinata kamachiy: Qankunaqa aylluykichej Esaúj mirayninpa jallp'ankunejta chimpankichej, pikunachus Seirpi tiyakunku, chaykunaj jallp'ankunejta. Paykunaqa qankunata manchachikusunkichej. Chayrayku qankunaqa allinta qhawakuychej.

Deuteronomio 32:6

Wampu runakuna, mana yachayniyojkuna, ajinatachu Tata Diosmanqa pagankichej? Manachu payqa tataykichej, ruwasojniykichejtaj? Paymin qankunata ruwasorqachej, kawsaytataj qosorqachej.

Deuteronomio 32:9

Tata Dios chayaqenpaj kikin ayllullantataj ajllakorqa. Paypa chayaqenqa Jacobpa miraynin.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Josué 2:9

Noqa yachani Tata Dios qankunaman kay jallp'ata qosqasuykichejta, chayrayku noqayku sinch'ita manchachikushayku. Tukuy kaypi tiyakojkunaqa qankunata manchachikuspa, wañushaykuña.

Josué 4:24

Ajinata Tata Dios ruwarqa, kay pachapi tukuy runakuna Tata Dios may jina atiyniyoj kasqanta yachanankupaj, qankunataj Tata Diosniykichejta yupaychanaykichejpaj, nispa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

2 Pedro 2:1

Unay israelitakuna ukhupi mana cheqanta yachachej sut'inchajkuna rikhurerqanku. Ajinallatataj qankuna ukhupipis mana cheqanta yachachejkuna rikhurenqanku. Paykuna mana reparaylla, pantachej yachachiyninkuta yachachenqanku, jinataj Tukuyta Kamachej Jesucristotapis qhesachanqanku, pichus ashkha preciowan paykunata ranterqa, chayta. Chayrayku paykuna manaraj imapi chinkachisqa kanqanku.

1 Samuel 2:9

Diosqa payta kasojkunaj puriyninkuta qhawan. Mana kasukojkunatajrí llakiywan ñit'isqa wañunku, imaraykuchus mana pipis kallpanraykullaqa atipanqachu.

1 Samuel 25:37

Q'ayantin paqarintaj Nabal machasqa kasqanmanta yuyayninman kutirejtinña, Abigailqa qosanman tukuy imachus kasqanta sut'inta willarqa. Nabaltaj uyarispa, wayraj jap'isqan jina mana kuyurej rikhurerqa.