Éxodo 14:31 - DIOSPA QHELQACHISQ

³¹ Chaypacha israelitakunaqa Tata Dios Egipto llajtayojkunaj contrankuta may jina t'ukunata ruwasqanta rikorqanku. Chayrayku payta may jatun respetowan qhawarqanku. Chantá Tata Diospi, jinataj kamachin Moisespipis atinikorqanku.

Qheshwa Biblia DC

³¹ Israelitasqa chayta rikorqanku mayta musphaspa t'ukunata jina, imaynatachus Señorqa egipciosta ruwasqanta. Chaymanta israelitasqa Señorta manchachikorqanku, creerqankutaj Señorpi, jinallataj kasorqanku Señorpa kamachin Moisestapis.

DIOSPA QHELQACHISQAN DEUTEROCANONICAL

³¹ Chaypacha israelitakunaqa Tata Dios Egipto llajtayojkunaj contrankuta may jina t'ukunata ruwasqanta rikorqanku. Chayrayku payta may jatun respetowan qhawarqanku. Chantá Tata Diospi, jinataj kamachin Moisespipis atinikorqanku.

Éxodo 14:31 ပူးပေါင်းရင်းမြစ်များ

2 Crónicas 20:20

Q'ayantenqa Judamanta soldadokuna tutamanta jatarikorqanku Tecoa ch'innejman puririnankupaj. Puririshajtinkutaj, Josafatqa sayarikuspa, nerqa: Jerusalenpi, jinataj Judapi tiyakojkuna, uyariwaychej: Tata Diosniykichejpi atinikuychej, amataj manchachikuychejchu. Diosmanta sut'inchajkunapipis atinikuychej, jinataj tukuy imapi allin risonqachej, nispa.

Nehemías 9:9

Qanqa ñawpa tataykukuna imaynatachus Egiptopi ñak'arisqankuta rikorqanki, Puka Mama Qocha kantupipis qhaparikamususqankuta uyarerqanki.

Salmos 119:120

Qanta manchachikusqayrayku tukuy ukhuy kharkatitin, kamachisqaykitataj manchay jatun respetowan qhawani.

Éxodo 19:9

Chantá Tata Dios payta nerqa: Noqa yanayarishaj phuyupi qanwan parlaj jamusaj. Ajinamanta israelitakuna qanwan parlasqayta uyarenqanku, wiñaypaj qanmanta ama iskayrayanankupaj, nispa. Chantá Moisés israelitakuna imatachus nisqankuta uj kutitawan Tata Diosman willallarqataj.

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

San Lucas 8:13

Rumirara jallp'api t'akasqa mujurí ninakun, pikunachus Diospa simi nisqanta uyariytawan kusiywan jap'inku, chaykunaman. Chaywanpis paykuna mana allin saphichasqa kasqankurayku, pisi p'unchayllata Diospi atinikunku, llakiy qhatejtintaj, qhepaman kutiripunku.

San Juan 11:45

Chaypacha Mariata watukoj runakunamanta Jesuspi ashkha atinikorqanku, imaynatachus Lazarota wañusqamanta kawsarichisqanta rikuspa.

San Juan 2:11

Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

Hechos 8:13

Kikillantataj Simonpis Jesuspi atinikuspa, bautizachikorqa. Chaymantataj Felipewanpuni purerqa, may t'ukuna imakunata, runaj mana jayk'aj rikusqanta ruwashajta rikuspataj, mayta t'ukorqa.

Hebreos 3:5

Moisesqa kamachi jina Diospa ayllunpi imachus ruwananta sumajta junt'arqa. Chay ruwasqantaj rejsicherqa Dios imamantachus aswan qhepaman parlanan karqa, chaykunata.

Josué 24:7

Ñawpa tataykichejkunataj yanapanayta mañakuwarqanku, noqataj Egiptomanta soldadokuna israelitakunata ama taripanankupaj laqhayaykucherqani. Chantá mama qocha yakuta kachaykorqani, chaytaj paykunata wañuracherqa. Qankunaqa Egiptopi imatachus ruwasqayta rikorqankichej, chay qhepatataj qankunaqa unayta ch'innejta purerqankichej.

Josué 4:14

Chay p'unchay Tata Dios Josueta israelitakunaj rikunankuta jatun respetowan qhawanaman tukucherqa. Israelitakunataj Josueta wañupunankama manchay respetowan qhawarqanku, imaynatachus Moisesta jatunpaj qhawarqanku, ajinata.

Josué 4:24

Ajinata Tata Dios ruwarqa, kay pachapi tukuy runakuna Tata Dios may jina atiyniyoj kasqanta yachanankupaj, qankunataj Tata Diosniykichejta yupaychanaykichejpaj, nispa.

1 Samuel 12:16

Sumajta uyariwaychej: Kunan Tata Diospa t'ukuna ruwasqanta kikin ñawiykichejwan rikunkichej.

1 Samuel 12:18

Chantá Samuelqa chaypachapacha Tata Diosmanta mañakorqa, Tata Diostaj qhon qhonkunata, paratawan kachaykamorqa. Tukuy runataj Tata Diosta, jinataj Samuelta manchachikorqanku.